14/09/2025
Gen-Z आन्दोलनमा सहादत प्राप्त सम्पूर्ण सहिदहरू प्रती गहिरो श्रद्धाञ्जली अर्पण गर्दै, शोकाकुल परिवारजनलाई हार्दिक समवेदना तथा धैर्य–शक्ति मिलोस् भन्ने कामना गर्दछौँ। साथै आन्दोलनमा घाइते भएका युवाहरूको शीघ्र स्वास्थ्यलाभ होस् र उनीहरूको उचित उपचारको व्यवस्था होस् भन्ने माग गिरी फाउन्डेसन दृढतापूर्वक गर्दछ।
नेपालमा भएको आन्दोलनका क्रममा केही उच्छृंखल तत्वहरूले पुर्याएको क्षति, आगजनी, लुटपाट तथा तोडफोडजस्ता घटनाप्रति गिरी फाउन्डेसन गम्भीर चिन्ता व्यक्त गर्दछ। विशेषगरी, नेपाली कांग्रेसका संस्थापक नेता स्व. बिपी कोइरालाको घरमा भएको आगलागी र क्षतिप्रति हामी गहिरो दुःख प्रकट गर्दछौँ।
यस प्रकारका तोडफोड, आगजनी र लुटपाटमा संलग्न व्यक्तिहरूमाथि तत्काल कडा कारबाही हुन आवश्यक छ। साथै, क्षतिग्रस्त सरकारी, गैरसरकारी तथा निजी संरचनाहरूको पुनर्निर्माणमा हामी सबै एकजुट भई अघि बढ्नुपर्छ भन्ने हाम्रो आग्रह छ।
यसै सन्दर्भमा, स्व. बिपी कोइरालाको घर पुनर्निर्माणमा हातेमालो गर्न भोलि हुने कार्यक्रममा सम्पूर्ण कांग्रेसजन, शुभेच्छुक तथा सर्वसाधारणलाई उपस्थित भई सहयोगी भूमिका निर्वाह गर्न गिरी फाउन्डेसन हार्दिक अनुरोध गर्दछ🙏🇳🇵
