Lom kommune

28/08/2026

Det er med sorg vi har teke imot bodskapen om at Hans Majestet Kong Harald har gått bort. Kongen har gjennom fleire tiår vore eit samlande symbol for landet vårt, og mange ynskjer å markere og vise si deltaking i sorga.

Kommunen flaggar på halv stong ved alle kommunale flaggstenger i sørgjeperioden.

På kommunen si nettside finn du meir informasjon om korleis kommunen markerer Kongens bortfall.

Ta vare på kvarandre.

26/08/2026

Veit du kva digitalt utanforskap er?

For mange er digitale løysingar ein naturleg del av kvardagen. For andre kan dei gjere det vanskelegare å få tilgang til tenester og delta i den digitale kvardagen.

I Lom kommune ønskjer vi å bidra til å førebyggje digitalt utanforskap – mellom anna gjennom samarbeid og lokale tiltak.

Les meir om kva digitalt utanforskap er, og kva vi gjer lokalt via lenka i kommentarfeltet 👇

25/08/2026

Barnehagane i Lom søkjer etter tilkallingsvikarar.

Vi ser etter deg som er positiv, påliteleg og trivst med å arbeide med barn. Som vikar deltek du i leik og aktivitetar, hjelper til med praktiske oppgåver og er ein trygg og omsorgsfull vaksen for barna.

Les meir og send søknad gjennom lenka i kommentarfeltet👇

18/08/2026

Lom kommune inviterer eigarar av næringseigedomar på Fossbergom til eit informasjonsmøte om retaksering av eigedomar og eigedomsskatt.

Retakseringa av næringseigedomar i Lom kommune starta i juli 2026, og dei nye takstane gjeld frå skatteåret 2027. Synfaring av næringseigedomar er planlagd i veke 37, frå 7. til 11. september.

Målet med møtet er å gi informasjon om den komande retakseringa og svare på spørsmål frå næringslivet.

Sjå meir informasjon i arrangementet. Det er ikkje nødvendig med påmelding.
Velkomen til informasjonsmøte!

Lom kommune inviterer eigarar av næringseigedomar på Fossbergom til eit informasjonsmøte om retaksering av eigedomar og eigedomsskatt. Retakseringa av næringseigedomar i Lom kommune startar i juli 2026, og dei nye takstane gjeld frå skatteåret 2027. Synfaring av næringseigedomar er planlagd i...

17/08/2026

Ein dag å vere stolt av! Nå er Jotunheimen vidaregåande skule opna!

I ei tid der fleire skular i distrikta har vorte lagt ned, er det ikkje sjølvsagt at ein kan opne ein ny vidaregåande skule. Nettopp derfor vart dagen også ei markering av det sterke engasjementet som har vore i Ottadalen - og distrikta i Innlandet.

Gratulerer med dagen til TAFI og til alle elevar og tilsette ved Jotunheimen vidaregåande skule – og lykke til med eit nytt kapittel i Lom og Ottadalen!

Lenke til sak i kommentarfeltet.

15/08/2026

Bli med på pårørandekonferansen 2026!
Onsdag 23. september kan du få med deg konferansen digitalt frå Utgard i Lom.

Årets tema er «Når ansvar møter motstand», og handlar om pårørande og fagfolk i eit velferdssystem som er under press.

Du treng ikkje vere fagperson – eller sjølv definere deg som pårørande nå – for å ha utbytte av konferansen. Dei fleste av oss vil på eit tidspunkt stå nær nokon som treng ekstra hjelp eller støtte.

Else Kåss Furuseth er ein av programleiarane og deler også eigne erfaringar med pårøranderolla. Helse- og omsorgsminister Jan Christian Vestre opnar konferansen, medan filosof og forskar Henrik Syse skal snakke om å sjå ting frå eit anna perspektiv.

Du får også møte mellom andre Ine Eriksen Søreide, som deler erfaringar som pårørande, og Inger Lise Hope, kjend som vinnaren av The Voice Norge i 2024.

