Sunnfjord brann og redning

18/07/2026

Tankane våre går til alle brannmannskap, naudetatar og frivillige som står i ein krevjande innsats for å verne liv, heimar og natur.

Samtidig vil vi minne om at skog- og lyngbrannfaren er høg mange stader.

Éin gnist er nok.
Eit lite bål, ein eingongsgrill eller ei gnist frå maskiner kan få store konsekvensar når det er tørt og vinden tek seg opp.

🏡 Ta vare på heimane våre.
🌲 Ta vare på naturen.
❤️ Ta vare på kvarandre.

Vis aktsemd og respekter bålreglane.

28/05/2026

Sunnfjord Brann og redning stilte med lag på i fullt utstyr og røykdykker meis som stafett pinne med vårt favoritt flasketrekk frå 🚒🧑‍🚒👨‍🚒❤️‍🔥

11/04/2026

I dag fekk vi møte ei fin gruppe born gjennom , der dei fekk bli kjent med brannbil, utstyr og litt av kvardagen vår som brannkonstablar.

Fokuset vårt var enkelt: Når alarmen går, må ein vite kva ein skal gjere. Ha ein plan, øv på han – både heime og på skulen – og ha ein fast møteplass. Borna fekk òg være med på ein tur i brannbilen og oppleve og høyre kva utstyr vi har på bilane.

Vi snakka òg om korleis ein i røyk må bruke sansane for å finne vegen – lytte, kjenne og halde roen. Takk for at vi fekk lov å tilbringe litt av dagen med dykk🤩

Tryggleik kjem ikkje av seg sjølv. Det må øvast på.

13/02/2026

Vær trygg når dykk ferdslar på isen🧊

Brannkonstabel Kristoffer Rygg demonstrerer kor farleg det kan vere å gå gjennom isen! 🥶

Med skiftande temperaturar blir isen raskt utrygg, og ein bør alltid sjekke lokale forhold.

Elvar, elveutløp og brakkvatn er spesielt farlege område der isen kan vere tynnare og straumane sterke. Dei oppmodar alle til å bruke sunn fornuft og ha ein plan.

Les heile saka i kommentarfeltet.👇🏻

28/01/2026

🧯 **Godt naboskap reddar liv** 🧯

Den 24. og 27. januar rykte Sunnfjord Brann og Redning ut til brann i bygning. I begge hendingane var det raskt tenkjande og omsorgsfulle naboar som bidrog til å avgrense brannen og ta vare på kvarandre då trusselen var stor.

I det eine tilfellet blei brannteppe brukt i forsøk på å sløkkje brannen, i det andre ein handsløkkar. Dette er gode døme på kor viktig tidleg innsats og rett utstyr kan vere. Vi ønskjer derfor å gje tilbake det utstyret som blei brukt – og samstundes hylle godt naboskap og god brannberedskap ❤️

Dei første minutta i ein brann er avgjerande. Kjenn etter kva situasjon du kan handtere – og kva du ikkje kan. Hugs rekkjefølgja:
🚨 Varsle
🆘 Redde
🔥 Sløkkje

Å redde handlar ikkje berre om andre – men også om deg sjølv.

👉 Har du rett utstyr om uhellet skulle vere ute?
✔️ Sjekk at røykvarslarane fungerer
✔️ Ha sløkkutstyr lett tilgjengeleg
✔️ Gå gjennom rømningsvegane dine

Dette kan bety alt. 💛

09/01/2026

❄️Øving i søk og redning under is❄️
I dag har vi hatt øving i søk og redning under is. Vinteren er for alvor komen, og minusgradene legg is på vatn og elver.

⚠️ Viktig å hugse:
Sjølv om isen kan sjå trygg og tjukk ut, er han ofte ujamn og uforutsigbar. Straum, snødekke, mildvêr og temperatursvingingar kan gjere at istykkelsen varierer mykje – også over korte avstandar.

🧊 Fell ein gjennom isen, kan kuldesjokk oppstå på få sekund og gjere det vanskeleg å puste og røre seg. Nedkjøling (hypotermi) kjem raskt i kaldt vatn, og i elver og område med straum kan ein bli trekt under isen og få store problem med å kome seg opp att. Dette kan i verste fall føre til drukning på få minutt.

👨‍👩‍👧‍👦 Snakk gjerne heime med barna om farane ved å gå ut på isen, og om at ein ALDRI skal gjere det utan at vaksne er til stades – og utan rett kunnskap og utstyr.

👉 **Hugs:** Er du ikkje 100 % sikker, så hald deg unna isen. 💙

07/01/2026

Det er med stor sorg vi har sett i nyhendene at to brannmenn er antatt omkomne i ein brann. Dette er ei djupt tragisk hending som rører oss alle i brann- og redningstenesta.

Tankane våre går til dei omkomne, familiane deira, vener og kollegaer i denne svært tunge tida. Vi kjenner sterkt med våre kollegaer og sender varme tankar, omtanke og støtte.

Ta vare på kvarandre.