15/05/2017
राष्ट्रिय युवा प्रतिभा सम्मान र राष्ट्रिय खेलकुद प्रतिभा सम्मानका लागि आवेदन पेस गर्ने सूचना
(प्रथम पटक प्रकाशित मिति: २०७४/०१/२२)
चालु आ.व. ०७३/७४ को युवा तथा खेलकुद मन्त्रालयको स्वीकृत वार्षिक कार्यक्रम अन्तरगत (१) राष्ट्रिय युवा प्रतिभा सम्मान कार्यविधि, २०७२ को परिच्छेद २ को बुँदा नं. ३ मा उल्लेख भएको राष्ट्रिय युवा प्रतिभा सम्मानका क्षेत्रहरुमा उदाहरणीय एवं उत्कृष्ट कार्य गर्ने युवा प्रतिभा, युवा समूह र युवा संघ संस्थाहरुको सम्मानका लागि र (२) राष्ट्रिय खेलकुद प्रतिभा सम्मान कार्यविधि, २०६८ (संशोधन सहित) बमोजिम खेल क्षेत्रमा उत्कृष्ट कार्य गर्ने खेलाडि, खेल प्रशिक्षक, निर्णायक, खेल व्यवस्थापक, राष्ट्रिय खेल संघ तथा खेल प्रायोजकहरु मध्ये छनौट भएका उत्कृष्ट खेल प्रतिभाहरुलाई जनही रु १ लाखका दरले नगद पुरस्कार तथा सम्मान पत्रबाट सम्मान गर्ने कार्यक्रम रहेकोले योग्य युवा प्रतिभा, युवा समूह, युवा संघ संस्थाहरु र खेलकर्मीहरु तथा खेल संस्थाहरुबाट राष्ट्रिय युवा प्रतिभा सम्मान कार्यविधि, २०७२ को अनुसूचि २ एवं राष्ट्रिय खेलकुद प्रतिभा सम्मान कार्यविधि, २०६८ (संशोधन सहित) को अनुसूचि २ र ३ बमोजिमको प्रक्रिया पुरा गरी आवश्यक विवरण सहित युवा तथा खेलकुद मन्त्रालय,(राष्ट्रिय युवा प्रतिभा सम्मानका लागि तथ्याङ्क तथा सूचना शाखा र राष्ट्रिय खेलकुद प्रतिभा सम्मानका लागि खेलकुद प्रतियोगिता शाखा) मा २१ दिन भित्र आइपुग्ने गरी आवेदन पेश गर्नुहुन सम्बन्धित सबैको जानकारीको लागि यो सूचना प्रकाशन गरिएको छ ।
रित नपुगी तथा म्याद नाघि प्राप्त हुने आवेदन छनौट प्रक्रियामा समावेश गराइने छैन । सम्बन्धित कार्यविधिहरु तथा विस्तृत जानकारीका लागि फोन नं. ०१–४२००५४४ र ०१–४२००५५० मा सम्पर्क गर्न तथा मन्त्रालयको वेबसाईट www.moys.gov.np मा समेत हेर्न सकिनेछ ।
http://dycjhapa.gov.np/moys-2074-01-22/
