Ål kommune

03/09/2026

Visning av gravferda til H.M. Kong Harald V

Ål kulturhus opnar dørene 9. september klokka 12.00.

Hallingdølen skriv dette:
– Det slo oss i møte med statsforvaltaren at dette kunne vere ein fin måte å gjera det på, seier ordførar i Ål, Jørund Li.

Gravferda skjer onsdag 9. september. Klokka 12 opnar dørene til storesalen i Ål kulturhus. Der er det berre å møte fram viss ein ønskjer å vera med på visninga av den historiske hendinga.

– Det blir eitt minutts stillheit klokka 13. Vidare følgjer me overføringa av gravferda, seier Li.

Kommunen har ikkje fått direkte spørsmål om ei slik løysing, men etter møte med statsforvaltaren slo det dei at dette kunne vere ein fin ting å gjera. Signalet frå statsforvaltaren var at det er opp til kvar kommune å vurdere slike tiltak.

Lokala i kulturhuset eignar seg godt til ei slik markering, meiner ordføraren.

– I sommar møttest folk rundt noko fint, fotball-VM. Så ser me det store oppbodet på Slottsplassen etter kong Haralds bortgang. Folk har gjerne behov for å vera saman i sorga. Derfor opnar me kulturhuset, seier Jørund Li.

Her finn de lenke til Hallingdølen
https://www.hallingdolen.no/nyheiter/n/OkPj71/viser-gravferda-i-kulturhuset-folk-har-behov-for-aa-vera-saman-i-sorga

03/09/2026

Kulturtilskot 2026 - 2. runde

Kulturkontoret har no lyst ut 2. runde 2026 med kulturtilskot.
Dette er ein ekstra runde som ikkje er standard for kvart år, men som me har mogelegheita til å gjennomføre i år.

Me oppfordrar alle frivillige lag og organisasjonar i Ål kommune til å søkje.

Søknadsfrist 18. september 2026

Dersom du treng veiledning til søknadskriving eller har utfordring med skjemaet, vil Anita vere tilgjengeleg på Ål kulturhus onsdag 16. september frå kl 16-19.

Søknadsrunden for 2027, med frist 1. desember 2026 vil foregå som normalt.

Søknadsskjema, og meir informasjon finn du på:
https://www.aal.kommune.no/meny/kultur-og-fritid/kulturpris-tilskot-og-stipend/

03/09/2026

Folkemøte om Gnist-prosjektet

Frå GNIST til glød

Ål kommune og Sundre Vel inviterer til folkemøte!

Ål kommune informerer om resultata frå Gnist-prosjektet og vidare planar for sentrumsutvikling. No er tida inne for å velge ut kva som skal gjerast og kor tid - bli med og bruk din moglegheit til å påverke prosessen vidare!

Stad: Sundrehall
Tid: laurdag 12. september kl 12
Servering: kaffe og noko å bite i

Sundre Vel arrangerer sitt årsmøte umiddelbart etter arrangementet. Vanlege årsmøtesaker.

02/09/2026

Bedriftsbesøk i Ål kommune.

Tour de Ål 31. august.
Måndag var ordførar, rådmann og næringskonsulent på bedriftsbesøk hos Asian Forest og Kim Rudi Kafe på Ålingen.

Takk for gode samtalar!

01/09/2026

KOLS-kurs på Hallingdal sjukestugu 8. og 10. september

Kurset passer for pasientar med KOLS-sykdom og deira pårørande. Du finn meir informasjon her:
https://www.aal.kommune.no/aktuelt/kurs-for-kols-pasientar/

28/08/2026

Kondolanse frå Ål kommune ved ordførar Jørund Li

Til Hans Majestet Kong Haakon VIII, Hennar Majestet Dronning Sonja og Den Kongelege Familie.

På vegne av innbyggjarane i Ål kommune vil eg uttrykkje vår djupaste medkjensle i denne tunge stunda.

Det er med stor sorg vi har motteke bodskapen om tapet som har råka Den Kongelege Familien og heile nasjonen. Våre tankar går til dei næraste i ei tid prega av sorg og sakn.

Gjennom liv og virke har Kongen sett varige spor etter seg og hatt ei viktig betydning for landet vårt. Med takksemd og respekt minnast vi eit liv levd i teneste for fellesskapet og nasjonen.

På vegne av Ål kommune vil eg uttrykkje vår deltaking i sorga og ynskje Dykk styrke og trøyst i dagane som kjem.

Med djupaste respekt,

Jørund Li
Ordførar i Ål kommune

28/08/2026

H.M. Kong Harald V er død 🤍🤍🤍

Om du ynskjer å vise di medkjensle og skrive ei helsing, er det er lagt ut kondolanseprotokoll på Tingstugu.

Servicetorget på Tingstugu er ope måndag - fredag 9-15

Dersom du ynskjer å legge ned blomar, kan du gjere dette ved tuntreet utanfor Ål kulturhus. Dersom det skal tennast lys, må dette vere batterilys.

Kyrkjene i Ål har lagt ut denne informasjonen:

"Leveld kyrkje, Torpo kyrkje og Ål kyrkje vil vere opne for alle dei neste timane. Kondolanseprotokoll ligg klart i Ål kyrkje.

Kyrkjeklokkene vil klemte kl 12-13 i dag."

27/08/2026

Gratulerer til Tanken Arena med gründerprisen🤩

Gjennom eit knapt leveår har gründerane bak Tanken Arena skapt ein møteplass. Det fortener ein pris.

27/08/2026

Gratulerer til dei verdige vinnarane 🤩

Aldri før har to bedrifter delt Næringsprisen. Det skjedde på Geilo torsdag.

27/08/2026

🔥👨‍🚒Har du en liten drøm om å bli BRANNKONSTABEL?👩‍🚒🚒
Vi søker nå etter brannkonstabler til brannstasjon på Flå, Gol, Hemsedal og Ål.
Se utlysningen i kommentarfeltet.
‼️SØKNADSFRIST ER 13.SEPTEMBER 2026