http://kaboreporters.blogspot.com/

Kabo Reporters, Kano (2026)

26/10/2026

Majalisar dokokin Kano ta amince da naɗin sabbin kwamishinoni shida

Majalisar dokokin jihar Kano ta tabbatar da naɗin sabbin kwamishinoni shida da Gwamna Abba Kabir Yusuf ya aika mata domin tantancewa da amincewa.

Waɗanda aka tabbatar sun haɗa da tsohon Air Commodore Salisu Yusha’u, Hon. Ibrahim Namadi, Farfesa Sani Lawan, Hon. Muktar Ishaq Yakasai, Dakta Aminu Ibrahim Tsanyawa da Hon. Idris Garba Mustapha.

An gudanar da tantancewar ne a zaman majalisar na ranar Litinin, 26 ga Oktoba, 2026, ƙarƙashin jagorancin Kakakin Majalisar, Rt. Hon. Jibril Isma’il Falgore.

A yayin zaman, kakakin ya sanar da ‘yan majalisar sunayen waɗanda gwamnan jihar ya miƙa domin tantancewa da tabbatar da naɗinsu.

Bayan kowanne ya gabatar da kansa a gaban majalisar, ‘yan majalisar sun bayyana gamsuwarsu da ƙwarewarsu, cancantarsu da gogewarsu wajen gudanar da ayyukan da aka naɗa su domin yi.

Sanarwar da sakataren yaɗa labarai na majalisar, Kamaluddeen Sani Shawai, ya fitar ta bayyana cewa ‘yan majalisar sun yi la’akari da dacewar naɗin waɗanda aka zaɓa a wannan lokaci da ake buƙatar gudummawarsu wajen ci gaban jihar.

Daga cikin ‘yan majalisar da s**a ba da gudummawa yayin tattaunawar akwai wakilan Doguwa, Tudun Wada, Fagge, Kiru, Madobi, Dala da Aliyu Bagwai/Shanono.

A ƙarshen tantancewar, majalisar ta amince da dukkan sunayen kwamishinonin shida.

Wannan amincewa ta share fage ga matakin da gwamnan zai ɗauka na tura su ma’aikatu ko sassan da za su jagoranta a gwamnatin jihar Kano.

26/10/2026

Da ɗumi-ɗumi: An Hango El-Rufai Yana Sumbatar Matarsa A Cikin Kotu Yayin Da Ya Halarci Zaman Shari’arsa Yau

20/10/2026

Majalisar Kano ta gayyaci ɗan majalisar Nasarawa saboda daga kunnuwan zomo

Majalisar Dokokin Jihar Kano ta gayyaci dan majalisa mai wakiltar Nassarawa, Yusuf Bello-Aliyu, domin ya bayyana kan wasu kalamai da yin bidiyon daga kunnuwan zomo da ake zargin ya yi, wadanda s**a bazu a kafafen sada zumunta.

Kakakin majalisar, Jibril Ismail-Falgore, ne ya sanar da matakin yayin zaman majalisar ranar Litinin, bayan kudirin gaggawa da dan majalisa mai wakiltar Minjibir, Abdulhamid Abdul-Minjibir, ya gabatar.

Abdul-Minjibir ya ce ya ga wani rubutu da Bello-Aliyu ya wallafa a kafafen sada zumunta, inda yake rike da kunnuwan zomo tare da furta kalaman da ya bayyana a matsayin wadanda ba su dace da matsayin dan majalisa ba.

Ya bukaci a mika lamarin ga kwamitin ladabtarwa na majalisa domin gayyatar dan majalisar ya yi bayani kan dalilin aikata hakan.

Shi ma Musa Ali-Kachako, mai wakiltar Takai, ya bukaci majalisar ta dauki matakin ladabtarwa bisa dokokinta, yana mai cewa ya k**ata ‘yan majalisa su zama abin koyi ga al’umma.

A nasa bangaren, Usman Abubakar-Tasiu, mai wakiltar Kiru, ya nuna damuwa kan yadda ake amfani da kafafen sada zumunta wajen cin zarafi da zagin mutane, tare da bukatar samar da doka domin daidaita amfani da su.

Daga bisani, Kakakin majalisar ya mika batun ga kwamitin ladubban majalisar, wanda zai gayyaci Bello-Aliyu domin ya bayyana a gabansa ranar Talata.

