02/09/2026
हवाई तथा जमिनी खोज तथा टनेल उद्धार अपडेट (मिति २०८३ भाद्र १७ गते, १९०० बजे).......................
१. खोज तथा उद्धार कार्य
• नेपाली सेनाद्वारा हवाई साधनमार्फत आज मिति २०८३ भाद्र १७ गतेको १९०० बजेसम्म विभिन्न प्रभावित इलाकाहरूबाट ३४ जनाको उद्धार गरिएको। साथै हालसम्म नेपाली सेनाले हवाई साधनमार्फत २७३ जना विदेशी सहित जम्मा ३,९२५ जनाको उद्धार गरेको।
२. टनेलमा खोज तथा उद्धार कार्य
रसुवागढी हाइड्रोमा नेपाली सेना तथा आयोजनाको प्रतिनिधि (इन्जिनियर) सहित २७५ मि. सम्म पुगी खोजी कार्य भइरहेको र हेभी मेशिन/Excavator Drop गरी उद्धार कार्यलाई थप तीव्र गराउने तयारी रहेको।
लाङटाङ हाइड्रोमा विदेशीसहित २५ जनाको संयुक्त खोज तथा उद्धार टोलीले टनेलभित्र करिब १५० मिटरसम्म प्रवेश गरी खोजी कार्य भइरहेको।
चिलिमे हाइड्रोमा माउन्टेन एसोसिएसन र विदेशीसहितको संयुक्त टोली १५० मि. मा पुगी टनेल बन्द भएको अवस्थामा फेला परेको र Sound Detector बाट मोनिटर गर्ने कार्य भएको।
अपर त्रिशूली-१ मा संयुक्त खोज उद्धार टोलीले टनेलको मुख ढुङ्गाले छेकिएको अवस्थामा रहेकोले भित्र छिर्ने प्रयास भइरहेको। साथै, हाकु बेसीमा विदेशीसहितको संयुक्त टिम २६० मि. भित्रसम्म पुगी खोजी कार्य गर्दा हालसम्म केही फेला नपरेको। मेन टनेलमा २५ मिटर, Access टनेल-१ बाट करिब १५० मिटर र Access टनेल-२ बाट करिब २० मिटर गएपश्चात् २६ मिटर पानी भएको Descender Basin सम्म पुगेको जसको अगाडी बन्द अवस्थामा भेटिएको
त्रिशूली-3A मा नेपाली सेना सहितको ९३ जनाको संयुक्त उद्धार टोलीले ४ वटा स्काभेटर र एक Bobcat बाट माटो पन्छाई Compressor Machine, Breaker तथा ब्लाष्टिङ्ग कार्य पश्चात् टनेलको Outlet मा लेदो भरिएको हुँदा Bobcat द्वारा माटो फाल्ने कार्य गरी अगाडी रहेको चट्टान ब्लाष्टिङ्गको कार्य भइरहेको।
त्रिशूली-3B मा नेपाली सेनाको ६१, गैर सैनिक ३ र आयोजनाका प्रबन्ध निर्देशक सहितको संयुक्त उद्धार टोलीले आयोजनाको कार्यालय र निवास पहिचान गरी Bobcat सहित अफिस र Camp area पहिचान तथा खोजी कार्य भइरहेको।
३. जमिनी खोज तथा उद्धार र राहत
• प्रभावित क्षेत्रका जङ्गल, एवम् डाँडाहरूका साथै खोला र वस्ति इलाकामा स्थानीयहरूलाई सुरक्षा प्रत्याभूति दिलाई आवश्यक उद्धार एवम् डाक्टर अधिकृत सहित स्वास्थ्य सेवा प्रदान गर्नको लागि पैदल गस्ती गरी आम जनसमुदायलाई स्वास्थ्य सेवा समेत प्रदान गरेको।
• त्रिशूली पारी कोलोनीदेखि तुप्चे, सोले बजार र नुवाकोट जिल्लाको विभिन्न स्थानहरूमा खोज तथा उद्धारको कार्य भइरहेको।
• टिमुरे इलाकामा फेला परेका शव व्यवस्थापनको लागि त्रिशूलीसम्म ल्याउन Sling Load Operation सुरु गरिएको।
• रसुवाको टिमुरेदेखि नुवाकोट, धादिङ, चितवन र नवलपरासी पूर्वका प्रभावित क्षेत्रहरूमा नेपाली सेनाका ९ हजार २ सय भन्दा बढी फौज प्रत्यक्ष रूपमा खटिई समन्वयात्मक रूपमा घाइतेहरूको खोज तथा उद्धार, शव व्यवस्थापनमा सहयोग, अवरुद्ध सडक सुचारु, राहत सामग्री ढुवानी एवम् आपत्कालीन उपचार कार्य गरिरहेको।
४. निसंक्रमण (Disinfect) गर्ने कार्य
• प्रभावित इलाकाहरूलाई स्वस्थ र निसंक्रमण गर्ने उद्देश्यले रसुवा (धुन्चे, Red Panda इलाका), नुवाकोट (सैन्य तालिम केन्द्र, त्रिशूली), चितवन (देवघाट), धादिङ (गजुरी प्राथमिक स्वास्थ्य केन्द्र र शव फेला परेको स्थानहरू), कास्की (याम्दी बाटुली चौर), तनहुँ (ब्यास-५, चैनपुर) र नवलपरासी पश्चिम (पृथ्वीचन्द्र अस्पताल, परासी (शव सङ्कलन केन्द्र) सुनवल न.पा.-४, मुलपानी सामुदायिक वन (शव व्यवस्थापन) लगायतका शव फेला परेको स्थानहरूमा Disinfect को कार्य भइरहेको र अन्य प्रभावित क्षेत्रहरूमा स्थानीय निकायको समन्वयमा गर्ने तयारी भइरहेको।
