10/07/2026
राप्ती इञ्जिनियरिङ कलेजमा आईटी क्लब पुनःगठन
२०८३ साल असार २६ गते आईटी क्लब अफ राप्ती इन्जिनियरिङ कलेजको पुनःगठन गरिएको छ । राप्ती इञ्जिनियरिङ कलेजका प्रिन्सिपल श्री रेशम गिरीले नयाँ कार्यसमितिको औपचारिक घोषणा गर्नुभएको थियो ।
सूचना प्रविधिको क्षेत्रमा विद्यार्थीहरुको नेतृत्व क्षमता, प्राविधिक दक्षता, नवप्रवर्तन तथा अनुसन्धानलाई प्रोत्साहन गर्ने उद्देश्यले क्लबलाई पुनःगठन गरिएको हो । कार्यक्रममा कलेजका शिक्षक, कर्मचारी तथा विद्यार्थीहरूको उल्लेखनीय सहभागिता रहेको थियो ।
नयाँ कार्यसमितिका पदाधिकारीहरूमा अध्यक्षता ज्योति शर्मा, उपाध्यक्ष सृजना सुबेदी, सचिव एलिजा थापा, कोषाध्यक्ष एन्जेलिना डाँगी, सह—कोषाध्यक्ष विबेक चालाउने, पिआर लिड समिर थापा, टेक लिड रिया के.सी., कार्यक्रम इनचार्जमा धिरेश कुमार र पवित्रा गिरी रहनुभएको छ । त्यसैगरी सदस्यहरूमा सन्तोष घर्ती, आयुष परियार, बिमला ओली, नवराज सुबेदी, मानिषा नेपाली, कमला के.सी., आशिष कोइराला र बिबेक चौधरी चयन हुनुभएको छ । साथै पुनःगठित कार्यसमितिमा Central Executive Lead मा सन्देश आचार्य छनोट हुनुभएको हो ।
कार्यक्रममा बोल्दै कलेजका प्रिन्सिपल रेशम गिरीले सूचना प्रविधिको क्षेत्रमा विद्यार्थीहरूको क्षमता अभिवृद्धि, अनुसन्धान, नवप्रवर्तन तथा व्यवहारिक सिकाइलाई प्रवद्र्धन गर्न आईटी क्लबले महत्वपूर्ण भूमिका खेल्ने विश्वास व्यक्त गर्नुभयो । गिरीले आगामी दिनमा तालिम, सेमिनार, कार्यशाला, ह्याकाथन, प्राविधिक प्रतियोगिता तथा सामाजिक उत्तरदायित्वका कार्यक्रम सञ्चालन गरी विद्यार्थीहरूलाई प्रविधिमैत्री वातावरण उपलब्ध गराइने बताउनु भएको थियो ।
नवनिर्वाचित पदाधिकारीहरूले पनि क्लबलाई अझ सक्रिय, सिर्जनशील र परिणाममुखी बनाउँदै विद्यार्थीहरूको प्राविधिक तथा नेतृत्व क्षमताको विकासमा समर्पित भएर काम गर्ने प्रतिबद्धता व्यक्त गरेका थिए ।
