17/08/2026
Sommarskulen 2026 i Seljord
I sommar har Ambros, Sara, Håvard Ane og Mona vore aktivitetsleiarar på Sommarskulen i Seljord kommune. Ane jobbar til vanleg som ungdomslos, medan dei andre har vore sommarvikarar. Ragnhild har vore leiar for Sommarskulen, og har og vore med på mykje av moroa ute på aktivitetane.
Aktivitetsleiarane har fått vere med på litt av kvart gjennom sommaren, og dei har og fått vere med på å forme innhaldet sjølve.
Sara fekk mellom anna ansvar for å planleggje noko kreativt, noko som resulterte i to skikkeleg fine dagar ein dag på Kunstlåven og ein taggeworkshop på Mjølkerampa. Her var det gull å ha Sara med på laget, for ho viste seg nemleg å vere ein skikkeleg ræser med sprayboksen.
Håvard og Ambros vil nok vere einige om at litt action heller ikkje har vore feil! Paintball, Combat Archery og turen til Norsjø Kabelpark vart innertiarar, med mykje fart, konkurranse, latter og nokre spektakulære fall undervegs.
Ane, som til vanleg jobbar som ungdomslos, og Mona, som er vernepleiar, har med erfaringa si vore trygge og gode ressursar gjennom sommaren. Dei har bidrege med mykje godt humør, tryggleik og eit godt blikk for borna og ungdomane. Saman har heile gjengen vore med på å skape eit variert tilbod og mange gode opplevingar for born og unge i Seljord.
Det har vore ein sommar med høgt tempo, mykje latter og mange ulike utfordringar. Ein stor takk til Ambros, Sara, Ane, Håvard og Mona for innsatsen og engasjementet og for at de har kasta dykk med på alt Sommarskulen har bydd på!
Foto: frå ventre av Ambros Rønjom Rue, Sara Smith, Ragnhild Stade, Håvard Eilefstjønn
