Mahesh Basnet

Mahesh Basnet Mahesh Basnet, Ex-Minister for Industry, Secretary of CPN UML

महेश बस्नेत नेकपा एमालेको चर्चित युवा नेता हुनुहुन्छ । उहाँ नेकपा एमालेको भातृ संगठन युवा संघ नेपालको पूर्व अध्यक्ष हुनुहुन्छ । पूर्णबहादुर र ईश्वरी बस्नेतका छोरा महेशको जन्म ०३१ साल माघ ३ गते भक्तपुरको (साविक गुण्डु गाविस ४) हालको सूर्यविनायक नगरपालिका वडा नंं ७ मा भएको हो । उहाँले कानूनमा स्नातक गर्नुभएको छ । बस्नेत २०४९ सालमा नेकपा एमालेको साधारण सदस्य हुनुभएको थियो । २०५५ सालमा युवा संघ नेपालक

ो जिल्ला अध्यक्ष र नेकपा एमाले जिल्ला सदस्य हुनुभयो । २०५६ सालमा युवा संघ नेपालको केन्द्रीय सदस्य, २०६३ मा केन्द्रीय कोषाध्यक्ष हुँदै उहाँ २०६५ सालमा युथ फोर्सको प्रमुख हुनुभयो । बस्नेत २०६६ सालमा दोश्रो पटक युवा संघको अध्यक्ष हुनुभयो ।

२०५० सालमा गुण्डु गाविस वडा नम्वर ४ को वडा अध्यक्ष हुनुभएका बस्नेत ०५४ सालमा २३ वर्षकै उमेरमा गाविस अध्यक्ष भएर काम गर्नुभयो । देशकै कम उमेरको गाविस अध्यक्ष हुँदा विकासमुखी र जनमुखी कार्यलाई सफलतापूर्वक सम्पन्न गर्नुभएका कारण उहाँको चर्चा जिल्लाभरिनै भएको थियो । २०७१ भाद्र २७ गते नेपाल सरकारका उद्योगमन्त्री नियुक्त हुनुभएका बस्नेतले उद्योगमन्त्रालयमा १३ महिना आफ्नो जिम्मेवारी सम्हाल्नुभयो । उद्योगमन्त्री भएकै बेला २०७२ सालको भूकम्प प्रभावित भक्तपुरबासीहरुका निम्ति विशेष कार्यक्रमसहित जनताको घरदैलोमा पुगेर प्रत्यक्ष रुपमा मावनीय कार्यमा जुट्नुभयो ।नेकपा एमालेको दशौं राष्द्रिय महाधिवेशनमा केन्द्रिय सदस्यमा निर्वाचित भई, २०७८ मंसिर २५ र २६ मा बसेको केन्द्रिय कमिटिको बैठकबाट पोलिट ब्युरो सदस्य साथै युवा इन्चार्ज हुनुभएको हो । भक्तपुरको समग्र विकासमा समेत सक्रिय बस्नेतको प्रत्यक्ष सहभागितामा विकास निर्माणका हरेक गतिविधिहरुमा महत्वपूर्ण भूमिका निर्वाह गर्दै आउनुभएको छ ।

नेकपा (एमाले) को सदस्यता नवीकरण तथा विस्तार उत्प्रेरणा कार्यशाला बबरमहलमा सुरु भएको छ। उद्घाटन समारोहलाई सम्बोधन गर्दै प...
03/06/2026

नेकपा (एमाले) को सदस्यता नवीकरण तथा विस्तार उत्प्रेरणा कार्यशाला बबरमहलमा सुरु भएको छ। उद्घाटन समारोहलाई सम्बोधन गर्दै पार्टी अध्यक्ष केपी शर्मा ओलीले राजनीतिक परिवर्तन र इतिहासको गतिशीलताबारे चर्चा गर्दै वर्तमान अवस्थाप्रति टिप्पणी गर्नुभयो।

