30/05/2026
Mu, kungiyar Voice of ADC Zuru - Vaz , tsarkakan ƴaƴan jam'iyya ne na jini. Ba ma gaba da kowa, tun daga matakin kasa har zuwa rumfar zabe, amma muna da 'yancin fadin gaskiya idan abubuwa s**a lalace. Muna goyon bayan kowane dan takara da aka tsayar ta hanyar adalci.
Sama da shekara guda muna fadi-tashi, muna zagaye birni da kauyen Masarautar Zuru don tallata ADC da kudaden aljihunmu ba tare da daukar nauyin kowane dan takara ba. Yana da kyau jama'a su san wannan sadaukarwar.
MENENE LAIFIN MU?
Laifinmu kawai don mun nemi adalci da gaskiya a zaben fidda gwani na ɗan Majalisar Tarayya. Mun ga yadda aka gudanar da consensus a gidan Baba Sani Tadurga tsakanin ƴan takaranmu hudu: Hon. Danjumma Garba Limi (wanda ya koma takarar Senator), Hon. Dr. Anas Aliyu Gujiya , Hon. Comr. Sadiq Fakai, da Hon. Nasir Usman Sami. Bayan an kasa daidaitawa tsakanin Anas Madaki da Sadiq Fakai, an umurci kowa ya sayi fom din Direct Primaries, kuma aka cika kamar yadda doka ta gada.
Abin takaici, sai kawai aka fitar da list din da aka riga aka gama lissafi, inda aka ce an yi "screening" aka saka wa sauran 'yan takara "not cleared" ba tare da wani gamsasshen dalili ba. Muna tambaya: Ina aka kwana da maganar Direct Primaries ɗin?
Kada wanda ya laka muna kalmar "ba su yarda da kaddara ba." Idan har babu adalci tun farko, ba za mu taba girmama tsarin da aka gina a kan danne haƙƙi ba. Ba za mu taba yarda da sarautar nuna ƙarfi (coronation) ba; muna bukatar adalci! Shin don mun nemi hakkinmu, hakan ya zama laifi?
