22/03/2026
बुद्धशान्ति-४,
टिमाई शिविर नजिकैको मकैबारीमा देखिएको दुर्लभ निगाले चितुवालाई वन विभाग र प्रहरीको टोलीले नियन्त्रणमा लिन 'डार्ट' (Dart) प्रहार गरिसकेको अवस्थामा, केही व्यक्तिहरूको उत्तेजित भीडले बीभत्स ढङ्गले कुटपिट गरी मारेको घटनाले दुखी बनायो ।
विज्ञ टोली घटनास्थलमा खटिएको र एउटा डार्ट प्रहार गरी चितुवालाई बेहोस बनाउने प्रक्रिया सुरु भइसकेको अवस्थामा कुन आधार र कसको अनुमतिले उक्त वन्यजन्तुलाई निर्ममतापूर्वक मारियो भन्ने प्रस्न त छदै छ साथमा मानवीय चेतना र समवेदना हीनताको ज्वलन्त उदाहरण पनि बनेको छ यो घटना।
राष्ट्रिय निकुञ्ज तथा वन्यजन्तु संरक्षण ऐन, २०२९ अनुसार चितुवा मार्नु ५ देखि १५ वर्षसम्म कैद र १० लाख रुपैयाँसम्म जरिवाना हुन सक्ने फौजदारी अपराध छ। सबैको क्यामरामा कैद भएको र प्रशासन को आँखा अगाडि भएको यो घटना ले कुन मोड लिन्छ भन्ने हेर्न बाँकी छ !
