02/09/2026
घमण्डले रोकेको सहयोग, ढिलाइले खोसेको समय र निर्णयहीनताले निम्त्याएको क्षति यी कुरा भाषणले धोइँदैनन्।
अक्षम हुनु कमजोरी हुन सक्छ,
तर अक्षम भएर पनि आफूलाई सर्वज्ञ ठान्नु राज्यको अपराध हो।
जब छिमेकीहरू संकटको पहिलो घडीमै हात बढाउँदै थिए, तिमीहरूले त्यो हात समातेनौ।
किनकि तिमीहरूलाई उद्धारभन्दा आफ्नो अहंकार प्यारो थियो।
आज चेत खुलेको छ।
तर विपद्को घडीमा ´ढिलो`भन्ने शब्दको अर्थ कहिलेकाहीँ ´अब केही बचेन` हुन्छ।
अब दोष मौसमलाई देऊ, खोलालाई देऊ, भूगोललाई देऊ, भाग्यलाई देऊ,तर एउटा कुरा सम्झिराख:
मृत्युको घडीमा ढिलो गरिएको एउटा निर्णय पनि इतिहासमा एउटा प्रश्न बनेर बस्छ।
समय बित्छ। सत्ता बदलिन्छ। अनुहार फेरिन्छन्।तर तिमीहरूले सही समयमा के गरेनौ भन्ने हिसाब समयले राख्छ।
त्यो हिसाबबाट उम्किने छुट तिमीहरूलाई छैन
