Utviklingssenteret er ein arena for samhandling og samarbeid over kommunegrensene. Felles satsing på kompetanseutvikling er viktig for utvikling av gode tenester i små distriktskommunar med lang avstand til sjukehus og høgskular. Vi er tre småkommunar med eit samla innbyggartal på vel 8400 personar, med ei ganske ”skeiv” aldersfordeling. Kommunane er vidstrekte med eit areal på 8214 kvadratkilomet
er. Spreidd busetnad gjev store reiseavstandar og andre driftsmessige utfordringar innan heimetenestene. Det er og to til tre timars reiseveg til sjukehus og høgskular. Tenestene i dalføret har i liten eller ubetydeleg grad vore gjenstand for praksisnær forskning. Vågå, Lom og Skjåk leverte felles søknad om å få status som UHT. Små distriktskommunar har felles utfordringar med å utvikle kvalitativt gode helsetenester. Ei felles satsing på kompetanseutvikling på tvers av kommunegrensene er eit viktig bidrag til å sikre gode tenester til befolkninga. Eit aktivt fagmiljø som bidreg til å heve det faglege nivået aukar utsiktene til å rekruttere, behalde og vidareutvikle fagkompetanse. Vi samarbeider med Nord-Gudbrandsdal Lokalmedisinske (NG LMS) senter på Otta, som ligg ½ - 1 ½ t unna. Bygget til NG LMS inneheld ulike spesialisthelsetenester, intermediære sengepostar, felles legevakt og jordmorvakt for Nord-Gudbrandsdalen. Utviklingssenteret har leiar i 100% stilling, og f.t. fem prosjektmedarbeidarar med 20% stilling kvar. Vi har vald å satse særleg på 6 fagemne: Diabetes, kreftomsorg, etikk, brukarmedverknad, rehabilitering og demens. Vi har også andre underprosjekt, særleg knytt til kommunikasjonteknologi; telemedisin og bruk av synkrone media.
