https://www.facebook.com/110019535029586/

Vote for Nagesh Koirala, Biratnagar (2026)

13/06/2022

जन्मदिनको धेरै धेरै शुभकामना |

05/06/2022

हामी सबैले आफ्नो सहर सफा र हरियाली राख्नको लागि सानो पहल गरौं। आफ्नो सहरलाई सफा सहर बनाऔं । रुख रोपौँ र वातावरण सुधारौँ ।

31/05/2022

अत्यन्त दुःखद खबर !
भावपुर्ण श्रद्धाञ्जली !

29/05/2022

डुबान समस्या समाधान गर्न स्वीस सरकारका प्रतिनिधिसित मेयरको छलफल

विराटनगर / डुबान समस्या समाधानसहित विराटनगरको विकासका विषयमा स्वीस सरकारका प्रतिनिधिसित विराटनगर महानगरका मेयर नागेश कोइरालाले छलफल गरेका छन् ।

प्रदेश १ का आर्थिक मामिला तथा योजनामन्त्री इन्द्रबहादुर आङ्बोको उपस्थितिमा आइतबार छलफल भएको हो ।

प्रदेश १ को राजधानी विराटनगरलाई डुबानबाट रोक्न सिंघिया र केशलिया खोलामा तटबन्ध निर्माण गर्ने विषयमा छलफल भएको थियो । छलफलमा स्वीस सरकारका प्रतिनिधि विनोद उपाध्यायले विराटनगरको डुबान समस्या समाधानका लागि स्वीस सरकार आर्थिक सहयोग गर्न तयार रहेको बताए । नेपालको भौतिक पूर्वाधारको विकासमा स्वीस सरकारले विगतदेखि नै सहयोग गर्दै आएको स्मरण गराए ।

मेयर कोइरालाले तत्कालका लागि विराटनगरलाई डुबानबाट मुक्त गर्नुपर्ने बताए । आफूले घोषणापत्रमै केसलिया र सिंघिया खोलामा तटबन्ध बाँधेर विराटनगरलाई डुबानबाट मुक्त गर्ने उल्लेख गरेको बताए । “पूर्वमा रहेको सिंघिया र पश्चिममा रहेको केशलियामा तटबन्धन बाँधेमा विराटनगर डुबानबाट मुक्त हुने थियो,” उनले भने, “त्यसका लागि आन्तरिक बजेटले सम्भव छैन, स्वीस सरकार तटबन्धन निर्माणमा आर्थिक सहयोग गर्न तयार भएको छ ।” नेपाली कांग्रेस विराटनगर महानगर समितिका सभापति दीपक चापागाईंलाई साथमै लिएर छलफलका लागि आर्थिक मन्त्रालय पुगेका मेयर कोइरालाले विराटनगरको विकासका लागि आर्थिक स्रोत जुटाउन आफू लागि परेको सुनाए । उनले आर्थिक मन्त्रालयसहित प्रदेश सरकारसँग समन्वय गरेर दातृ निकायसित विराटनगरको विकासमा लगानी गर्न आग्रह गरिने बताए । डुबान समस्या साधानका लागि स्वीस सरकार सहयोग गर्न तयार रहेको उनले जानकारी दिए ।

आर्थिक मामिला तथा योजनामन्त्री आङ्बोले प्रदेश राजधानी भएकाले विराटनगरको समग्र विकासका लागि प्रदेश सरकार गम्भीर रहेको बताए । उनले महानगरको विकासमा प्रदेश सरकारले समन्वयकारी भूमिका निर्वाह गर्ने प्रतिबद्धता जनाए । तटबन्धन निर्माणका लागि तत्कालै डीपीआर निर्माण सुरु गर्न स्वीस सरकारका प्रतिनिधि सहमत भएका छन् ।

https://khabarpurwanchal.com/2022/05/29/56514/