17/10/2026

DSS ta k**a ɗan Maina shekaru shida da tserewa bayan an bada belin sa

Hukumar tsaro ta farin kaya (DSS) ta k**a Faisal Abdulrasheed Maina, ɗan tsohon shugaban kwamitin sake fasalin tsarin fansho na ƙasa (PRTT), Abdulrasheed Maina, bayan shafe kusan shekaru shida yana gudun hijira.

Jaridar TheCable a wani rahoto da Daily Nigerian Hausa ta wallafa ya nuna yadda jami’an DSS s**a k**a Faisal a yankin Karsana da ke Abuja, bayan samun bayanan sirri da ke nuna cewa ya dawo Najeriya a ɓoye.

Majiyoyi sun ce an miƙa shi ga hukumar yaƙi da masu yi wa tattalin arzikin kasa ta’annati (EFCC) bayan k**a shi.

Faisal ya tsere daga ƙasar ne a shekarar 2020, bayan EFCC ta gurfanar da shi a gaban kotu kan tuhume-tuhume uku da s**a shafi halatta kuɗin haram, inda aka ba shi beli amma ya karya sharuddan belin.

A watan Oktoban 2021, Babbar Kotun Tarayya da ke Abuja ta same shi da laifi, tare da yanke masa hukuncin ɗaurin shekaru 14 a gidan yari, duk da cewa ana ci gaba da shari’ar ba ya nan.

Alkalin kotun, Okong Abang, ya ce EFCC ta tabbatar da cewa Faisal ya yi amfani da wani asusun banki na bogi a bankin United Bank for Africa (UBA), wanda mahaifinsa ya yi amfani da shi wajen halatta kuɗi har naira miliyan 58.1.

Kotun ta bayyana cewa an fara saka kuɗin ne a asusun da aka buɗe da sunan “Alhaji Faisal Farm 2”, kafin Faisal da mahaifinsa su riƙa cire kuɗin tsakanin Oktoban 2013 da Yunin 2019.

A watan Nuwamban 2022, Kotun Ɗaukaka Ƙara ta tabbatar da hukuncin da aka yanke wa Faisal, amma ta rage wa’adin ɗaurinsa daga shekaru 14 zuwa bakwai, bisa dalilin cewa bai dace kotun farko ta yanke masa hukuncin mafi tsanani ba alhali shi ne karon farko da aka same shi da laifi.

Mahaifinsa, Abdulrasheed Maina, ya yi zaman gidan yari na shekaru takwas a gidan gyaran hali na Kuje da ke Abuja, bayan samunsa da laifin halatta kuɗaɗen fansho naira biliyan biyu.

An sako Maina a farkon shekarar 2026, amma daga baya aka ayyana shi a matsayin wanda ake nema ruwa a jallo kan zargin karɓar kayayyakin da aka sace.

16/10/2026

Jagororin jam'iyyar NDC a jihar Kano sun miƙa takardar korafi ga INEC kan batun rashin wallafa sunan dan takarar gwamna na jam'iyyar , Aminu Abdussalam Gwarzo da mataimakin sa Mustapha Rabi'u Kwankwaso.

15/10/2026

Sanatocin Najeriya sun goyi bayan tazarcen Godswill Akpabio da Barau Jibrin a matsayin shugabannin Majalisar Ƙasa ta 11 da za a kafa bayan babban zaɓen 2027.

An bayyana wannan matsaya ne yayin zaman Majalisar na yau Alhamis, bayan Sanata Tahir Monguno, mai wakiltar Borno ta Arewa, ya bayyana gamsuwa da yadda shugabannin ke jagorantar majalisar a yanzu.

Monguno, wanda shi ne babban mai tsawatarwa na Majalisar Dattawa, ya bayyana kwarin gwiwarsa cewa mafi yawan sanatocin da ke kan kujerunsu a yanzu za su sake samun nasarar komawa majalisa a zaɓen 2027.

Shi ma Sanata Cyril Fasuyi, mai wakiltar Ekiti ta Arewa, ya nuna goyon bayansa ga matakin, yana mai cewa Sanata Godswill Akpabio shi ne zai zama shugaban Majalisar Dattawa ta 11.