उहाँले भन्नुभयो, “समय र परिस्थिति सधैँ एउटै रहँदैन। राणाशासन ढल्यो, पञ्चायती तानाशाही ढल्यो, राजतन्त्र ढल्यो, अनेक तन्त्रहरू इतिहास बने। अहिले देखिएको अराजक प्रवृत्ति पनि लामो समय टिक्न सक्दैन। जनताको चाहना, लोकतन्त्र र सुशासनको पक्षमा उभिने शक्तिले अन्ततः विजय प्राप्त गर्छ।”

अध्यक्ष ओलीले पार्टी पंक्तिलाई संगठन सुदृढीकरण, सदस्यता विस्तार र जनतासँगको सम्बन्ध थप मजबुत बनाउन आग्रह गर्दै एमालेलाई जनताको भरोसाको केन्द्रका रूपमा स्थापित गर्नुपर्नेमा जोड दिनुभयो।

नेपाल कम्युनिष्ट पार्टी (एमाले) केन्द्रीय संगठन विभागको आयोजनामा सदस्यता नवीकरण तथा विस्तार उत्प्रेरणा कार्यशाला पार्टी ...
02/06/2026

नेपाल कम्युनिष्ट पार्टी (एमाले) केन्द्रीय संगठन विभागको आयोजनामा सदस्यता नवीकरण तथा विस्तार उत्प्रेरणा कार्यशाला पार्टी अध्यक्ष तथा सम्माननीय पुर्व प्रधानमन्त्री केपी शर्मा ओलीको प्रमुख आतिथ्यतामा बुधबार बिहान ११:०० बजे कार्की ब्यांकेट, बबरमहलमा आयोजना हुँदैछ।

सम्बन्धित सम्पूर्ण कमरेडहरूलाई कार्यक्रममा अनिवार्य रूपमा सहभागी भई सफल बनाउन हार्दिक अनुरोध गर्दछौं।

बालेन शाहले प्रतिनिधिसभा बैठकमा दिएको सीमासम्बन्धी अभिव्यक्ति फिर्ता लिनुपर्ने माग गर्दै राष्ट्रिय सभा बैठकमा विपक्षी दल...
02/06/2026

बालेन शाहले प्रतिनिधिसभा बैठकमा दिएको सीमासम्बन्धी अभिव्यक्ति फिर्ता लिनुपर्ने माग गर्दै
राष्ट्रिय सभा बैठकमा विपक्षी दलहरूले अवरोध गरेका छन् ।

राष्ट्रिय सभामा देखिएको विपक्षी दलहरूको अवरोध सामान्य राजनीतिक विरोध होइन, यो सीमासम्बन्धी संवेदनशील विषयमा सरकारलाई जिम्मेवार बनाउने प्रयास हो।

बालेन शाहले प्रतिनिधिसभामा दिएको अभिव्यक्तिबाट उठेका प्रश्नहरूलाई स्पष्ट नगरी अघि बढ्न सकिँदैन। सीमा, सार्वभौमसत्ता र राष्ट्रिय अडानमा अस्पष्टता स्वीकार्य हुँदैन। भन्ने माग उचित छ्।

02/06/2026

भारतसँग सीमा विवाद भएका विषयमा संसदमै उभिएर नेपालले भारतीय भूमि मिचेको छ भन्ने भाष्य निर्माण गर्नु बालेनको गम्भीर राष्ट्रघाती कदम हो।

दसगजाका केही क्षेत्रमा देखिएका क्रस होल्डिङका घटनाहरू सीमा स्तम्भ नै सारिएको वा भूमि कब्जा गरिएको अवस्था होइनन्, ती त सीमा स्तम्भ यथावत् रहेको तर केही स्थानमा सीमा एकिन र व्यवस्थापन गर्नुपर्ने प्रकृतिका विषय मात्र हुन्। यस्ता प्राविधिक विषयलाई अतिक्रमणको स्वीकारोक्तिका रूपमा प्रस्तुत गर्नु गलत हो।

