20/06/2025
"सडक अनुशासन तथा सवारी दुर्घटना न्यूनिकरणको लागी ट्राफिक सप्ताह २०८२"
आन्तरिक मामिला तथा कानुन मन्त्रालय,तालुक कोशी प्रदेश प्रहरी कार्यालय बिराटनगर र नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय इटहरीको सहयोग तथा जिल्ला प्रहरी कार्यालय सुनसरी र जिल्ला ट्राफिक प्रहरी कार्यालय सुनसरीको संयुक्त आयोजनामा सडक अनुशासन तथा सवारी दुर्घटना न्यूनिकरणको लागी ट्राफिक सप्ताह २०८२ भब्यताका साथ शुभारम्भ भएको छ । असार ६ गते इटहरी उपम..पा वडा नं. ६ स्थित म्याजिक स्टेण्डबाट प्रभात फेरी सुरु भई पुनः म्याजिक स्टेण्डमा पुगी एक कार्यक्रमको आयोजनाका बिच ट्राफिक सप्ताहको शुभारम्भ भएको हो । सुनसरी जिल्लाका प्रमुख जिल्ला अधिकारी धर्मेन्द्र कुमार मिश्रज्युको अध्यक्षता तथा इटहरी उपमहानगरपालिकाका प्रमुख हेमकर्ण पौडेलकोज्युको प्रमुख आतिथ्यतामा कार्यक्रमको समुद्घाटन भएको थियो । कार्यक्रममा भगवति दल गण ईटहरी सुनसरीका प्रमुख सेनानि राजन भुजु, जिप्रका सुनसरीका कार्यालय प्रमुख प्र.उ. सुमन कुमार तिम्सिना, स.प्र.बल नेपाल ४ न. गण हेटक्वाटर सुनसरीका प्रमुख स.प्र.उ. निर्मल कुमार थापा ,जिल्ला ट्राफिक प्रहरी कार्यालय धरान सुनसरीका प्रमुख प्र.नि. बिरेन्द्र सिंह थापा लगायत ट्राफिक प्रहरी नेपाल प्रहरी, सशस्त्र प्रहरी, नगर प्रहरी,उद्योग बाणिज्य संघका प्रमुख तथा प्रतिनिधिहरु,स्थानिय जनप्रतिनिधिहरु,यातायात व्यवसायीहरु,मजदुर संगठनहरु, भद्र भलाद्मि, बुद्दिजिवि, पत्रकार, बिभिन्न बिद्यालयका शिक्षक तथा बिद्यार्थीहरु समेतको उपस्थिति रहेको थियो ।
