01/09/2026
🔴 देउमाईका डा. नशिब पराजुलीलाई प्रतिष्ठित इरास्मस मुन्डस छात्रवृत्ति ‼️
देउमाई, इलाम। देउमाई नगरपालिका–४ निवासी टंक पराजुली र अम्बिका पराजुलीका सुपुत्र डा. नशिब पराजुली युरोपियन युनियनद्वारा सञ्चालित प्रतिष्ठित Erasmus Mundus Joint Master Scholarship प्राप्त गर्न सफल भएका छन् ॥
डा. पराजुली सन् २०२६–२०२८ को दुईवर्षे Leading International Vaccinology Education (LIVE) स्नातकोत्तर कार्यक्रममा मुख्य सूचीबाट छनोट भएका हुन् ॥ कार्यक्रमको आधिकारिक नतिजामा उनको नाम नेपाली नागरिकका रूपमा Main List मा राख्दै युरोपियन आयोगअन्तर्गतको EACEA छात्रवृत्तिबाट सर्तसहित भर्ना तथा आर्थिक सहायता प्राप्त गर्ने उल्लेख छ ॥
🔺LIVE को आधिकारिक छनोट नतिजा (https://masterlive-vaccinology.eu/wp-content/uploads/2026/05/2026_Online_Step4_Admission_May5.pdf)
यो कार्यक्रम स्पेनका युनिभर्सितात अटोनोमा डे बार्सिलोना र युनिभर्सितात डे बार्सिलोना, बेल्जियमको युनिभर्सिटी अफ एन्टवर्प तथा फ्रान्सका जाँ मोने विश्वविद्यालय र क्लोद बर्नार्ड लियोन–१ विश्वविद्यालयले संयुक्त रूपमा सञ्चालन गर्छन् ॥ दुईवर्षे अध्ययनमा खोप विज्ञान, रोग प्रतिरोधात्मक विज्ञान, सङ्क्रामक रोग, खोप अनुसन्धान तथा विकास, स्वास्थ्य नीति र सम्बन्धित विषय समेटिन्छन् ॥
आधिकारिक नतिजाअनुसार पहिलो चरणमा १०४ देशका दुई हजार २६४ जनाले आवेदन खाता खोलेका थिए ॥ तीमध्ये एक हजार ४३६ जनाले आवेदन पेस गरेका र एक हजार ४२१ आवेदन योग्य ठहरिएका थिए ॥ अन्तर्वार्तापछि २२ देशका २९ उम्मेदवार मात्रै मुख्य सूचीमा परेका छन्। उक्त मुख्य सूचीमा नेपालबाट डा. पराजुली एकमात्र उम्मेदवार हुन् ॥ यस आधारमा उनको छनोट अत्यन्त प्रतिस्पर्धात्मक रहेको देखिन्छ ॥
युरोपियन युनियनको नेपालस्थित प्रतिनिधिमण्डलले पनि यस वर्ष नेपालका ४२ विद्यार्थीले विभिन्न Erasmus Mundus Joint Master कार्यक्रमका लागि छात्रवृत्ति प्राप्त गरेको आधिकारिक रूपमा जनाएको छ ॥
🔹EU Delegation to Nepal (https://www.eeas.europa.eu/delegations/nepal/42-nepali-students-secure-scholarships-erasmus-mundus-joint-masters-programme_en?s=237)
देउमाईका डा. पराजुलीले हासिल गरेको यो सफलता इलामसँगै सिंगो नेपालका लागि गौरवको विषय बनेको छ ॥ खोप विज्ञानजस्तो महत्त्वपूर्ण क्षेत्रमा उच्च अध्ययनका लागि विश्वस्तरीय अवसर पाएका उनलाई आगामी शैक्षिक तथा व्यावसायिक यात्राका लागि हार्दिक बधाई तथा शुभकामना ॥
