FNP Waadhoeke

Ynvestearje yn de leefomjouwing, romte jaan oan minsken. Soargje dat se harren thús fiele.

04/05/2026

Hjoed steane wy stil.

By minsken dy’t harren libben ferlern hawwe yn oarloch en by geweld.
By it gemis dat noch altyd fielber is.

Wy ferjitte net.
En wy beseffe hoe weardefol frijheid is.

🕯️

24/04/2026

Wat in foarrjocht dat wy op sa’n moaie jûn as fraksje en stipefraksje it fjild yn koene. Op it lân fan de famylje de Jong yn Baijum libbet it. Greidefûgels, nêsten en jonge fûgeltsjes om dy hinne. In bysûndere jûn, dêr't wy fan tichtby seagen hoe't der buorke wurdt mei de natuer en greidefûgels. Wy ha tal fan skriezen, hoantsen, giele boumasters en ljippen sjoen. Troch de ôfwikseling krûderykgerslân heger en leger (greppels) is der in ferskaat oan fochtichheid en fegetaasje. Dit moat soargje foar iten (ynsekten) foar fûgels en piken.

Wie giene mei Marten de Jong en Wybren Bruinsma, beide mei in grut hert foar de greidefûgel, it fjild yn. Fernimst daliks de belutsenens en ynset. Ek moai te fertellen is dat de jongerein fan de keet in tûk en betelber kamera-systeem betocht hawwe. Hjir troch kinst de nêsten better yn 'e gaten hâlde. In prachtich foarbyld fan hoe't kennis en ynnovaasje gewoan út de praktyk en eigen omjouwing sels komt. Mei tank oan de keetútfiening koene wy in hiel bysûnder momint meimeitsje: fjouwer lytse ljippepiken dy't ûnder de wjukken fan mem krûpten.

Wat hjir bart is fakminskip, leafde foar it lân en de fûgels, mei in protte trochsettingsfermogen. Krekt dêrom hawwe wy in grutte wurdearring foar dit soarte ûndernimmers. Mei derneist fansels ek de stipe fan minsken sa as Wybren en de Bond Friese Vogelwachten - BFVW bygeliks.

Tagelyk waarden wy ek konfrontearre mei de kwetsberens. Predaasje (fijannen) bliuwt in grut probleem. Oan de foarkant it foar elkoar hawwe, mar dernei somtiden machteleas stean. It giet Marten en Wybren oan it hert as der wer rôffûgels boppe it lân sweve en pykjes it dertroch net rêde. Dat binne saken dêr't serieus nei sjoen wurde moat wêr't mear oandacht foar komme moat.

Tige tank oan Wybren en Marten foar de gastfrijens en it dielen fan alle kennis en ferhalen. It wie yndrukwekkend om dit fan sa tichtby mei te meitsjen.

20/04/2026

Us riedslid Jetske Tolsma en belutsen FNP-lid Japke van Groning wienen ôfrûne sneon op paad lâns de dielnimmers fan Toer de Boer. In moaie kâns om fan tichtby te sjen wat foar moaie en ynnovative boerebedriuwen ús gemeente ryk is.

Fan it begjin by bakkerij Sybesma yn Boksum oant de ôfsluting by Boerderijwinkel Op de Him: oeral wie te sjen hoe’t der mei fakmanskip, natuer en fernijing wurke wurdt oan de takomst fan de lânbou.

Us boeren binne ûnmisber foar ús lânskip, ús ekonomy en ús mienskip. Dêrom wolle wy ús ynsette foar sûn, earlik en lokaal iten, yn nauwe gearwurking mei ús boeren.

Tank oan alle bedriuwen foar de gastfrijens. Wy komme graach nochris werom.

02/04/2026

Lokwinske Bert Vollema en Jetske Tolsma-Palma! As keazen folksfertsjintwurdigers meie sy de kommende fjouwer jier de skouders der ûnder sette.

De fraksje fan FNP Waadhoeke sil har ynsette foar in Waadhoeke dêr’tst noflik wenje, wurkje en moetsje kinst yn dyn eigen doarp of wyk.

Sukses Bert en Jetske!

31/03/2026

De útslach fan de ferkiezingen wie net wer wy op hope hiene. We moatte dit mei-inoar ek wol in plakje jaan, der giet wat tiid oerhinne. Mar tagelyk binne we ek tankber! Foar elkenien dy't ús it fertrouwen jûn hat en op ús stimd hat. Der kinne we fierder mei en der geane we foar!

Bert Vollema en Jetske Tolsma sille ús fertsjinwurdigje yn de ried. San 'twapitter' kin it fansels net allinnich. Dêrom sille oare leden harren ek bystean.

Sa geane wy oan 'e slach de kommende riedsperioade. Wy bliuwe tichtby de mienskip, mei in skerp each foar wat der spilet. Posityf, kritysk, mar ek konstruktyf. Wy bliuwe ús ynsetten foar in leefber en sterk Waadhoeke, dêr't elkenien sich thús fielt.