14/10/2026

Gwamnatin Kano ta bada hayar wuraren shakatawa 4 da ta gyara ga wasu kamfanoni domin tattara kuɗaɗen shiga

Gwamnatin Jihar Kano ta sanya hannu kan yarjejeniyar miƙa ragamar kula da lambunan shakatawa guda huɗu da aka gyara ga kamfanoni masu zaman kansu, matakin da ake sa ran zai ƙara kuɗaɗen shiga na jihar daga kusan Naira miliyan biyar zuwa Naira miliyan 90 a duk shekara.

Kwamishinan albarkatun ruwa, muhalli da sauyin yanayi na jihar, Dakta Dahir M. Hashim, ne ya bayyana hakan, inda ya ce yarjejeniyar ta nuna sabon mataki a ƙoƙarin Gwamna Abba Kabir Yusuf na samar da birnin Kano mai ɗorewa da ingantattun wuraren shakatawa ga al'umma.

A cewarsa, lambunan huɗun da aka gyara da sabbin kamfanonin da za su kula da su sun haɗa da Audu Bako Park, wanda aka sauya wa suna zuwa Kano First Food Court, wanda Kano Food Court Limited zai riƙa kula da shi tare da biyan kuɗi Naira miliyan 15 a shekara.

Sauran sun haɗa da Nassarawa Park, wanda yanzu ake kira Gida Gida Children’s Park, ƙarƙashin kamfanin Infranexus Ltd, kan Naira miliyan 30 a shekara.

Haka kuma, Kakuri Park, wanda aka sauya wa suna zuwa AKY Diplomatic Garden, zai kasance ƙarƙashin Prime Groove Construction Limited, wanda zai biya Naira miliyan 20 a duk shekara.

Sai kuma Green Park, wanda yanzu ake kira AKY Elderly Garden, wanda kamfanin Chikenza Park and Restaurant zai kula da shi kan Naira miliyan 25 a shekara.

Kwamishinan ya bayyana cewa kafin gyaran lambunan, dukkansu tare suna samar da kusan Naira miliyan biyar ne kawai a shekara, amma sabon tsarin zai ƙara kuɗaɗen shiga zuwa Naira miliyan 90.

Ya ce an riga an biya kuɗaɗen ga gwamnatin jihar, inda wasu daga cikin kamfanonin s**a biya kuɗin haya na shekaru biyu zuwa uku a gaba.

Hashim ya ƙara da cewa tsarin haɗin gwiwa tsakanin gwamnati da kamfanoni masu zaman kansu zai tabbatar da cewa kowanne lambu yana da wanda ke da alhakin kula da shi, tare da tabbatar da cewa wuraren ba za su sake komawa halin da suke ciki a baya ba.

Ya ce lambunan shakatawa na da muhimmanci wajen samar da wuraren da jama'a za su riƙa hutawa, haɗuwa da abokai, kai yara wasa da kuma jin daɗin muhalli mai cike da bishiyoyi da ciyayi.

Kwamishinan ya ce gwamnatin jihar za ta buɗe wasu lambunan shakatawa nan gaba, yayin da take ci gaba da ƙoƙarin mayar da Kano birni kayatacce.

Ya kuma gayyaci mutane da kamfanoni masu sha'awar gudanar da kasuwanci ko wasu ayyukan da aka amince da su a lambunan da su tuntuɓi kamfanonin da aka bai wa ragamar kula da wuraren.

Sai dai ya jaddada cewa duk wani aiki da za a gudanar a wuraren dole ne ya mutunta manufarsu ta zama wuraren shakatawa na jama'a da kiyaye muhalli.

13/10/2026

DA DUMI-DUMI: INEC ta bayyana dalilin cire wasu ’yan takarar gwamna daga jerin sunayen da ta fitar

Hukumar zaɓe mai zaman kanta ta kasa (INEC) ta bayyana cewa ta cire wasu ’yan takarar gwamna daga jerin sunayen waɗanda za su fafata a zaɓen 2027 saboda jam’iyyunsu sun gaza miƙa rajistar mambobinsu k**ar yadda Dokar Zaɓe ta 2026 ta tanada.

INEC ta bayyana hakan ne a cikin wata sanarwa da ta fitar ranar Talata, inda ta ce ta ɗauki matakin ne bisa hukuncin Kotun Ƙoli na ranar 24 ga Satumba, 2026, wanda ya tabbatar da cewa wajibi ne dukkan jam’iyyun siyasa su miƙa rajistar mambobinsu kafin gudanar da sahihin zaɓen fitar da gwani.

