Hva er åpningstidene?

Tirsdag 10:00 - 15:00 Onsdag 10:00 - 15:00 Torsdag 10:00 - 15:00

Grannehjelpa

Hjem
Norge
Norheimsund
Grannehjelpa

Frivilligsentralen i Kvam

Formål:
• Frivilligsentralen skal vere ein lokalt forankra møteplass som er open for alle med lyst til å vere med på frivillig verksemd.
• Sentralen skal utviklast av dei menneska som er knytte til sentralen.
• Sentralen skal vere eit kraftsenter og kontaktpunkt for menneske, foreiningar/lag og det offentlege.

10/09/2026

Hugs Høyrselhjelpa torsdag om éi veke, den 17. september! 🦻
Kvam Høyrsellag sine likepersonar hjelper deg med vedlikehald av høyreapparat, og låner ut samtaleforsterkarar. Dei har også eit lite l***r med filter og anna utstyr til sal.
Kom innom mellom kl. 10 og 12. Er det litt ventetid, har me sofa du kan sitja i, og kaffi på kanna. ☕️
Velkomen! 😊

10/09/2026

Onsdag køyrde Karatrakk til Kjosås. Der venta Harald og Jon Kjosås på oss. Me fekk fyrst omvisning i driftsbygningane på garden til Harald. So fekk me koma bort til nabogarden, der ektemannen til Harald og Jon si niese, Cato Haaheim Kjosås, stod klar. Der fekk me ein omvisning i fjøset hans, der han hadde kalvar, kyr og oksar frå fleire rasar. Deretter gjekk me ein rundtur på bøane oppover og bak Kjosås, der det var kryssande skiløyper for vinterbruk. Jon Kjosås var med og fortalde. Me hadde 1 min. stillheit for kongen kl. 13. Nistepausen hadde me på Cato sitt sagbruk. Ein del sol på fyrste halvdelen, overskya på siste halvdelen. Opphaldsvær. Litt vind som var helst kjølig. Ca. 14¤C. 7 karar.

09/09/2026

Har du noko gong tenkt at Språktreff høyrest veldig kjekt ut, men aldri kome så langt at du har teke turen innom? Kanskje har du lyst til å vita litt meir om kva det er, og kva me gjer på?

Då er OPEN DAG PÅ SPRÅKTREFF eit perfekt arrangement for deg!
Her vil du få ein smakebit på både Språktreff og matrettar frå ulike land!

Me møtest i Gamleskulen på Norheim tysdag 29. september kl. 17.30, deler eit måltid mat saman, og blir betre kjende med kvarandre.

Gjengen som går på Språktreff har etter kvart vorte ein veletablert og samansveisa hop - men, me har alltid plass til fleire! Ta gjerne med deg ein venn, granne, eller kollega, og bli med på ein kjekk dag saman med oss i Språktreff!

Har du spørsmål? Ta kontakt med Helena på e-post: [email protected] eller telefon: 480 72 456.

HJARTELEG VELKOMEN! 🤗

03/09/2026

Karatrakk køyrde opp forbi Vikøy kyrkje, og parkerte ved enden av asfaltvegen. Derifrå gjekk me opp til Dalamot, og vidare til Kleiskleiv-Vangdal-Dalamot og nedatt til bilane. Ein del sol, men også litt yr. Ein liten sval vind som auka på mot slutten. Bra turtemperatur. Berre 5 karar.

03/09/2026

FYRSTE DRYPP FRÅ ÅRETS KVAMMAVEKO! 🥳
Psykologspesialist Nadia Ansar!
Ansar er med og sparkar veko i gang måndag 12. oktober med føredraget "Forsoning - veier ut av det vonde og uoppgjorte". Ho held føredraget i Norheimsund kyrkje kl. 19.00.

Frå programmet (som ikkje er publisert enno):
"Kva gjer vi med det som er vanskeleg, uoppgjort og smertefullt i livet? Korleis arbeida med eigne følelsar og gi slepp på det som har vore? Nadia Ansar deler fagleg kunnskap og eigne erfaringar, og gir innsikt i korleis forsoning heng saman med både psykisk og fysisk helse."

Det er berre til å gleda seg! 😊

29/08/2026

Onsdag 26.08 hadde Karatrakk tur til Granvin. Me køyrde til Tveito og betalte parkeringsavgift, og parkerte på Heiane. Derifrå gjekk me opp til Vatnasete, og åt niste ved ei hytte som tilhøyrde slekt til ein av oss. Deretter gjekk me ein annan sti nedatt til bilane. Sol nesten heile tida, lite skyer. Litt sval vind, 23¤C på Vatnasete. Veldig fint turvær. Berre 4 karar.

29/08/2026

Karatrakktur 19.08. Me køyrde forbi Byrkjeland i Steinsdalen, og gjekk ruta Blomsete-Steinbu t/r. 11 karar

29/08/2026

Fyrste haustturen til Karatrakk, 12.08. (Eg har funne igjen minnekortlesaren). Tokagjelet- Skaonavotno. Lettskya, 12¤C. Litt regn. 7 karar.

27/08/2026

Gjekk du glipp av Høyrselhjelpa sist torsdag?
Frykt ikkje! Dei er attende allereie torsdag 3. september!
Kom innom mellom kl. 10 og 12 for å få hjelp med høyreapparat, eller kjøpa filter og anna utstyr. 🦻
Du treng ikkje tinga time på førehand - berre møt opp. Vert det litt venting, har me sofa du kan sitja i, og kaffi på kanna. ☕️
Velkomen! 🤗

26/08/2026

Endeleg er sommarferien over, og Språktreff startar opp att! 🥳
Tysdag 1. september kl. 17.30-19.00 på biblioteket i Norheimsund.
Me ynskjer alle - både gamle travarar og flett nye frivillige og deltakarar - hjarteleg velkomne til å vera med! 🤗
Her er det uforpliktande, uformelt, og veldig kjekt!
Me startar alltid i plenum, før me deler inn i mindre grupper der me snakkar saman om dagens tema. Røynde frivillige er alltid med på laget, så om du er ny, treng du ikkje uroa deg for pinleg stille eller at du ikkje kjenner nokon frå før.
Ta sjansen i haust, og bli med oss på Språktreff! 🍂

Adresse

Sandvenvegen 1
Norheimsund
5600

Åpningstider

Tirsdag	10:00 - 15:00
Onsdag	10:00 - 15:00
Torsdag	10:00 - 15:00

Telefon

+4790122688

Nettsted

http://www.grannehjelpa.no/

Varslinger

Vær den første som vet og la oss sende deg en e-post når Grannehjelpa legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.