विश्वका शक्तिशाली राष्ट्रहरूले आफ्ना विवादित कदमको बचाउ गर्न अनेक तर्क प्रस्तुत गर्छन्, तर आफ्नो देशविरुद्ध आफैं अभियोग लगाएर उभिँदैनन्। यस्तो संवेदनशील विषयमा प्रधानमन्त्रीको राजिनामा माग गर्दै अभिव्यक्ति सच्याउन र स्पष्ट पार्न प्रतिपक्षले सदनमा गरेको संघर्ष उचित छ।

राष्ट्रिय स्वाभिमानसँग जोडिएको विषयमा तथ्य, कूटनीतिक संवेदनशीलता र राज्यको आधिकारिक अडानलाई कमजोर पार्ने अभिव्यक्ति स्वीकार्य हुन सक्दैन।

यदि यस्तो भनाइ सच्याइएन भने बालेनको राजनीतिक यात्रा अन्तत समाप्त हुनेछ। शासकको पक्षधरता क्षणिक हुन सक्छ, तर राष्ट्रहितविपरीत अभिव्यक्तिको मूल्य इतिहासले कहिले बिर्सने छैन।

हिजो सदनमा हंगामा मच्चाएर जबरजस्त सभामुखले पास गरेको संसदीय नियमावलीका केही व्यवस्थामाथि गम्भीर प्रश्न उठेका छन्। यो न...
01/06/2026

हिजो सदनमा हंगामा मच्चाएर जबरजस्त सभामुखले पास गरेको संसदीय नियमावलीका केही व्यवस्थामाथि गम्भीर प्रश्न उठेका छन्।

यो नियमावली रास्वपाको दुई तिहाईको बलमा सभामुख मार्फत दलहरु संग सहमति र संवेदनशील बहसबिनै जबर्जस्ती पारित गरिएको छ।

विशेष गरी दफा २५९(१) र नियम २६१ ले संसदको अधिकार र कानुनी उत्तरदायित्वबीचको सीमाबारे गम्भीर बहस आवश्यक बनाएको छ।

दफा २५९(१) मा नियमावलीलाई संघीय कानुनसरह लागू हुने भनिएको छ भने नियम २६१ ले संसद र समितिका कामकारबाहीलाई ‘आन्तरिक काम’ भन्दै अदालतमा प्रश्न उठाउन नपाइने व्यवस्था प्रस्ताव गरेको छ।

मुख्य प्रश्न यही हो के संसदीय स्वायत्तताको नाममा गम्भीर नैतिक वा कानुनी प्रश्नहरूलाई संसदीय संरक्षणको घेराभित्र राख्ने बाटो खोल्न मिल्छ?
के यसले संसदलाई संविधान र कानुनभन्दा माथि राख्न खोजेको हो ?

प्रधानमन्त्रीसँग प्रश्नोत्तरको प्रक्रिया, पूर्वसूचनाको अभ्यास, सभामुखको विवेकाधिकारको दायरा, सांसदमाथिको अनुशासनसम्बन्धी अस्पष्ट व्यवस्था, कार्यव्यवस्था परामर्श समितिको भूमिकाको प्रभावकारिता र प्रतिपक्षको बोल्ने तथा हस्तक्षेप गर्ने अधिकार यी सबै विषयमा उठेका असन्तुष्टिलाई केवल अवरोध वा असहयोग भनेर टार्न खोजियो र प्रश्न उठाउने सांसदहरुलाइनै कार्बाही गर्न खोजियो भने संसद भित्र अझ द्वन्द्व बडछ।

संसद शक्तिशाली हुनुपर्छ, तर संविधानभन्दा माथि होइन। सांसद सम्मानित हुनुपर्छ, तर उत्तरदायित्वबाट मुक्त होइन।

नियम बालेन , रबि लगायत व्यक्तिलाई जोगाउन होइन, संस्थामाथिको जनविश्वास जोगाउन बन्नुपर्छ।

