Skei bibliotek i Sunnfjord

31/05/2026

Vi er klar for årets Sommarles som byrjar i morgon, er du?🥳😄

05/05/2026

Skei bibliotek er diverre stengt grunna sjukdom i dag 12. mai. Velkommen attende tysdag 19. mai

15/04/2026

Sunnfjord bibliotek informerer om at Norsk bibliotektransport AS har meldt konkurs.

Som følgje av dette er all transport av bøker og anna materiale mellom bibliotek mellombels stoppa.

Dette gjeld mellom anna:
- fjernlån frå andre bibliotek
- retur og vidareformidling av materiale mellom bibliotek

Situasjonen er usikker, og det er enno ikkje ei avklaring på når transporttenesta eventuelt kan kome i gang igjen, eller om det vil - bli etablert ei alternativ løysing.

For publikum betyr dette at:
- bestillingar av fjernlån kan bli forseinka eller ikkje gjennomførte
- leveringstider er usikre
- biblioteket kan ha avgrensa moglegheit til å skaffe materiale frå andre bibliotek i perioden framover.

Sunnfjord bibliotek følgjer utviklinga tett, og vil halde publikum orientert så snart det ligg føre meir informasjon. Vi ber om forståing for situasjonen og dei ulempene dette kan medføre.
For spørsmål, ta gjerne kontakt med oss i bibliotek.

07/04/2026

Neste tidsskrift som får si omtale her, er Z filmtidsskrift -
- eit uavhengig filmkulturelt tidsskrift, publisert av Norsk filmklubbforbund. Tidsskriftet ser på film- og kulturrelaterte tema i historisk perspektiv og samtidsperspektiv.
Z skal bidra til kunnskap og engasjement, og invitere til refleksjon om filmen som kunstform og underhaldningsmedium.

Papirutgåva av Z kjem ut fire gonger i året, og tema i den ferskaste utgåva er korleis konspirasjonsteoriar og paranoia har blitt skildra på film gjennom fem tiår. Med tilbakeblikkblikk på ei rekke signifikante titlar får vi gjenoppleve regissørar og publikum sin samtidsangst. Filmar blir drøfta i eit historisk perspektiv og spegla mot dagens uro og samfunnsutvikling.

24/03/2026

🐥Snart påske!🐥
Skal vi tru vermeldinga, så blir det rikeleg med tid til å sitte inne under teppet og lese gode bøker📚 Vi har leita fram litt assortert påskekrim til dei som har planer om det 🙌
Vi har også ope tysdag i påskeveka som vanleg. Sjåast 🐥

19/03/2026

Gjennom Kulturrådet si ordning for gratis tidsskrift kan biblioteka kvart år søke om å motta gratis abonnement på ulike tidsskrift.
I år har Skei biblioteket fått abonnement på følgjande:
Agora, Folkemusikk, Fett, Fotografi, Josimar, NY TID, Z filmtidsskrift
Vi kjem til å skrive litt om kvart blad når det kjem til biblioteket.

Først ut i år er Ny Tid.
Ny Tid er ei internasjonal kommentaravis og bokmagasin i fullformat (stor avis). Bokomtalane tek føre seg sakprosa, og i denne utgåva kan du mellom anna lese omtale av Åsne Seierstad si bok Ufred.
Ny Tid vart grunnlagt i 1975 kom ut vekentleg fram til 2015, og mellom 2015 og 2017 som bilag til Klassekampen. No kjem avisa ut fire gonger i året, i mars, juni, september og desember.

Ny Tid kan lånast og står i magasinhylla ved inngangen til biblioteket 🙂

10/03/2026

🌱Endeleg er frøbiblioteket på plass igjen, med mange nye typar frø! 🪴 Tenkte du at du ville så Shetlandskål i år? Plommetomat, dill eller rødbete? Blomsterert i nydelege fargar eller blomkarse? Vi har eit rikt utval frø her på biblioteket - det er berre å komme innom og ta ein kikk 😀

17/02/2026

🙌Ope på biblioteket i dag 15-18🙌

13/01/2026

06/01/2026

Hei, Skei! Vi ynskjer ❄️GODT NYTT ÅR❄️ med ei rykande fersk utgåve av vinterlesbingoen😃 Vi håpar kategoriane ser spennande ut, og at det kan motivere til å lese noko du ikkje har prøvd før. Nytt av året er at vi samarbeider med biblioteka på Høgskulen Vestlandet, Campus Førde, og Førde vidaregåande skule. Det vert felles trekning av 3 vinnarar etter påske. Garantert flotte premiar!