Velkomen til ein dag med kunnskap, erfaringar og nye perspektiv!
Du finn meir informasjon og lenke til påmelding i kommentarfeltet👇

14/08/2026

Høyring av varsel om oppstart av detaljregulering

Nordplan AS varslar på vegne av Brimi Fjellstugu at det blir set i gang arbeid med detaljregulering av areal ved fjellstugu og nærliggande areal.

Frist for å kome med innspel eller merknader: 11.09.2026

Les meir ved å følgje lenka i kommentarfeltet.

10/08/2026

🇳🇴Måndag 17. august kl. 09.00 blir det ei historisk markering når Jotunheimen vidaregåande skule opnar dørene offisielt.

Dette er ein stor dag for heile Ottadalen, og dagen vert feira saman med innbyggjarar, elevar, tilsette og gjestar. Det blir snorklipping, flotte kulturinnslag med mellom andre Matoma og Lina Haug, kakefest, politisk debatt og ei høgtideleg avslutning i Lom stavkyrkje.

Ta gjerne på deg bunad eller anna du føler deg vel i, og bli med på feiringa. Vi oppmodar alle til å flagge denne dagen.

📍 Lom fleirbrukshus - Utgard
🕘Måndag 17. august kl. 09.00

Velkomen til ein dag for historiebøkene!

Klokka 09:00 måndag 17. august 2026, inviterer vi til offisiell opning av Jotunheimen vidaregåande skule ❤️

Dette er eit stort steg for utdanning og utvikling i dalen vår, og ein festdag vi har sett fram til å dele med dykk. For dette har vi fått til saman! 🥹

Vi er så stolte og glade for å ha med oss eit stjernespekka lag på scena denne dagen. Matoma kjem, og stiller opp for oss slik han har gjort heile vegen. Vår eigen lokale artist, Lina Haug vil bidra til å gjere markeringa ekstra minneverdig, og Hans Solbakken leier oss gjennom dagen som konferansier.

Opninga av Jotunheimen vidaregåande skule er berre starten. Eit tosifra antal stortingsrepresentantar har allereie bekrefta at dei kjem til Lom denne dagen, og i den politiske debatten i Utgard set vi søkjelyset på framtidas distriktspolitikk.

Som ei høgtideleg avslutning på dagen samlast vi i Lom stavkyrkje. Her rundar vi av dagen saman – med rom for takksemd, ettertanke og glede over alt vi har fått til, og alt som ligg framfor oss.

Program for dagen:

08.30–08.45 Oppmøte ved hovudinngangen til Utgard

09.00 Snorklipping av Hanna Gjeilo Skjåkødegård og offisiell opning

09.00–11.00 Opningsseremoni i idrettshallen

11.30–12.30 Kakefest i Utgard for alle / lukka lunsj for elevar og gjestar

12.45–13.30 Politisk debatt

13.30–14.30 Pause, mingling og medieintervju

14.30–15.15 Skulegudsteneste i Lom stavkyrkje

Dette er ein festdag, så nokon kjem i bunad, andre i finstasen, mange i heilt vanlege klede – du bestemmer sjølv. Det viktigaste er at du føler deg vel. Vi oppmodar alle til å flagge! 🇳🇴

Hjelp oss gjerne med å spre ordet – del dette innlegget og ta med deg venner, familie, kollegaer og naboen! 🥳

Varmt velkomen, helsing styret og rektor ved Jotunheimen vidaregåande skule

Foto: Edvard Kielland Mølmen

04/08/2026

Snart er det skulestart, og mange barn skal ut i trafikken att – nokre for aller fyrste gong. Da har vi alle eit ansvar for å bidra til ein trygg skuleveg.

Sjekk at hekkar, buskar og tre ikkje hindrar sikta ved avkøyrsler og kryss langs eigedomen din. God sikt gjer det lettare for både barn, syklistar og bilistar å sjå kvarandre.

Når du er ute og køyrer, vis ekstra omsyn ved skular, gangfelt og område der barn ferdast. Senk farten og ver merksam – ikkje alle barn vurderer trafikken på same måte som vaksne.