हिजो र आज प्रतिनिधिसभामा देखिएको तनाव र अविश्वासलाई केवल सांसदको व्यवहारसँग मात्र जोडेर हेर्नु पर्याप्त हुँदैन। नियमावलीमै उठेका संरचनागत प्रश्नहरूलाई बेवास्ता गर्दा संसदीय लोकतन्त्र कमजोर हुने चिन्ता स्वाभाविक छ।

प्रतिनिधिसभा व्यक्तिको मनोवृत्ति, आवेग वा उत्तेजनाबाट होइन विधि, नियम र स्थापित संसदीय अभ्यासबाट सञ्चालन हुनुपर्छ। पूर्व...
01/06/2026

प्रतिनिधिसभा व्यक्तिको मनोवृत्ति, आवेग वा उत्तेजनाबाट होइन विधि, नियम र स्थापित संसदीय अभ्यासबाट सञ्चालन हुनुपर्छ। पूर्वसूचना, कार्यव्यवस्था परामर्श समिति र सबै दलको समान सहभागिता संसदीय मर्यादाका आधार हुन्। यसको रक्षा गर्ने पहिलो दायित्व सभामुखको हो।

तर पछिल्ला घटनाक्रमले संसद् नियम र अभ्यासभन्दा माथि राखेर ‘डीपी मोडल’ लागू गर्न खोजिएको हो कि भन्ने गम्भीर प्रश्न उठेको छ। आलोचनात्मक दृष्टिकोण राख्ने सांसदहरूलाई लक्षित गरी प्रतिनिधिसभाका सचिव प्रकाश अधिकारी (जो हर्कराज राईलाई हटाएर नियुक्त गरिएका र सभामुख अर्याल श्रम मन्त्री हुँदा निजी सचिवका रूपमा रहेका व्यक्ति हुन्) उनको नेतृत्वमा छानबिन समिति बनाउने विषयले प्रतिशोध साधेर विपक्षी आवाजलाई दबाउने र सरकारको अधिनायकवादलाई पक्षपोषण गर्ने षड्यन्त्रपूर्ण योजना प्रष्ट हुन्छ।।

संसद् प्रतिशोधको थलो होइन, उत्तरदायित्व, बहस र लोकतान्त्रिक संस्कारको मञ्च हो। आलोचना सहन नसक्ने, नियमभन्दा माथि उभिन खोज्ने र स्थापित अभ्यासलाई बेवास्ता गर्ने प्रवृत्ति अन्तत संस्थाकै लागि घातक हुन्छ।

नत्र “दुई दिन रानी भएथे, कुवाको पानी खाएथे” भन्ने उखान फेरि सम्झिनुपर्ने अवस्था आउन सक्छ।

बालेन्द्र शाहले सीमा विवादजस्तो राष्ट्रिय स्वाभिमानसँग जोडिएको विषयमा सदनभित्र दिएको अभिव्यक्ति सामान्य राजनीतिक टिप्पणी...
01/06/2026

बालेन्द्र शाहले सीमा विवादजस्तो राष्ट्रिय स्वाभिमानसँग जोडिएको विषयमा सदनभित्र दिएको अभिव्यक्ति सामान्य राजनीतिक टिप्पणी होइन, राष्ट्रहित र कूटनीतिक संवेदनशीलतामाथिको गैरजिम्मेवार प्रस्तुति हो।

यस विषयमा साझा धारणा बनाउन विपक्षी दलहरूको सर्वदलीय बैठक कांग्रेस संसदीय दलको कार्यालय, सिंहदरबारमा सुरु भएको छ। बैठकबाट बालेनले आफ्नो विवादास्पद अभिव्यक्ति तत्काल फिर्ता लिई राष्ट्र र जनतासमक्ष माफी माग्नुपर्ने तथा नैतिक जिम्मेवारीसहित पदबाट राजीनामा दिनुपर्ने माग उठ्ने छ।

