30/03/2024
नेपाल लोकतन्त्रवादी आदिवासी जनजाति महासंघ
कोशी प्रदेशको प्रथम अधिवेशन २०८०
झापा
नेपाल लोकतन्त्रवादी आदिवासी जनजाति महासंघ कोशी प्रदेशको अधिवेशन २०८० चैत्र २६-२७ गते झापामा हुने भएको छ । महासंघका केन्द्रीय अध्यक्ष ओमबहादुर घर्तीमगर, महासंघका केन्द्रीय सदस्य विश्वदिप लिङ्देन (प्रदेश संयोजक), राम्जी कोङ्रेन, टेकबहादुर लिम्बु लगायत विशिष्ट महानुभावहरुको उपस्थितिमा झापामा चैत्र १६ गते सम्पन्न बैठकले विश्वदिप लिङ्देनको संयोजकत्वमा १०१ सदस्यीय कोशी प्रदेश अधिवेशन मूल आयोजक समिति गठन गरेको छ ।
आजको बैठकले स्थानीय व्यवस्थापन समिति संयोजकमा सन्जिब प्रधान, आर्थिक व्यवस्थापन संयोजक- दिलकुमार नेम्वाङ, प्रचारप्रसार समिति संयोजक- गणेश मादेन, आवास तथा भोजन समिति संयोजक- रामबहादुर मगर, स्वयंसेवक संयोजक- मोहन लिम्बु, झाँकी तथा सांस्कृतिक व्यवस्थापन समिति संयोजक- टेकबहादुर लिम्बुलाई तोकिएको छ ।
नेपाल लोकतन्त्रवादी आदिवासी जनजाति महासंघ कोशी प्रदेशको अधिवेशनको समुद्घाटन २०८० चैत्र २६ गते बिहान ११ बजे झापामा नेपाली काँग्रेसका सभापति एवम् पूर्व प्रधानमन्त्री शेरबहादुर देउवाले गर्नुहुनेछ ।उक्त अधिवेशनको बन्दसत्रमा कोशी प्रदेशका १४ वटा जिल्लाबाट ५५० जनाभन्दा बढी प्रतिनिधिहरु सहभागी हुनेछन् ।
जय नेपाल ।
