कोशी प्रदेश प्रहरी तालिम केन्द्र, विराटनगर

03/06/2026

निरीक्षण तथा निर्देशन सम्बोधन कार्यक्रम सम्पन्न:
२०८३ जेठ, २० गते ।
***************************************
नेपाल प्रहरी तालिम सञ्चालन कार्यादेश २०७९ बमोजिम हाल सञ्चालन भईरहेका तालिम अन्तर्गत प्रशिक्षणको स्तर तथा गुणस्तरीयता लगायतका गतिविधिहरुको अनुगमन तथा निरीक्षण कार्यक्रमको लागि राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशक प्रहरी अतिरिक्त महानिरीक्षक श्रद्धेय श्रीमान शिद्धी बिक्रम शाहज्यू बाट आज मिति २०८३ जेठ २० गते यस कोशी प्रदेश प्रहरी तालिम केन्द्रको भौतिक तथा प्रशिक्षण पूर्वाधारहरु र कार्यालयका विभिन्न शाखाहरुको स्थलगत अनुगमन तथा निरीक्षण गर्नुका साथै वाह्य तथा आन्तरिक प्रशिक्षकहरु संग अन्तरक्रिया कार्यक्रम समेत गर्नु भएको र तत: पश्चात राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशकज्यूले यस तालिम केन्द्रमा कार्यरत सम्पूर्ण प्रहरी कर्मचारीहरु लगायत प्रशिक्षणरत सेवाकालिन तथा आधारभूत तालिमका प्रशिक्षार्थीहरुलाई निर्देशन सम्बोधन गर्नु भएको थियो । उक्त कार्यक्रममा तालुक कोशी प्रदेश प्रहरी कार्यालयका प्रहरी वरिष्ठ उपरीक्षक योगेन्द्र सिंह थापाज्यू समेतको उपस्थित रहेको थियो । कार्यक्रमको अन्तमा यस तालिम केन्द्रका समादेशक प्रहरी वरिष्ठ उपरीक्षक गोविन्द अधिकारीज्यूले श्रद्धेय श्रीमान् प्रहरी अतिरिक्त महानिरीक्षक शिद्धी बिक्रम शाहज्यूप्रति धन्यवाद ज्ञापन गर्दै प्राप्त निर्देशनको अक्षरस: कार्यन्वयन गर्ने प्रतिबद्धता समेत जाहेर गर्नु भएको थियो ।
तस्विरमा.........................

02/06/2026

निर्देशन सम्बोधन कार्यक्रम सम्पन्न:
२०८३ जेठ, १९ गते ।
**************************
नेपाल प्रहरी संगठन प्रहरी प्रमुख श्रद्धेय श्रीमान प्रहरी महानिरीक्षक दान बहादुर कार्कीज्यूबाट आज मिति २०८३ जेठ १९ गते यस कोशी प्रदेश प्रहरी तालिम केन्द्र विराटनगरमा निर्देशन सम्बोधनको क्रममा कानून कार्यन्वयन गराउने पहिलो निकाय एवं सरकारको साक्षात प्रतिनिधि प्रहरी भएको हुनाले नागरिकका समस्याहरुमा प्रतिवद्ध भएर लाग्न,नागरिक सेवा निष्पक्ष रुपमा गर्न, सामाजिक संजाल वरदान मात्र नभएर अभिसाप पनि हुन सक्ने भएकाले सामाजिक संजाल प्रयोगमा प्रहरी कर्मचारीहरुले आचारसंहिता लाई विशेष ध्यान दिनुपर्ने कुरामा उदाहरण सहित स्पष्ट पार्नु भएको थियो । प्रहरी कर्मचारीहरुको निश्वार्थ भावले नागरिकको सेवा गर्नुपर्ने कुरालाई औल्याउँदै सेवाग्राहीहरुसँग केही अपेक्षा नगरिकन प्रहरी गरिब, दुखी, पीडित, असहाय वर्गको साथी हुनुपर्ने, सेवाग्राहीहरुको पिर मार्काहरुको प्रत्यक्ष रुपमा सम्बोधन गर्नु पर्ने, chain of command लाई ख्याल गर्दै दैनिक सम्पादित कार्यहरुको समयमा रिपोर्टिङ गर्ने, प्रहरीको बोलीचाली एंव भाषा सम्प्रेषणमा भाषिक शुद्धतालाई विशेष रुपमा ख्याल गर्नुपर्ने साथै प्रविधि मैत्री प्रहरीले मात्रै आजको समाजमा समायोजन भएर प्रहरी कार्य गर्न सक्ने भएको हुदाँ समय सापेक्ष प्रहरी कर्मचारीहरुलाई प्रदान गरीने तालिममा समेत परिष्कृत गरी सोही बमोजिम प्रशिक्षण गराई आजको युग सुहाउँदो दक्ष प्रहरी जनशक्ती उत्पादन गर्नुपर्ने कुरामा समेत प्रष्ट पार्नु भएको थियो । उक्त कार्याक्रममा नेपाल प्रहरी प्रधान कार्यालयका प्रहरी वरिष्ठ उपरीक्षक मुकुन्द मरासिनीज्यू,कोशी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक गोविन्द अधिकारीज्यू,नेपाल प्रहरी प्रदेश कार्यालय धरानका प्रमुख प्रहरी वरिष्ठ उपरीक्षक ज्ञानेन्द्र प्रसाद फुयालज्यू, कोशी प्रदेश प्रहरी कार्यालयका प्रहरी वरिष्ठ उपरीक्षक योगेन्द्र सिंह थापाज्यू, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय ईटहरी,कोशी प्रदेश प्रहरी गण विराटनगर,नेपाल प्रहरी विशेष सुरक्षा गण दुहवी सुनसरी, जिप्रका झापा,मोरङ, सुनसरी,उदयपुर,धनकुटाका प्रहरी उपरीक्षकज्यूहरु, इलाका प्रहरी कार्यालयका प्रहरी नायव उपरीक्षकज्यूहरु तथा प्रहरी निरीक्षकज्यूहरु, एंव चौकी प्रमुखहरु, प्रशिक्षक वर्ग र उन्नत तालिम तथा आधारभूत तालिमका प्रशिक्षार्थीहरु समेत गरी ५६३ जनाको उपस्थिति रहेको थियो ।
तस्विरमा.........................