यदि यस्तो गम्भीर विषयलाई हल्का रूपमा लिएर जिम्मेवारीबाट उम्किन खोजियो भने संसदभित्र र बाहिर दुवै ठाउँबाट सशक्त राजनीतिक प्रतिवाद हुनेछ। राष्ट्रिय हितभन्दा माथि कुनै पद र व्यक्ति हुन सक्दैन।

01/06/2026

हिजो सदनमा प्रधानमन्त्री बालेन्द्र शाहले व्यक्त गरेको राष्ट्रहितविपरीत र गैरजिम्मेवार अभिव्यक्तिप्रति गम्भीर आपत्ति जनाउँदै युवा संघ र अखिलका विद्यार्थीहरूले गरेको विरोधले राष्ट्रिय स्वाभिमान र जनभावनाको पक्षमा आवाज उठाएको सन्देश दिएको छ। राष्ट्र र जनताको हितविपरीत जाने कुनै पनि अभिव्यक्तिप्रति लोकतान्त्रिक रूपमा खबरदारी गर्नु आवश्यक छ भन्ने सन्देश यो विरोधले दिएको छ।

विपक्षी सांसदहरूको निरन्तर दबाबपछि आज सदनमा प्रधानमन्त्री बालेन्द्र शाहले दिएका जवाफहरू सुन्दा धेरै प्रश्नहरू उठेका छन्।...
31/05/2026

विपक्षी सांसदहरूको निरन्तर दबाबपछि आज सदनमा प्रधानमन्त्री बालेन्द्र शाहले दिएका जवाफहरू सुन्दा धेरै प्रश्नहरू उठेका छन्।

१) विद्युतीय चुलोबाट खाना पकाउँदा ट्रान्सफर्मर र सबस्टेसनले धान्दैन, ट्रान्सफर्मर पड्किन्छ भन्ने टिप्पणी।

२) देशभरका किसानहरूको अन्नबाली बाँदरले क्षति पुर्याइरहेको बेलामा बाँदर नियन्त्रणका विषयमा अहिले पनि अध्ययन मात्रै भइरहेको जवाफ।

३) सुकुम्बासी बस्तीमा डोजर लगाएर संरचना भत्काइ भत्काई उनीहरूको जीवन विचल्ली बनाएपछि व्यवस्थापनबारे “३५ वर्षमा नभएको काम ३५ मिनेटमा नखोजौं” भन्ने प्रतिक्रिया।

४) जीबी, रवि र छविहरूबाट ठगिएका बचतकर्तालाई सरकारी कोषबाट रकम व्यवस्थापन गर्ने निर्णय गरिसकेको बालेन सरकारले सहकारी ठगीमा फरार रहेका जिबी राईबारे सदनमा मौनता देखायो।

५) विदेशी मतदाताहरूलाई गलत ढंगले प्रभावित गरेको बालेन सरकारले विदेशमा रहेका नेपालीको मताधिकारबारे फेरि अध्ययनकै कुरा गरेर विषय टारियो।

६) आफ्ना अधिकांश सांसद र नेताहरू प्रभावित हुन सक्ने अवस्था देखिएपछि र कानुनी दायरामा आउने भएपछि मानव अधिकार आयोगको प्रतिवेदनसमेत प्राप्त नभएको गैर जिम्मेवार जवाफ दिइयो।

७) राष्ट्रियता, स्वाधिनता र सर्वभैमता प्राण भन्दा प्यारो हुन्छ भनेर हुर्किएका नेपालीलाई अपमान गर्ने गरी नेपालले पनि भारतको धेरै भुमी मिचेको निर्लज्ज र अपमानजनक अभिव्यक्ती दिएका छन् ।

यी सबै जवाफहरूले नेतृत्वको तयारी, विषयगत अध्ययन, निर्णय क्षमता र जिम्मेवारीबोधमाथि गम्भीर प्रश्न उठाएका छन्।

