Kvam Ungdomsråd

Hjem
Norge
Norheimsund
Kvam Ungdomsråd

🌟Kvam Ungdomsråd
👥Representerer ungdom 13-19 år
🎓Frå skular og ungdomsmiljø i Kvam
💬Ungdommens stemme i politikken
📢Jobbar for betre ungdomsmiljø

Kvam ungdomsråd er eit rådgjevande og lovpålagt folkevalt organ, som er sett saman av 9 ungdomar som representerer aldersgruppa 13- 19 år. Representantane er valt frå Strandebarm skule, Norheimsund Friskule, Kvam ungdomsskule, dei vidaregåande skulane i Kvam og Ungdomsbasen i Norheimsund. Kvar representant er valt for ein periode på 2 år. I tillegg er det valt 2 representantar frå Kvam heradsstyre. Dei er valt for ein periode på 4 år som tilsvarar valperioden deira. Ungdomsrådet skal arbeida for å skapa best mogeleg ungdomsmiljø i Kvam. Rådet kan uttala seg i saker som gjeld ungdom før desse vert politisk handsama og vedtekne. Det kan i tillegg ta opp saker og fremja forslag for politiske organ som gjeld barn og unge sin kvardag. Ungdomsrådet kan arbeida med konkrete aktivitetar og prosjekt knytt til barn og unge. Eusebiu Amanalachioai frå Kvam Vidaregåande Skule er leiar og Sander Eide Aase frå Kvam Vidaregåande Skule er nestleiar.

22/07/2026

22. juli – 15 år sidan

I dag er det 15 år sidan terrorangrepet på Regjeringskvartalet og Utøya. Ein dag som har sett djupe spor, og som me aldri må gløyme.

Tidlegare i år deltok nokre av representantane frå Kvam ungdomsråd på kurs på Utøya i regi av Det Europeiske Wergelandssenteret. Sjølv om kurset handla om demokrati, medborgarskap og ungdomsmedverknad, var det å få vere på Utøya ei oppleving som gav historia eit heilt anna perspektiv.

Sjølv om me opplevde besøket kvar på vår måte, trur me det er rett å seie at det gav oss ei djupare forståing av kva 22. juli betyr – og kvifor me framleis må ta vare på demokratiet, ytringsfridomen og fellesskapet vårt.

22. juli handlar ikkje berre om å minnast det som skjedde. Det handlar òg om å ta med oss lærdommen vidare, stå opp mot hat og ekstremisme, og bidra til eit samfunn der alle kjenner seg trygge, inkluderte og høyrde.

I dag sender me tankane våre til dei 77 som mista livet, dei etterlatne og alle som framleis lever med konsekvensane av terroren.

❤️ Aldri gløyme.

14/07/2026

Youth voices matter! 🇳🇴

For more than 20 years, the Youth Council of Kvam has shown how young people can actively contribute to local decision-making.

Through Y-IMPACT [KA210-YOU-E3B78F01], this experience is now inspiring partners in Cyprus and Spain to strengthen youth participation in rural communities.

💬 How can young people have a stronger voice in your community?

🌐 Learn more:
https://www.kvam.no/nyhende-fra-kvam/y-impact-europeisk-samarbeid-for-ungdomsmedverknad.64927.aspx

———

🇳🇴 Ungdomsstemmer betyr noko!

I meir enn 20 år har Kvam ungdomsråd vist korleis unge aktivt kan bidra i lokale avgjerder.

Gjennom Y-IMPACT [KA210-YOU-E3B78F01] inspirerer denne erfaringa no samarbeidspartnarar på Kypros og i Spania til å styrka ungdomsmedverknaden i lokalsamfunn i distrikta.

💬 Korleis kan unge få ei sterkare stemme i sitt lokalsamfunn?

🤝 Partners:

22/06/2026

God sommar frå Kvam ungdomsråd! ☀️

Då er ferien i gang, vertfall for dei fleste.

For mange betyr sommaren fri, vener, bading, seine kveldar og litt pause frå kvardagen. Samtidig veit me at ferien ikkje berre er grei for alle. Når skule, fritidstilbod og faste rutinar tek pause, kan sommaren også bli stille, einsam eller vanskeleg for nokon.

Difor vil me minna om noko enkelt, men viktig:

Ta vare på kvarandre.
Send ei melding. Spør korleis nokon har det. Inviter nokon med. Små ting kan bety mykje.

Dette halvåret har vore skikkeleg innhaldsrikt for Kvam ungdomsråd. Me har fått vera med på mykje spennande, lært mykje og jobba med fleire viktige saker for barn og unge i Kvam.

Så langt i år har me mellom anna:

🏫 • vore med på opninga av nye Kvam vgs
🏢 • delteke på FFU – Fylkesting for ungdom i Vestland
🍎 • hatt opplæring saman med Hardanger og Voss ungdomsråd
🇨🇾 • vore ein del av Y-IMPACT, eit prosjekt om ungdomsmedverknad og demokrati og starten på eit nytt ungdomsråd på Kypros
⚖️ • delteke på demokrativerkstad på Utøya
🇮🇹 • reist til Italia gjennom Youth for Democracy
🤝 • møtt statsministeren då han besøkte Kvam
🚤 • hatt stand på Hardanger Trebåt- og Handverksfestival
⛑️ • starta arbeidet med beredskapsprosjektet vårt
🗳️ • fått gjennomslag for viktige innspel for barn og unge i budsjettarbeidet

Me er stolte av det me har fått vera med på, og veldig takksame for alle som har lytta, samarbeidd med oss og heia på ungdomsrådet dette halvåret. 🤩🤝

Etter sommaren kjem det meir av både Y-IMPACT, beredskapsprosjektet og fleire andre spennande saker. Me gler oss til å dela meir!

