26/06/2024
SEE Result:2080,coming soon! A4 साइज को पेपरमा भएको ग्रेड ले मात्र तपाईंको जीवनको यात्रा पूरा हुँदैन । तसर्थ GPA लाई मात्र आधार न मानौं ।
धेरै नम्बर ल्याउने अरुका छोराछोरीको एसईई नतिजा देखेर आफ्ना सन्तानलाई ख्यापख्याप नपारौं । धेरै नम्बर ल्याउँदैमा उपरखुट्टी लगाएर खान पाइँदैन । थोरै ल्याउँदैमा भोकै भइन्न । जिल्ला, क्षेत्र या बोर्ड टपेर कालान्तरमा त्यही नम्बरको बोझले थिचिई डल्लो परेका मान्छे हाम्रै वरिपरि छन् ।त्यसैले सन्तानले धेरै नम्बर ल्याइदिएको भए हुन्थ्यो भनेर कहिल्यै नसुनाऊँ । सकेसम्म सामाजिक सञ्जालमा पनि ग्रेड नलेखी बधाई दिऊँ । नम्बरभन्दा महत्वपूर्ण कुरा हो— उनीहरू जीवनको यो लामो दौडमा आफ्नै खुट्टाले दौडिन सक्षम भए कि भएनन् । सन्तानलाई नम्बर ल्याउने यन्त्र होइन, असल मान्छे बन्न सिकाऊँ, भोकको अर्थ र श्रमको महत्व सिकाऊँ । यति सिके भने बुढेसकालमा तपाईंहरू जत्ति सन्तोषी कोही हुन्न ।🤔 साथै विद्यार्थी भाइ बैनीहरुले पनि संयम भई SEE को नतिजालाई जिवन सङ्ग तुलना न गर्नु होला । एउटा खेलमा असफल हुने बितिकै जीवन समाप्त हुँदैन । यस्ता कति खेल खेल्न बाँकी छ । धन्यवाद।
