We believe in providing an independent platform either by physical or virtual method for offering knowledge in inclusive manner inorder to create opportunities for learning , support literacy and info. यो पुस्तकालयको एउटै मात्र उदेश्य हो "जान"। हरेक मान्छेले जान्न पाउनु पर्छ, जान्नको लागि पढ्नु पर्छ र जाने पछि स्वविवेक प्रयोग गर्नु पर्छ भन्ने हो।
आज संसारमा जिवात्माहरु बिच जति पनि फरक छ ज
ान्नुको कारण नै फरक छ। मान्छे मान्छे बीचमा भनौं या त मान्छे र जनावर बीचमा भनौं यदि फरक छ भने त्यो हो "जान्नु" अर्थात "चेतना"।यहि जान्नुको कारण नै संसारमा सृजना र बिनासको लामो इतिहासहरु रचना भएका छन् र विभिन्न काल खण्ड देखि आजसम्म बिचार र सिद्धान्तले शासन गरि रहेको छ। माक्र्सको कुरा गरौं या त बुद्धको वा आइन्स्टाइनको नै, उनिहरुको बिचार र सिद्धान्तले दुनियाँलाई हेर्ने दृष्टिकोण बदलिदिए अथवा दुनियाँलाई शासन गरे। "जान्नु" र "बिचार र सिद्धान्त"मा के सम्बन्ध छ भन्ने पनि कुरा आउन सक्छ, जब जानिन्छ अनि नै बिचार र सिद्धान्तहरु बन्ने हो, जान्नु भित्र जानू हो भने बिचार र सिद्धान्त बाहिर आउनु हो, बिचार र सिद्धान्त एउटा फुलेको फुल हो र जान्नु भनेको माटो हो काण्ड हो पात हो जति पनि फुलाउनलाई सहयोगी तत्त्वहरु छन। त्यसैले जसले जान्ने शाहास गर्यो उसले जिबन र जगतलाई बुझेर आफ्नो बिचार र सिद्धान्तले संसारलाई हेर्ने दृष्टिकोण बदली दियो। यसले गर्दा जान्नु नै मानवीय उच्च मुल्य र अस्तित्वको पहिलो आधार हो भन्ने यो लाइब्रेरी स्थापनको एक मात्र उदेश्य हो। जान्नको लागि किन लाइब्रेरी नै हाम्रो रोजाईमा पर्यो, यो त्यति धेरै ब्याख्या गर्नु पर्दैन होला, किन भने लाइब्रेरी जति सर्ब सुलभ र सरल छ त्यति नै अरु माध्यम भन्दा फराकिलो र सुस्म छ भन्ने हो।
हुन त अहिलेको एकाइसौं शताब्दिमा मान्छेहरु संचारको दुनियाँ भन्दा टाढा छैनन् तर यसले मात्र चेतना स्तर गहिराई सम्म लिएर जान पर्याप्त छैन। किन कि जति बिसृत ज्ञान र तथ्य किताबले दिन्छ त्यति सामाजिक संजालले नदिन सक्छ, जुन अनुभुती किताबले दिन्छ त्यो मिडियाले नदिन सक्छ र बर्तमान समसामयिक बिषयमा जति मिडिया सकृय छन् भबिस्य र बिगतको लागि खासै देखिदैन। अर्को कुरा सबै बर्ग र क्षेत्रको लागि मिडिया अहिले नै त्यति धेरै सर्ब सुलभ बनि सकेको छैन जसले मिडियाबाट नै आफ्नो अध्यायन अनुसन्धानको काम पूरा गर्न सकोस। अझ भन्ने हो भने अहिले पनि ग्रामीण भेगमा मिडियाको पहुँच अत्यन्तै कम्जोर छ। यस कारणले जान्नको लागि पढ्नु जति उत्तम उपाय हाम्रो जस्तो ज्ञानको खोजिम तड्पी रहेको गाउँ समाजको लागि अरु नहोला कि भन्ने हो र लाइब्रेरी जतिको सर्बसुलभ र सबै बर्गले प्रयोग गर्न सक्ने बौद्धिक क्रान्तिको लागि अरु माध्यम त्यति धेरै सरल र सुविधाजनक छैन कि भन्ने हो।अझ अध्ययन अनुसन्धान गर्नेहरुको लागि यसले ठूलो सहयोग गर्नेछ भन्ने हाम्रो बिश्वास हो।
हरेक मान्छेले जान्नको लागि पढ्न पाउनु पर्छ र जानेर स्वबिवेकले निर्णय गर्न सक्ने हुनु पर्छ भन्ने निर्वाणको यात्रामा यहि आधारभूत खुड्किला संगाल्ने क्षमता अभिवृद्धि गर्नु नै लाइब्रेरीको मुख्य काम हुनेछ।
