Grønare Kvardag i Gulen kommune

05/06/2026

I dag feirar vi verdsmiljødagen! 🌍🥳Den største miljømarkeringa i verda, frå FNs miljøprogram. Årest tema; Ei global oppmoding til klimahandling. Ein felles innsats for klima og planeten vår.

Verdsmiljødagen set fokus på kva du og eg kan gjere for ei meir miljø- og klimavennleg utvikling. . Ein perfekt dag til å fundere litt over kva miljøvennlege tiltak vi kan gjere meir av i vår eigen kvardag. Sykle eller gå meir til gjeremåla våre, ete meir plantebasert mat, dyrke litt sjølv, melde deg inn i ein miljøorganisasjon, handle mindre klede, velje meir miljømerkte produkt eller engasjere deg meir i miljørelaterte saker. Moglegheitene er mange.

Ingen kan gjere alt, men vi kan alle gjere noko. God miljødag!

✅Les meir om kva du kan gjere i kvardagen din under fanen «Grønare kvardag» på nettsida til kommunen og meir om verdsmilødagen her: https://fn.no/om-fn/fn-dager-kalender/kalender/verdens-miljoedag

PS: Gode miljøtiltak er ofte også gode og sunne tiltak for både helsa og lommeboka.💪😊

I møte med miljø- og klimautfordringane vi står ovanfor, ynskjer Gulen kommune å gjere det lettare for innbyggarane å ta fleire berekraftige val i kvardagen. Vi har derfor sett i gang pilotprosjektet «Grønare kvardag». Her kan du finne informasjon om ulike tema og tips til kva du kan gjere f...

27/05/2026

Gulen kommune har i sommar leigd inn geit, for å halde gjengroing nede ved Prestegardsmuren i Eivindvik og ved Gulatinget - Tusenårsstad for Sogn og Fjordane på Flolid. 🐐🐐🐐 I desse områda har det også i tidlegare tider gått dyr på beite.

Tiltaket med beitedyr er eit prøveprosjekt som vi håpar vil bli ei fin oppleving for alle! Så det kan bli ein langsiktig berekraftig metode for å halde gjengroinga nede. 🙂 Kommunen ber om at det visast omsyn til dyra og at hundar blir halde i band❗

Geitene er utstyrte med Nofence-klaver som er kopla mot ei virtuell inngjerding av beitedyra. Det er viktig å halde litt avstand og ikkje skremme dyra, så dei held seg innanfor det usynlege gjerdet❗ Meir informasjon og råd om å vise omsyn i lenka under, og på plakatane som vil stå ved områda det gjeld. ⬇

22/05/2026

Det er verdsdagen for biologisk mangfald! 🥳🐝🦋🦉🌼Vi slår eit slag for villare og meir mangfaldig hage, ja til villblomstrar i hagen, og dropp bruk av sprøytemiddel! Vi gir løvetann litt ekstra merksemd i dag:

Løvetann altså! ☀️☀️☀️😍 Vakker å sjå på og viktig for bier, men visste du at løvetann eigentleg er ein superplante som kan brukast til både mat og drikke? Den blir som mange andre nyttige plantar gjerne karakteriserte som ein ugrasplante, fordi han er så villig. Men rik på vitamin og mineral kan han vere eit godt og viktig (og gratis) tilskot til næringsrik mat.

Løvetann er særleg rik på minneralene kalium og jern, og vitamina A (betakaroten), C og K. Både rot, blomster, blomsterknopp, stengel og blad kan brukast, men det grøne kan vere litt bittert utan behandling.

Løvetann har i tidlegare tider vorte brukt som folkemedisin til å behandle ulike plager, fordi ho skal ha mange eigenskapar som å vere urindrivande, avførande, avgiftande og slimløsene.