देश चलाउने जिम्मेवारी केवल सामाजिक सञ्जालमा प्रतिक्रिया दिने विषय होइन। स्पष्ट दृष्टिकोण, तथ्यमा आधारित निर्णय, जवाफदेहिता र कार्यान्वयन क्षमता पनि आवश्यक हुन्छ। जनताले अब बहाना होइन, समाधान र परिणाम खोजिरहेका छन्।

नेकपा (एमाले) ले “मिसन जागरण” अन्तर्गत केन्द्रीय नेता तथा अगुवाहरूलाई सबै पालिका तहसम्म “जनताको घर दैलोमा एमाले” अभियानम...
31/05/2026

नेकपा (एमाले) ले “मिसन जागरण” अन्तर्गत केन्द्रीय नेता तथा अगुवाहरूलाई सबै पालिका तहसम्म “जनताको घर दैलोमा एमाले” अभियानमा परिचालन गर्ने निर्णय गरेको छ।

यो अभियान केवल जिम्मेवारी बाँडफाँडमा मात्र होइन तोकिएका नेता कार्यकर्ता आफ्नो कार्यक्षेत्रमा पुगेर प्रत्येक पालिकामा सदस्यता विस्तार, घरपरिवार भेटघाट, जनताका समस्या र सुझाव संकलन, बिध्यालय, स्वास्थ्य चौकी, बैंक तथा बजारको अवस्था, विकास निर्माणको प्रगति लगायतका विषय समेटिएको एकीकृत प्रतिवेदन प्रणाली तयार गरी प्रदेशस्तरमा समीक्षा गर्दै केन्द्रमा सम्प्रेषण गरिनेछ।

अब नेता कार्यकर्ता काठमाडौंमा बसेर सामाजिक सञ्जालमा मात्र सीमित हुने होइन, जनताको घरदैलोमा पुगेर जनतासँगै रहने, उनीहरूका समस्या सुन्ने, बुझ्ने र समाधान खोज्ने अभियानलाई व्यवहारमा उतार्ने समय आएको छ। जनतासँगको आत्मीय सम्बन्धका सुन्दर तस्बिरहरू सामाजिक सञ्जालमा पनि देखिनुपर्छ।

साथै, वर्तमान सरकारको बजेट र कार्यशैलीबाट उत्पन्न जनचासो, जनगुनासा र जनअपेक्षालाई जनतामाझ पुर्‍याउँदै राजनीतिक प्रतिवाद र जनकेन्द्रित कार्यक्रमहरू अघि बढाउन आवश्यक छ।

विगतमा एमालेमाथि चौतर्फी प्रहार गरेर पार्टीलाई कमजोर पार्ने प्रयास भएका थिए, र आज पनि पार्टीभित्र विवाद तथा अन्तरकलह बढाउने शक्ति सक्रिय छन्। यस्ता चुनौतीको जवाफ एकता, अनुशासन, संगठन निर्माण र जनतामाझ आधारित सक्रिय राजनीतिक उपस्थितिबाट दिनुपर्छ।

कतिपय कमरेडहरूलाई आफ्नो जिम्मेवारीप्रति असन्तुष्टि वा अरुको हकमा पनि विकल्प दिनु उचित होला भन्ने लागेको हुन सक्छ। तर पार्टीले दिएको जिम्मेवारी बोकेर मैदानमा खटिने र कामको मूल्यांकनका आधारमा समीक्षा गर्ने संस्कार नै संगठनको शक्ति हो। सबै कमरेडहरुको भावना पार्टीले समयमै सम्बोधन गर्ने विश्वासका साथ अबको एक वर्ष स्थानीय जागरण अभियानमा समर्पित बनौँ।

एकताबद्ध एमाले, जनताको एमाले।
नेकपा (एमाले) जिन्दावाद!

Address

Bhaktapur
Bhaktapur

Website

Alerts

Be the first to know and let us send you an email when Mahesh Basnet posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mahesh Basnet:

Shortcuts

Share

Category