God sommar, og hugs å ta vare på kvarandre 💛

Me sjåast!

– Kvam ungdomsråd

22/06/2026

🤩 No er det jammen på tide å presentera Kvam ungdomsråd 2026!

Kvam ungdomsråd er ungdommen si stemme i Kvam. Me jobbar for at barn og unge skal bli høyrde i saker som påverkar kvardagen vår, og me kan koma med innspel i politiske saker som gjeld ungdom.

1️⃣ Leiar: Hallvard Valland Nordheim
2️⃣ Nestleiar: Alexander Nitter
📰 Presseansvarleg: Sondre Fagerheim Lunestad
📣 SoMe-ansvarleg: Markus Fosse

Sjå bileta for å finna representantane, vararepresentantane, dei vaksne rundt ungdomsrådet og kontaktinfo.

🤩 Me gler oss til å jobba vidare for ungdom i Kvam gjennom 2026, og til å løfta saker som betyr noko for barn og unge i heradet vårt.

❓ Har du ei sak ungdomsrådet bør sjå på?
Send oss gjerne ei melding her på Facebook.

– Kvam ungdomsråd

21/06/2026

Gjennomslag for barn og unge i Kvam!

Under heradsstyremøtet den 18.06.2026 fekk Kvam ungdomsråd gjennomslag for innspel knytt til utkast til budsjett 2027 og økonomiplan 2027–2030.

Me hadde særleg fokus på å ta vare på viktige tilbod for barn og unge, og på å styrka det førebyggjande arbeidet i Kvam. Mellom anna peika me på utekontakten og BUA som viktige saker.

Begge forslaga våre blei tekne med vidare i fellesforslaget til Høgre, FrP og uavhengig representant. Det betyr at me unngår meir kutt i utekontakten, og at BUA får halda fram som eit frivillig initiativ.

Dette er gode nyheiter for barn og unge i Kvam, og viser at ungdomsmedverknad faktisk betyr noko.

Vil du sjå og høyra uttalen vår i heradsstyret?
Du finn han her:
🔗 - https://kvam.kommunetv.no/archive/223?caseId=8769

26/04/2026

Ei lita oppsummering frå forrige helg 💛

Forrige helg var Kvam ungdomsråd på tur til Oslo for å delta på Demokrativerkstad for ungdomsråd i regi av Wergelandssenteret. Kurset blei gjennomført på Utøya, og målet med helga var å bli tryggare i rolla vår, få nye verktøy for ungdomsmedverknad og læra meir om korleis me kan jobba endå betre for ungdom i Kvam.

Gjennom kurset jobba me mellom anna med debattkultur, engasjement og korleis ein kan handtera hatprat og krevjande situasjonar på ein god og trygg måte. Me sit igjen med mykje nyttig, og fleire konkrete idear me kan ta med oss vidare inn i ungdomsrådsarbeidet heime.

Me reiste ned med Alexander, Markus, Sondre, Halvor, Tommy, Marina, Signe, Helena og Maylinn, og hadde med oss Heidi og Ranveig. Det var òg veldig kjekt å ha med ordførar Torgeir Næss på turen.

Ein stor takk til Fauske ungdomsråd for ein skikkeleg fin helg saman med dykk, både sosialt og fagleg 🤝 Me håpar verkeleg me får samarbeida meir saman i framtida.
Og tusen takk til instruktørane ved Wergelandssenteret for eit opplegg som var skikkeleg godt lagt opp, lærerikt og inspirerande.

Og takk til folkene på Utøya for den gode maten me fekk servert gjennom heile helga! 💛

Les meir om kurset her: https://wergelandsenteret.no/demokrativerksted-for-ungdomsrad/

24/12/2025

God jul og godt nyttår frå Kvam ungdomsråd! 🎄✨

Me ønskjer alle i Kvam ei varm og fin julehøgtid – og eit godt nyttår.

Jula kan kjennast ulik for folk. Nokon har det skikkeleg godt, medan andre kan synast det er litt vanskeleg. Difor vil me minna om kor mykje små ting kan bety: eit smil, ei melding, ein invitasjon eller berre det å spørja korleis nokon har det ❤️

Ta vare på kvarandre, og ver litt ekstra rause med kvarandre i desse dagane.

Me vil òg senda ei stor takk til dei avtroppande medlemmene og varaene for innsatsen og engasjementet deira:
Victoria Høyland, Liselotte Lehmbre, Henrikke Steine, Morgan Augestad Ljones, Lisbeth Lingener og Viljar Botnen.

Frå januar er me tilbake att – og då med eit større ungdomsråd! Me går frå 11 til 13 medlemmar, og gler oss til å jobba vidare for ungdom i Kvam!

God jul og godt nyttår! 🎆✨
Helsing Kvam ungdomsråd

Adresse

Grovagjelet 16
Norheimsund
5600

Nettsted

https://www.kvam.no/politikk-og-organisasjon/politikk/kvam-ungdomsrad/

Varslinger

Vær den første som vet og la oss sende deg en e-post når Kvam Ungdomsråd legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.