Men løvetann er også superviktig mat for bier, så ta berre ein blomst her og der, og la resten stå igjen til biene. 🐝🐝

Her er nokre tips til bruk av Løvetann:
✅ Unge (eldre blad er bitre) grøne blad kan erstatte ruccolasalat eller steikast som spinat.
✅ Blomsterknoppen kan steikast og smaker litt som nøtter.
✅ Dei gule blomsterblada kan brukast til te, anten ferske eller tørket. Ikkje skyl blomsteren, då forsvinn nokon av dei gode næringstoffene som ligg i pollen.
✅ Røter kan brukast som koffeinfri kaffi.Skyl røtene, skjer opp i mindre bitter og steik på ca.100 grader. Snu dei undervegs og følg med så dei ikkje brenn. Røtene skal bli fint brune. La det kjølne og kvern det i ei kaffikvern.

✅ Løvetann kan også brukast til mykje anna som i bakst, som sirup, til løvetannsaft eller vin.

Mange andre såkalla ugrasplantar som brennesle, skvallerkål og meldestokk kan også brukast som mat. Hos Noregs sopp- og nyttevekstforeining finn du meir informasjon og tips til etande ville plantar. ⬇️

OBS❗️ Ver sikker på at det er rett plante du eit og at dei blir sanka der det ikkje er mykje trafikk eller brukt sprøytemiddel.
https://soppognyttevekster.no/

20/05/2026

I dag er det bienes dag, og dei har vi mykje å takke for! 🐝🐝🐝

Visste du at omtrent 75 % av antall matplantearter vi dyrker i verda krev ei eller anna form for pollinering for å gi oss frukt, bær og grønsaker? Bier er i sterk nedgang verda over, men vi kan bidra til å forbetre leveforhold for biene. Bli med å ta eit grep for bievennene vår (og maten vår). ⬇️

✅ Unngå bruk av kjemikaliar og sprøytemiddel i hagen.
✅ La grasplenen gro og blomstre, spesielt no på våren.
✅ Dyrk blomstrar som bier elskar – så kjem han å pollinerer matplantane dine,
✅ Ha fat med steinar rundt i hagen til vatn, så biene og andre nyttige insekt har tilgang til vatn.
✅ Lær barna om alle dei ulike biene og humlene som finst og kor viktig dei er for maten vår.

Foto: Nini Hæggernes

13/05/2026

Kortreist ferie i eit av dei vakraste landa i verda i år? 😎

Noreg blir ofte kåra til eit av dei vakraste landa i verda. 🥳👏Med dei majestetiske landskapa, fjordar og fjell. I tillegg har vi som ein av få land Allemannsretten, som gir oss lov til å bruke og oppleve naturen rundt oss, så lenge vi tek omsyn til kvarandre, dyr, plantar og grunneigar.

✅ Kva med å utforske meir av det vakre landet vårt i ferien i år? På eventyr i eige lokalmiljø eller gjer sjølve reisa til ei oppleving med kollektivtransport i Noreg.

✈️Det er sjølve reisa som utgjer det største klimagassutsleppet når vi er på ferie, med over 50 prosent, og det er flyreiser som gir mest utslepp.

✅ Du finn tips til klimavennleg reise og ferie, hytteutleige, staycation, sykkelturar og meir i artikkelen. Der finn du også ein feriekalkulator for å berekne klimagassutsleppa dine med ulike reisemetodar.

God kortreist ferieplanlegging!☀️😎

Å bruke bilen mindre er eit viktig tiltak du kan gjere for å redusere utsleppa dine når du reiser. I Gulen kommune har vi ikkje så mange alternativ. Kollektivtilbodet er lågt og avstandane er store, men det finst nokre alternativ. Her får du tips til å gjere reisemåla dine meir miljø- og kl...

11/05/2026

Har du komme i gang med berekdskapsdyrking, heime hos deg sjølv?🍎🍑🥦🧄🫜🥔🥕🍐🫐

Vi har ein kampanje gående, der vi håpar mange i kommunen blir med å dyrkar litt mat til eige forbruk. Dyrkar du allereie litt kan du kanskje dyrke meir. Dyrkar du ingenting i dag er det berre å gle seg - til kortreist og sjølvdyrka mat. Mai er ein fin månad å komme i gang. 😀

Å dyrke litt av vår eigen mat er miljø- og klimavennleg, men også lærerikt, og mykje glede i å sanke eigenprodusert mat, både for store og små. På toppen av det er sjølvforsyning og evne til å kunne dekke eigne grunnleggande behov, som mat, kanskje det viktigaste vi kan gjere for eigenberedskapen vår.

