Geirangerfjorden Verdsarv

03/09/2026

🇬🇧 Feel at home in nature and do it responsibly! 💩

Even the most basic needs require a little consideration when you’re outdoors. Luckily, our Fjord Rangers have some useful advice! 😄

Enjoy the outdoors, show respect, and leave no trace. 🌿🏔️

🇳🇴 Kjenn deg heime i naturen og ta ansvar! 💩

Sjølv dei mest grunnleggjande behova krev litt omtanke når du er ute. Heldigvis har Fjord Rangerane nokre gode råd! 😄

Nyt naturen, vis omsyn og ferdast sporlaust!

30/08/2026

Les om Petter i lokalavisa Nyss 🤩

Norsk Fjordsenter

28-åringen frå Stranda er nyutdanna arkitekt frå NTNU i Trondheim. For få dagar sidan flytta han til Geiranger. Lenke i kommentarfelt 👇

29/08/2026

I morgon oppmodar vi dykk til å bli med på Postvegmarsjen over Ljøbrekka!

Eit innhaldsrikt program både over brekka og etterpå i Ljøen Amfi. Les meir lenger nede på sidene våre eller på facebooksida til Ljøbrekkas vener!

Velkomen til ein vakker hausttur!

28/08/2026

24/08/2026

Park Ranger i verdsarven – sommaren 2026!

Gjennom sommaren har Park Ranger arbeidd på fleire stader i Geirangerfjorden verdsarvområde.

Dei har mellom anna fjerna framande artar som lupin og platanlønn, reinsa vassrøyr, halde stiar opne og utført skjøtsel av kulturlandskapet.

Eit viktig arbeid for å ta vare på natur og kulturverdiane i verdsarvområdet og halde kulturlandskapet i hevd.

🎥 Bli med og sjå noko av arbeidet som er gjort i sommar!

Tusen takk for innsatsen, Tobias, Justus, Maria, Aaron og Martin! 🙌🙌

23/08/2026

Vi oppmodar flest mogleg om å støtte opp om arrangementet "Open dag postvegen Ljøbrekka"! Ljøbrekkas Venner gjer ein eineståande innsats for å ta vare på dette flotte kulturminnet, og ved å delta på Open dag, får du både moglegheita til å støtte arbeidet, få deg ein flott tur, og bli betre kjent med postveghistoria. Hjarteleg velkomne til alle komande søndag!

22/08/2026

Det gledes over strålande sjåartal for den nye serien om den norske verdsarven 🤩😍🙏🙏👏👏 7. september kjem vår episode om verdsarven Vestnorsk fjordlandskap ❤️🙏

21/08/2026

Denne sida blir driven av Stiftinga Geirangerfjorden Verdsarv, som arbeider for å ta vare på, utvikle og formidle verdiane i Geirangerfjordområdet, ein del av verdsarven Vestnorsk fjordlandskap.

Stiftinga arbeider med vern og bevaring av natur- og kulturarven, berekraftig utvikling, kunnskapsformidling og forsking, og bidreg til å ta vare på og utvikle verdsarvområdet.

Følg med på det som skjer i Geirangerfjorden verdsarvområde frå natur- og kulturarv til forsking, skjøtsel, rasrydding, prosjekt og aktuelle saker. Her deler vi nyheiter, kunnskap og historier frå heile verdsarvområdet.

Velkomen til å følgje Geirangerfjorden Verdsarv!

Foto: Stiftinga Geirgangerfjorden Verdsarv\Ioannis

20/08/2026

Velkommen til oss Petter 🤩🙏

Gjengen vår blir større og større, og no har vi fått ein ny kollega!

Vi er veldig glade for å kunne ønskje Petter velkomen på laget som vår nye kulturvernforvaltar.

Petter er utdanna arkitekt og har spesialisert seg innan bygningsvern. Hos oss skal han arbeide med viktige og spennande oppgåver knytt til dette fagfeltet, og bidra til å ta vare på og forvalte kulturarven vår. Vi er glade for å ha Petter med på laget og ser fram til alt vi skal få til saman!

Hjarteleg velkomen, Petter! Vi er skikkeleg glade for å ha deg med på laget! 💛