09/10/2025
🇳🇵 युवा भनेका देशका कर्णधार हुन् 🇳🇵
युवाले चाहे भने कुनै पनि असम्भव कुरा सम्भव बनाउन सक्छन्।
यदि युवामा एकता, संयमता, र सकारात्मक सोच जागृत भयो भने, जस्तोसुकै कठिन परिस्थिति किन नहोस्, देशले नयाँ दिशा लिन सक्छ।
इतिहासले पनि देखाइसकेको छ — जब युवाहरू एक ढिक्का भएर अघि बढ्छन्, त्यतिबेला परिवर्तन अवश्य हुन्छ।
पहिलो परिवर्तनको सुरुवात भनेकै आफ्नै सोचबाट गर्नुपर्छ।
हामीले आफ्नो सोच बदल्न सकेनौं भने अरूलाई कसरी प्रेरित गर्न सक्छौं?
पहिले आफैंले उदाहरण बन्नुहोस्, अनि समाजले तपाईंको बाटो पछ्याउनेछ।
अरूलाई राम्रा कुराको अनुभूति गराउन सक्ने शक्ति युवामा नै हुन्छ।
आजको दिनमा धेरैजसो युवाहरू राजनीतिक दल र पार्टीका नाममा बाँडिएका छन्।
तर सम्झनुहोस् — पार्टी होइन, देश नै हाम्रो पहिचान हो।
राजनीतिक दलको झोला बोकेर होइन, देशका लागि काम गरेर हामीले आफ्नो योगदान दिनुपर्छ।
त्यस्ता दल वा नेताको पछि लाग्ने भन्दा पनि देश, समाज र जनताको हितमा सोच्ने बानी बसालौं।
हामीले धेरै वर्षदेखि एउटै कुरा सुन्दै आएका छौं —
“त्यो पार्टी यस्तो, यो पार्टी उस्तो।”
तर देश कहाँ पुगेको छ?
अझै पनि बेरोजगारी, भ्रष्टाचार, र असमानता छरपस्ट छन्।
यदि अब पनि युवाले मौन बस्ने हो भने, परिवर्तन कहिल्यै सम्भव हुँदैन।
त्यसैले अब युवाको आवाज बुलन्द हुनुपर्छ।
एक अर्कामा सहयोग, सहकार्य र विश्वासको भावना जागृत हुनुपर्छ।
देशलाई नयाँ दिशा दिन सक्ने शक्ति हामीभित्रै छ।
अब खाली हेरेर “तिमीहरूले राम्रो काम गर्दैछौ” भन्नुको सट्टा,
सकिएसम्म सघाऔं — सकेनौं भने कम्तीमा निरुत्साहित नगरी बसौं।
युवा जागिसकेका छन्, देश बदल्नको लागि तयार छन्।
यो आवाज कुनै एक व्यक्तिको होइन —
यो सम्पूर्ण युवाको आवाज हो, यो चेतनाको ज्वाला हो 🔥
जय युवा, जय देश! 🇳🇵