25/05/2026

प्रहरी जवान (जनपद) पदको अन्तर्वार्ता सुचारु हुने सम्बन्धी सूचना (२०८३-०२-११)

25/05/2026

14/05/2026

https://newsabhiyan.com/news-details.php?nid=408547&fbclid=IwZnRzaARydOZleHRuA2FlbQIxMQBzcnRjBmFwcF9pZAo2NjI4NTY4Mzc5AAEeeUIOeld8owK1UBIshJiqsE_C1oyVd9k-yk_woWS6k1V0eslkw9etsOzgeGk_aem_XIkivm1Tp9A9bs3NHbD3vw

काठमाडौं, ३१ वैशाख । नेपाल प्रहरीको

13/05/2026

बिदाको वार्षिक क्यालेण्डर तयार गरी कार्यान्वयन गरिएको ।

12/05/2026

शुभ जन्मोत्सवको शुभकामना आदान प्रदान तथा साँस्कृतिक कार्यक्रम सम्पन्न:........................................................................................................................
२९ वैशाख २०८३, विराटनगर
यस केन्द्रका समादेशक प्रहरी वरिष्ठ उपरीक्षक गोविन्द अधिकारीज्यूको प्रमुख आतिथ्यमा वैशाख महिनामा जन्मदिन पर्ने यस कोशी प्रदेश प्रहरी तालिम केन्द्रका प्रहरी कर्मचारी,सेवाकालिन तथा आधारभूत तालिममा प्रशिक्षणरत प्रशिक्षार्थीहरूको सामूहिक रूपमा जन्मोत्सवको शुभकामना आदान प्रदान कार्यक्रम साथै यस केन्द्रको अतिरिक्त क्रियाकलाप अन्तर्गत विविध साँस्कृतिक कार्यक्रम सम्पन्न भयो ।
उक्त कार्यक्रममा यस केन्द्रका प्रहरी निरीक्षकज्यू, जुनियर प्रहरी अधिकृतहरु, प्रशिक्षक वर्ग लगायतका प्रहरी कर्मचारीहरु र यस केन्द्रमा प्रशिक्षणरत प्रहरी जवान आधारभूत तालिम तथा उन्नत तालिमका प्रशिक्षार्थीहरु समेतको उपस्थिति रहेको थियो ।
सम्बन्धित तस्विरहरु...............

12/05/2026

Skin Care सम्बन्धी स्व-हेरचाह एवं अन्तरक्रिया कार्यक्रम सम्पन्न:....................................................................................
विराटनगर,२०८३ वैशाख २९ गते ।
मिति २०८२ वैशाख २९ गते ईन्टरनेशनल व्यूटिसियन एकेडेमी काठमाडौंद्धारा यस कोशी प्रदेश प्रहरी तालिम केन्द्र विराटनगर परिसरमा आयोजित Skin Care सम्बन्धी स्व-हेरचाह एवं अन्तरक्रिया कार्यक्रम सु-सम्पन्न भयो ।
उक्त कार्यक्रममा इन्टरनेशनल व्यूटिसियन एकेडिमी काठमाडौंका संस्थापक निरम बस्नेतज्यूद्धारा यस कोशी प्रदेश प्रहरी तालिम केन्द्रमा कार्यरत तथा प्रशिक्षणरत महिला प्रहरी कर्मचारीहरूलाई लक्षित गर्दै Skin Care, व्यक्तिगत स्व–हेरचाह, छाला स्वास्थ्य संरक्षण तथा आधुनिक सौन्दर्य प्रविधि सम्बन्धी उपयोगी जानकारी प्रदान गर्नुका साथै आधुनिक Skin Analysis प्रविधियुक्त मेसिनमार्फत सहभागीहरूको निःशुल्क छाला परीक्षण समेत गराइएको थियो ।
कार्यक्रमको अन्त्यमा यस कोशी प्रदेश प्रहरी तालिम केन्द्रको तर्फबाट प्रहरी निरीक्षक नरेन्द्र बहादुर सिंहद्वारा इन्टरनेशनल व्यूटिसियन एकेडिमी काठमाडौंका संस्थापक निरम बस्नेतज्यूलाई हार्दिक कृतज्ञता स्वरुप मायाको चिनो प्रदान गरिएको थियो ।
उक्त कार्यक्रममा यस केन्द्रका प्रहरी निरिक्षकज्यू, इन्टरनेशनल व्यूटिसियन एकेडिमी काठमाडौंका संस्थापक निरम बस्नेतज्यू लगायत अन्य सहकर्मीका साथै यस केन्द्रका महिला प्रहरी कर्मचारीहरु एवं तालिमरत महिला प्रशिक्षार्थीहरुको समेत उपस्थिति रहेको थियो ।