28/08/2026
नेकपा (एमाले) का महासचिव शंकर पोखरेलसहितको टोलीले बाढी प्रभावित नुवाकोटका ढुङ्गे, देवीघाटलगायत क्षेत्रको स्थलगत निरीक्षण गरी क्षतिको अवस्था, राहत–उद्धार तथा पुनःस्थापनाका विषयमा स्थानीय पार्टी नेतृत्वसँग आवश्यक परामर्श तथा छलफल गर्नुभएको छ।
महासचिव पोखरेलले स्थानीय आवश्यकता र प्राथमिकताका आधारमा राहत तथा पुनःनिर्माणका काम अघि बढाउन, आवश्यकताअनुसार स्वयंसेवक परिचालन गर्न तथा संघ, प्रदेश, स्थानीय सरकार र प्रशासनसँग प्रभावकारी समन्वय कायम गर्न निर्देशन दिनुभएको छ।
टोलीले अस्पतालमा उपचाररत घाइतेहरूको स्वास्थ्य अवस्थाबारे समेत जानकारी लिँदै आवश्यक उपचार र सहयोगका विषयमा चासो व्यक्त गरेको छ।
विपद्को यस कठिन घडीमा प्रभावित नागरिकको राहत, उद्धार र पुनःस्थापनाका लागि पार्टीका सबै तहलाई जिम्मेवार र समन्वित रूपमा परिचालित हुन आग्रह गर्दछौँ।
