13/07/2025
मलाई यस धर्तिमा जन्म दिनुहुने मेरा श्रदय बुवा र स्वर्गीय ममतामयी आमा प्रति कृतज्ञता सहित हार्दिक नमन।❤️🙏
जीवनको यात्रा पार गर्ने क्रममा तपाईंहरूको माया, साथ, सहयोग, सल्लाह, र आशीर्वादले मलाई थुप्रै व्यक्तिहरु सङ्ग अनुभवहरु सिक्ने, नविनतम सोच भएका व्यक्ति सङ्ग काम गर्न संगत गर्ने तथा अनुभव आदान-प्रदान गर्ने अवसर प्राप्त भयो। सम्माननीय गुरुवर्ग, दाजुभाइ, दिदीबहिनी, साथीहरू–तपाईंहरूको प्रेरणा, सकारात्मक आलोचना, र हौसलाले मलाई संघर्षका बीच अगाडि बढ्ने ऊर्जा प्रदान गरेको छ।
जीवन अस्थायीपनको किताब हो, "हिजो जस्तो थियो आज छैन आज जस्तो छ भोली त्यस्तै रहदैन।" यहि क्षणिकताबीच पनि प्रेम,साहस र अमरत्वको खोज हो जीवन, त्यसैले कुनै एक विधा भित्र परिभाषित गर्न सकिन्न । जिवन सधैं सोचे जस्तो हुँदैन। तर सही सोच, मेहनत र इमानदारीले लक्ष्य प्राप्त गर्न सकिन्छ। तपाईंहरूको सहयोग र शुभेच्छाले यहाँसम्म आइपुग्दा हिजोका सिकाइहरू अनमोल बनेका छन।
हिजो पर्न गएको जन्मदिनको अवसरमा विभिन्न माध्यम बाट मलाइ शुभ-आशिर्वाद दिनुहुने सम्पुर्ण आफन्तजन, शुभेच्छुक, सुभचिन्तकहरु लाई हार्दिक धन्यवाद ज्ञापन गर्दछु। तपाईं हामी सबैको सुख-दुःखमा सँगै रहने आशा राख्दछु।
भगवान पशुपतिनाथले हामी सबैको रक्षा गरून्।
हार्दिक आभार। ❣️🙏
