नागरिक उन्मुक्ति पार्टी नेपाल

"भौगोलिक–साँस्कृतिक पहिचानसहितको संघीयता र समुदाय–आधारित समाजवादका लागि समर्पित — नागरिक उन्मुक्ति पार्टी नेपाल।"

नागरिक उन्मुक्ति पार्टी नेपालको आधिकारिक फेसबुक पेज। २०६२/६३ को जनआन्दोलनले नेपालबाट २४० वर्ष भन्दा पनि पुरानो राजतन्त्रको अन्त्य मात्रै गरेन संविधानसभा, गणतन्त्र, संघीयता, स्वतन्त्रता तथा अधिकारको निम्ति एउटा नयाँ आयामको स्थापना पनि गर्यो । तत्पश्चातः समय समयमा भएको मधेश आन्दोलन, थरु

हट आन्दोलन तथा राज्यका विभिन्न जातजातीबाट भएका आन्दोलनहरुले पहिचान तथा अधिकारको मुद्दालाई सुनिश्चित गर्न संघर्ष मात्र गरेन,राज्यबाट सदा पीडित महिला, जनजाति, दलित, थारु, मधेसी तथा अरु सबै पिछडीएका वर्गहरुको समेत प्रतिनिधित्व हुने गरी नेपाली जनताले चुनेको नेपाली जनताकै प्रतिनिधिबाट नयाँ संविधानमा यी विषयहरुको समावेशिताको लागी थप उर्जा समेत प्रदान गर्यो । यद्यपी, हरेक आन्दोलन र बलिदानको आड लिएर सत्ताको शिखरसम्म पुगेको राजनीतक नेतृत्वबाट ईतिहासमा झैँ वर्तमानमा पनि पिडितहरुको संघर्ष, योगदान र रगतको अवमुल्यन हुँदै आएको अवस्था छ । आमालाई बाबु सरह नागरिकतामा हिस्सा देखि लिएर उत्पीडित जनसंख्यालाई निरन्तर रूपमा सहभागीतामुलक समावेशिताको सिद्धान्तबाट विमुख गरिंदै आएको छ । आवाज र अधिकारकै निम्ति शताब्दियौं देखि चलिआएको नेपाली जनताको संघर्ष र बलिदान, विडम्बना, आजको कहलिएको नवयुगमा समेत जारी रहनु पर्ने अवस्थाको सिर्जना हुनु पक्कै पनि दुर्भाग्यपूर्ण हो।
तसर्थः नागरीक उन्मुक्ती पार्टीको मुख्य उद्देश्यनै स्वेच्छाचारी राजनीतिक सोच तथा वातावरणले धमिलिएको नेपाली राजनीतिमा अनुशासन तथा नैतिक प्रतिबद्धताको धरातलको स्थापना गर्नु हो ।
दिशाहीन तथा गतिहीन नेतृत्वका गलत आकांक्षा तथा गलत अभिप्रायका कारण नेपाली समाज तथा सामाजिक मान्यताहरु बन्धक रहँदै आउनु पर्ने अवस्थाको अन्त्य गरी नयाँ पुस्तालाई राजनीतिक क्रान्ति भन्दा पनि आर्थिक क्रान्तिको जिम्मेवारी हस्तान्तरण गरी दीर्घकालीन पथमा नेपाली समाजको प्रतिनिधित्व गर्ने परिकल्पना यस पार्टीले गर्दछ ।

नागरिक उन्मुक्ती पार्टी (ना.उ.पा) को मूल उद्देश्य:
१. सांस्कृतिक पहिचान सहितको संघियता स्थापना गर्ने ।
२. हरेक नेपाली नागरिकलाई आत्मनिर्भर, स्वरोजगार बनाउने।
३. आरक्षित र संरक्षित अधिकार अनिवार्य स्थापना गर्ने ।
४. बालाबालिकालाई प्रारम्भ देखिनैउद्देश्य सहितको शिक्षा नीति लागू गर्ने ।
५. हरेक पालिकास्तरमा स्वास्थ्य सेवा सहितको ज्येष्ठ नागरिक हेरचाह केन्द्र स्थापना गर्ने ।