Ambasada e Republikës së Kosovës në Norvegji

01/06/2026

01/06/2026

Adresa për votim përmes postës:
Embassy of the Republic of Kosovo
KQZ Zgjedhjet
Post Boks 2383 Solli
0201 Oslo

25/05/2026

Ambasada e Republikës së Kosovës në Norvegji pati kënaqësinë dhe nderin të mirëpresë në Oslo Monsinjor Lush Gjergjin dhe Dom Shtjefën Dodën, figura të respektuara të jetës kulturore, shpirtërore dhe kombëtare shqiptare.

Vizita e tyre paraqiti një mundësi të çmuar për forcimin e lidhjeve ndërmjet institucioneve tona dhe komunitetit shqiptar në Norvegji, si dhe për promovimin e vlerave të humanizmit dhe bashkëpunimit. Bashkëpunimi me Ambasadën është i rëndësishëm për ruajtjen dhe promovimin e identitetit tonë kombëtar, si dhe për afrimin e diasporës shqiptare rreth vlerave të përbashkëta.

Monsinjor Lush Gjergji, i njohur për urtësinë, përkushtimin dhe kontributin e tij të jashtëzakonshëm në promovimin e figurës së Shën Nënë Terezës dhe vlerave universale të humanizmit, mbetet një zë i respektuar i paqes, dijes dhe bashkimit ndër shqiptarë. Ndërkaq, prania e Dom Shtjefën Dodës e pasuroi më tej këtë vizitë me frymën e shërbimit dhe afërsisë me komunitetin.

Si shenjë simbolike vlerësimi dhe respekti për punën e tyre të çmuar, iu dhuruam nga një laps, me dëshirën që të vazhdojnë misionin e tyre në dokumentimin dhe ruajtjen e historisë sonë kombëtare.

Një falënderim i veçantë shkon për znj. File Thaqin për angazhimin dhe kontributin e saj në realizimin e kësaj vizite të rëndësishme.

23/05/2026

Në Kishën e Shën Jozefit u mbajt mesha e shenjtë dhe një diskutim i veçantë në përkujtim të përvjetorit të shenjtërimit të Nënë Terezës, si dhe të vlerësimit të saj me Çmimin Nobel për Paqe. Të njejtën kishë ajo e kishte vizituar më 1979.

Ky takim ishte një moment reflektimi mbi jetën, përkushtimin dhe mesazhin universal të saj për dashuri, paqe dhe shërbim ndaj njerëzimit.

Ambasada e Republikës së Kosovës falënderon përzemërsisht Monsinjor Lush Gjergjin dhe Dom Shtjefnin për meshën e shenjtë dhe për fjalët frymëzuese që na bashkuan sot si në zemër dhe në shpirt. Të dëgjosh meshën në gjuhën shqipe ka një domethënie të veçantë, sepse na afron më shumë mes vete, me rrënjët tona dhe me trashëgiminë tonë. Duke qenë së bashku si komunitet, ne ushqejmë zemrat tona me dashuri, paqe dhe shpresë, duke forcuar lidhjet që na mbajnë të bashkuar edhe larg atdheut. Në frymën e Nënë Terezës, kjo meshë na kujtoi se mirësia, përulësia dhe kujdesi për njëri-tjetrin janë forca që i japin dritë komunitetit tonë dhe na bëjnë më të afërt me njëri-tjetrin.

Me këto fjalë, Ambasadorja Nita Luci i falënderoi mbi 100 të ftuar, nga vende të ndryshme të Norvegjisë dhe Suedisë, të cilët na nderuan me praninë e tyre.

23/05/2026