31/05/2026
विश्व सुर्तिजन्य पदार्थरहित दिवस २०२६ (मे ३१) को विश्व स्वास्थ्य संगठन (WHO) ले घोषणा गरेको मुख्य नारा:
“आकर्षणको आवरण हटाऔं — निकोटिन र सुर्तिजन्य पदार्थको लतविरुद्ध लडौं”
(Unmasking the appeal – Countering ni****ne and to***co addiction)
विश्व सुर्तिजन्य पदार्थरहित दिवस २०२६ को यस वर्षको अभियान विशेषगरी युवाहरूलाई लक्षित गरी सुर्ती तथा निकोटिन उद्योगले प्रयोग गर्ने आकर्षक प्याकेजिङ, स्वाद (flavours) र बजार प्रवर्द्धनका रणनीतिहरूको पर्दाफास गर्न केन्द्रित रहेको छ।
विश्व सुर्तिजन्य पदार्थरहित दिवसको अवसरमा सबै नागरिकलाई सुर्ती तथा निकोटिनजन्य पदार्थको सेवनबाट टाढा रहन र स्वस्थ जीवनशैली अपनाउन हार्दिक अनुरोध गर्दछौं। सुर्तीजन्य पदार्थको प्रयोगले मुटुरोग, क्यान्सर, मधुमेह, दीर्घ श्वासप्रश्वास रोग लगायत धेरै नसर्ने रोगहरूको जोखिम बढाउँछ। धूम्रपान वा सुर्ती सेवन गर्ने व्यक्तिमात्र होइन, वरपरका परिवारका सदस्यहरू, बालबालिका र गर्भवती महिलाहरू पनि यसको हानिकारक असरबाट प्रभावित हुन्छन्।
यस दिवसले हामी सबैलाई आफ्नो स्वास्थ्यप्रति सचेत भई सुर्ती सेवन त्याग्ने वा सुरु नै नगर्ने प्रतिबद्धता गर्न प्रेरित गर्दछ। यदि तपाईं सुर्ती सेवन गर्नुहुन्छ भने, आजै त्याग्ने निर्णय लिनुहोस्। परिवार, साथीभाइ र समुदायले पनि सुर्ती त्याग्न चाहने व्यक्तिलाई सहयोग र हौसला प्रदान गरौं। विशेषगरी युवापुस्तालाई सुर्ती तथा निकोटिनजन्य पदार्थको लतबाट जोगाउन अभिभावक, शिक्षक र समुदायको भूमिका महत्वपूर्ण छ।