A rahoton da Daily Nigerian Hausa ta wallafa, Hukumar ta ce Kotun Ƙolin ta kuma tabbatar da cewa jam’iyyun da s**a gaza bin wannan doka ba su cancanci tsayar da ’yan takara a zaɓen ba.

Sai dai INEC ta bayyana cewa jerin sunayen ’yan takarar shugaban ƙasa da na Majalisar Dokoki ta Ƙasa an riga an fitar da su tun ranar 12 ga Satumba, kwanaki 13 kafin hukuncin Kotun Ƙolin.

Sanarwar, wadda Kwamishinan INEC kuma Shugaban Kwamitin Yaɗa Labarai da Wayar da Kan Masu Zaɓe, Mohammed Kudu Haruna, ya sanya wa hannu, ta ce jam’iyyun da ke ganin an cire sunayen ’yan takararsu bisa kuskure suna da damar sanar da hukumar cikin kwanaki 14.

INEC ta ce wa’adin sanar da ita game da irin wannan ƙorafi zai ƙare ne ranar 24 ga Oktoba, 2026, tare da jaddada aniyarta ta tabbatar da gaskiya, bin doka da sahihancin zaɓe.

08/10/2026

Jirgin NAF ya yi saukar gaggawa a gonaki a Benue

Rundunar sojin Sama ta Najeriya (NAF) ta ce wani jirginta mai saukar ungulu ya yi saukar kariya (precautionary landing) a wata gona a jihar Benue, bayan kammala wani samame na tallafa wa dakarun kasa wajen yakar masu garkuwa da mutane.

Shaidun gani da ido sun ce jirgin ya sauka a wata gona da ke yankin Utur Tse-Igboji, a Makurdi, babban birnin jihar.

Daraktan hulda da jama’a da yada labarai na NAF, Ehimen Ejodame, ya bayyana a cikin wata sanarwa ranar Laraba cewa an gudanar da aikin ne a kan wasu da ake zargi da yin garkuwa da mutane a karamar hukumar Ogbadigbo, kusa da iyakar Benue da Enugu.

A cewar rundunar, aikin ya kawo cikas ga ayyukan masu laifin tare da taimaka wa dakarun kasa wajen ci gaba da kutsawa yankin.

Ejodame ya ce bayan kammala aikin, matukin jirgin ya yi amfani da kwarewarsa wajen yin saukar kariya mai nisan kusan mil 10 daga filin saukar jirgin, bisa ka’idojin tsaro da ake bi bayan gudanar da ayyukan yaki.

Ya kara da cewa jirgin ya koma sansaninsa lafiya.

Lamarin ya faru ne kwanaki biyu kacal bayan hatsarin wani jirgin NAF a Igbokoda, karamar hukumar Ilaje ta jihar Ondo, inda mutane 25 da ma’aikatan jirgin bakwai ke cikinsa.

05/10/2026

Shugaban kasa Bola Ahmad Tinubu ya aiyana zaman makoki na kwanaki uku a ƙasa baki ɗaya saboda mutuwar jami’an rundunar sojin sama da hatsarin jirgi ya rusta da su a jihar Ondo.

Shugaban ya kuma bayar da umarnin sauke tutocin Najeriya kasa-kasa a duk faɗin kasar , domin girmama jami’an da s**a rasa rayukansu.

Jirgin sojin kirar ATR-42 ya yi hatsari ne a kusa da sansanin sojin ruwa da ke yankin Igbokoda na jihar Ondo, yayin da yake kan hanyarsa daga Benin da ke jihar Edo zuwa Legas.

Jirgin na ɗauke da fasinjoji 25 da ma’aikatan jirgin bakwai.

A cikin saƙon ta’aziyyarsa ga babban Hafsan sojin sama, Air Marshal Sunday Kelvin Aneke, da sauran jami’an rundunar, shugaba Tinubu ya bayyana hatsarin a matsayin babban rashi ga rundunar sojin da kasa baki ɗaya.

Hakazalika shugaba Tinubu ya kuma umarci rundunar da ta gudanar da cikakken bincike domin gano musabbabin hatsarin da kuma ɗaukar matakan da za su hana sake faruwar irin hakan.

Kabo Reporters

26/10/2026

26/10/2026

20/10/2026

17/10/2026

16/10/2026

15/10/2026

14/10/2026

13/10/2026

08/10/2026

05/10/2026

Address

Website

Alerts

Shortcuts

Share

Nearby government services

Other Kano government services

Listing takedown request