Vestnes kommune

25/06/2026

Fylkeskommunen på besøk i Vestnes! 🤝

Vestnes kommune hadde i dag eit godt samarbeidsmøte med kulturområdet i Møre og Romsdal fylkeskommune. Her vart det utveksla erfaringar og diskutert aktuelle tema innan kultur, utvikling og samarbeid.

Les meir om møtet gjennom lenkja i kommentarfeltet. 👇

19/06/2026

Takk til alle som deltok på innbyggardialogen «Sjå til Vestnes» torsdag 11. juni! 🙌

Vi set pris på engasjementet og dei gode innspela som kom fram. Denne gongen hadde vi fokus på det vi får til i Vestnes, og ønskte å løfte fram moglegheiter, engasjement og framtidstru i lokalsamfunnet.

Ein ekstra takk til innleiarane frå frivilligheita og næringslivet som delte av erfaringane sine og viste fram noko av breidda i Vestnes-samfunnet:

🔹 Elisabeth Selnes, frå Vestnes Teaterlag
🔹 Jørgen Kjersem og Silje Elisabeth Nærhus, frå Tresfjord og Vestnes Røde Kors
🔹 Silje Bergslid, frå Vestnes Fjordhotell
🔹 Gjermund Kvernmo Langset, frå Bauta Group
🔹 Eva Langstein, frå Vestnes Næringsforum

Lurer du på kva vi snakka om? Les saka gjennom lenkja i kommentarfeltet. 👇

18/06/2026

Vi heiser Pride-flagget! 🏳️‍🌈

I dag har Vestnes kommune heist Pride-flagget i samband med Vestnes Pride 18.–21. juni, etter vedtak i kommunestyret.

For oss er det viktig at alle skal kjenne seg inkludert i Vestnes-samfunnet. Vi er stolte av å støtte arbeidet for mangfald, inkludering, likeverd og solidaritet. 🌈🤝

15/06/2026

Informasjon frå Boreal

Rute 1070 Molde - Vestnes. På grunn av nødvendig vedlikehold på ferjekaien på Vestnes vil sambandet være stengt natt til 16. juni. Det blir skiltet omkjøring via Åfarnes–Sølsnes i perioden. Følgende avganger utgår mens arbeidet pågår: Mandag 15. juni. • Fra Molde kl. 22:45 og 23:30 ....

13/06/2026

Gjennom sommaren og hausten vil det bli kartlagt naturtypar og artsmangfald i Vestnes kommune! 🌿

Arbeidet er konsentrert til strandsona og startar opp i veke 25. Kartlegginga vil gi betre kunnskap om naturen vår – og vil gjere framtidige plan- og byggesaker meir føreseielege. Arbeidet skjer til fots og utan inngrep i naturen, og kan også omfatte enkelte private område.

Les meir på nettsidene våre! 👇

Det blir gjennomført kartlegging av naturmangfald i strandsonen gjennom sommaren og hausten. Arbeidet skal gi betre kunnskap om naturen vår – og kan gjere framtidige plan- og utbyggingssaker enklare og meir føreseielege.

09/06/2026

📣 Test av Nødvarsel!

Onsdag 10. juni klokka 12 blir Nødvarsel på mobil og Sivilforsvaret sine varslingsanlegg testa over heile Noreg i ei felles nasjonal varslingsprøve.

Mobiltelefonar i heile landet vil vibrere og spele av eit høgt lydsignal, samstundes som tyfonane uler. Del gjerne informasjon om varslingsprøva med dine næraste, slik at flest mogleg er førebudde og veit at dette berre er ein test.

08/06/2026

Snart er det ny innbyggardialog! 📣

Denne gongen løftar vi fram alt det gode som skjer, med temaet «Sjå til Vestnes». På innbyggardialogen får du møte fleire som deler korleis vi lykkast, kva moglegheiter som finst og korleis vi kan utvikle lokalsamfunnet vidare saman.

Du får mellom anna høyre frå:
✨ Bauta Group
✨ Vestnes Fjordhotell
✨ Tresfjord og Vestnes Røde Kors
✨ Prosjektgruppa «Ringar i vatnet», Vestnes teaterlag

Som alltid er innbyggardialogen open for alle, og vi håpar du tek turen innom Vestnes bibliotek torsdag 11. juni kl. 17–19.

👇 Les meir via lenka i kommentarfeltet.

03/06/2026

Vi inviterer til innbyggardialog! 📣

Dette er den fjerde innbyggardialogen vi arrangerer, og denne gongen gjer vi noko litt annleis. Vi set fokus på det vi får til i Vestnes og ønskjer å løfte fram moglegheiter, engasjement og framtidstru.

Du vil møte fleire foredragshaldarar enn vanleg, med bidrag frå frivilligheita og andre gode krefter. Målet er å synleggjere breidda av det som skjer i Vestnes og inspirere til vidare utvikling.

Det overordna temaet denne gongen er «Sjå til Vestnes». Temaet handlar om kvifor ein bør rette blikket mot Vestnes: kva vi får til, kva moglegheiter som finst her, og korleis vi kan utvikle lokalsamfunnet vidare saman.

Innbyggardialogen er open for alle, og vi håpar både innbyggarar, næringsliv og frivillige vil delta. 🙌

Meir informasjon om innbyggardialogen finn du i lenka under! 👇

Torsdag 11. juni kl. 17:00–19:00 inviterer vi til ny innbyggardialog på Vestnes bibliotek

01/06/2026

Endring i TT-ordninga frå og med i dag!

Frå 1. juni overtek Møre og Romsdal fylkeskommune ansvaret for TT-kort. Det betyr at informasjon, oppfølging, brukargodkjenning og meir ikkje lenger blir handtert av oss, men av fylkeskommunen.

➡️ Har du allereie TT-kort, blir du ikkje påverka av endringa.
➡️ For nye søknader må du sende inn søknad/legeerklæring direkte til Møre og Romsdal fylkeskommune.
➡️ Har du sendt søknad om TT-kort nyleg, vidaresender vi denne til fylkeskommunen, slik at du ikkje treng å gjere noko.

Les meir om endringa via lenkja i kommentarfeltet. 👇

29/05/2026

FotballtrøyeFredag! ⚽️

I dag stilte vi sporty på jobb for å vise støtte til kampen mot barnekreft. 🎗️ Ei viktig sak å stille opp for! 💛