Inne i artikkelen finn du 10 kjappe tips til naturvenleg beredskapsdyrking. ⬇

✅ Det første du bør tenke på er å starte i det små. Byrj med noko av det du et mest av og les deg opp på det. Frukt, bær, grønsaker eller urter - moglegheitene er mange. Skriv ned og prioriter 1-3 ting du vil prøve først. Gjer det enkelt for deg sjølv å komme i gang.

Vi håpar du blir med på kampanjen! 🌱🌱🌱

Send meg gjerne nokre ord og bilete av dyrkinga etter kvart, som vi eventuelt kan få lov til å dele for å inspirere fleire. 💚

Den mest berekraftige maten er den du dyrkar sjølv. Rein og kortreist mat kan dyrkast i hagar, på terrassar eller i blomsterpotter. Å vere litt sjølvforsynt med mat er ikkje berre nyttig. Det er mykje glede i å sanke eigenprodusert mat, både for store og små. I prosessen vil mange også opple...

08/05/2026

Ei levande legande og vår tids største naturstemme fyller 100 år i dag! Ein stor takk og gratulerer med dagen til David Attenborough! 💚🥳👏

Etter fleire tiår med inspirerande naturdokumentarar og tid i naturen, har han i seinare år i større grad teke til orde for vern av natur og alt levande liv. “No one will protect what they don’t care about; and no one will care about what they have never experienced”. Ingen vil verne det dei ikkje bryr seg om; og ingen vil bry seg om det dei ikkje har erfart.

Oppmodinga her frå på Davids store dag blir derfor:
Bruk tid i naturen, ta pausar og sett deg ned å observer naturen – lydane, duftene, vatna, trea og insekta. Lær barn om naturen i naturen, og gi dei kanskje den største gåva av alle – naturglede for resten av livet. Lær om naturen og korleis vi og alt heng saman i komplekse økosystem av artar. Eller sjå nokon Attenborough-dokumentarer og lær om dei store og små underverka i naturen og livet.

Verda og vi treng mange fleire David Attenborough’er som gir naturen og alt liv ein stemme! 💚🐝🦅🦊🪱🐟🌿🦍🌳👫🧍🧍‍♀️

28/04/2026

Visste du at du kan få pant på båtvrak?🛥️🛶

Det er observert forlatte båtvrak i Gulen kommune. Båtvrak er avfall i samsvar med forureiningslova § 27. Derfor er det viktig at vi ikkje berre forlét båtvrak ein plass, der dei kan forsøple og forureine med mikroplast og anna utslepp over mange år.

Båtvrak skal leverast til lovlege avfallsanlegg, så dei kan destruerast på ein forsvarleg måte. Ved å søke til Miljødirektoratet etter levering av båten, kan du få kr. 1000,- i vrakpant. Båtvrak opp til 3 tonn kan leverast gratis hos NGIR i Kjevikdalen. 👏

Les meir på NGIRs nettside. ⬇

Du kan levere båt sjøveien ved å frakta det sjølv til kaia i Kjevikdalen. Foto: NGIR

27/04/2026

Skal du lage leikeplass? 🤸🤸‍♀️Naturbasert løysing på leikeplassen bidreg til meir variert leik og auka naturkontakt i barnas kvardag. Det betyr også at du kan finne naturmateriale lokalt og gjerne bruke tre og stein, eller andre relevante naturmateriale, som likevel skal fjernast i nærleiken.

Det er Norske landskapsarkitektars foreining (NLA) som deler ei samling naturbaserte prosjekt, som viser tips og prinsipp til korleis naturen kan bli eit utgangspunkt for leik. 👏🌳🪵🪨Oversikta er tilgjengeleg for gratis nedlasting i lenka. ⬇️

Illustrasjon frå NLA brosjyre Naturbaserte leikeplassar