18/03/2026

Tank oan elkenien dy’t hjoed stimd hat.
Tank oan elkenien dy’t it petear mei ús oangien is de ôfrûne wiken.

Wat de útslach ek wurdt: wy bliuwe ús ynsette foar in sterke mienskip, foar earlike karren en foar in Waadhoeke dêr’t minsken har thús fiele.

Sa bouwe wy, mei-inoar, fierder op fertrouwen.

18/03/2026

Hjoed is it safier. Hjoed giet it om karren foar Waadhoeke. Mei jo stim bouwe jo mei op fertrouwen. Hjoed kinne jo it ferskil meitsje foar Waadhoeke.

17/03/2026

Moarn stimme jo foar wenjen yn jo eigen doarp of wyk. Foar betelbere soarch tichtby. Foar enerzjy mei draachflak. Foar in sterke mienskip.

De ôfrûne wiken hawwe wy yn de hiele gemeente in soad weardef***e petearen hân. Mei minsken dy’t ús al jierren stypje, mar ek mei minsken dy’t kritysk binne op ús wurk. Dy iepen petearen binne goud wurdich. Dit wolle wy ek yn de kommende riedsperioade graach fuortsette.

Lês ús ferkiezingsprogramma en ûntdek wêr’t wy foar steane: https://www.fnp.frl/waadhoeke/nl/programma/

Kies foar fertrouwen, foar gearwurking en foar in Waadhoeke dêr’t elkenien him thús fielt en mei fertrouwen.

16/03/2026

De ôfrûne wiken reizge ús Fryske flagge-caravan troch Waadhoeke. Fan doarp nei doarp. In kopke kofje, in dúmke en foaral: yn petearen mei minsken.

Wy hearden in soad oer wat minsken dwaande hâldt. Oer wurk, wenjen, ús lânskip en moetsjen yn eigen doarp. Oer enerzjy en selsredsumens: wol wat dwaan, mar mei draachflak. En oer it belang fan foarsjennings dy’t doarpen leefber hâlde.

Mar wy hearden ek dat it fertrouwen yn de lanlike polityk ôfnaam is. En dat de kommunikaasje fan de gemeente soms better kin. Beloftes om werom te beljen wurde neffens minsken net altyd neikommen. As dat sein waard, seinen wy: fertel ús mear, wy komme graach lâns om te lústerjen en der fan te learen. Tagelyk wiene it ek gewoan moaie, noflike petearen. Oer it doarp, it fuotbaljen, kultuer en Fryske gewoanten.

Underweis ha wy ek Priuwe fan it programma belibbe. In bysûnder húskeamerkonsert yn De Koornbeurs, entûsjaste jonge bern dy’t mei gymden, en in aksje foar in basisfoarsjenning dy’t faak fergetten wurdt: iepenbiere én tagonklike húskes.

Wat wy ek meinimme fan dizze kampanje? De petearen mei jongerein. Sy wolle meitinke oer de takomst fan harren gemeente. Dêr moatte wy f***e faker nei lústerje, sy binne ús takomst.

De kampanje hat nochris dúdlik makke wat foar ús wichtich is:
𝘄𝘂𝗿𝗸, 𝘄𝗲𝗻𝗷𝗲 𝗲𝗻 𝗺𝗲𝗶𝗱𝘄𝗮𝗮𝗻. 𝗠𝗲𝗶-𝗶𝗻𝗼𝗮𝗿. 𝗬𝗻 𝘂́𝘀 𝗪𝗮𝗮𝗱𝗵𝗼𝗲𝗸𝗲.

16/03/2026

Hjir by SuperNova Luxury Interiors en noch f***e mear bedriuwen yn Waadhoeke sjochst wat de krêft fan fakmanskip is. Jongerein dy de kâns krije om it fak te learen en troch te groeien tot echte fakminsken. Kennis en ûnderfining trochjaan, dat is fan ûnskatbere wearde foar ús gemeente.

FNP Waadhoeke is grutsk op dizze fakminsken en op ûndernimmers dy’t romte meitsje foar de folgjende generaasje en yn hun ynvestearje wolle. Troch goede gearwurking tusken bedriuwen en fakopliedingen kinne ús jongeren har hjir ûntwikkelje en bouwe oan harren takomst.

En as jongeren hjir wurkje en har takomst bouwe, dan heart dêr ek in passende en betelbere wenning by. Sa hâlde wy ús fakmanskip en ús mienskip sterk yn Waadhoeke.

Adres

Sint Jacobiparochie

Website

https://www.fnp.frl/waadhoeke/

Meldingen

Wees de eerste die het weet en laat ons u een e-mail sturen wanneer FNP Waadhoeke nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.