Kungiyar Hadin Kan Masallatan Dorayi da Chiranchi

Kungiyar Hadin Kan Masallatan Dorayi da Chiranchi Contact information, map and directions, contact form, opening hours, services, ratings, photos, videos and announcements from Kungiyar Hadin Kan Masallatan Dorayi da Chiranchi, Library, Kano.

ALKAWARI KO GASKIYA ?Tambayar da Jama'a Ke Jiran Amsa Akai!An bayyana cewa an yiwa wata ƙungiya alkawarin bayar da gudum...
01/06/2026

ALKAWARI KO GASKIYA ?

Tambayar da Jama'a Ke Jiran Amsa Akai!

An bayyana cewa an yiwa wata ƙungiya alkawarin bayar da gudummawar kuɗi har Naira 200,000 domin tallafa wa wani muhimmin al'amari daya taso mata.

Saidai daga baya, a cewar masu ƙorafin, an samu rashin tabbas game da batun isar da kuɗin, lamarin daya haifar da tambayoyi da damuwa a tsakanin mambobin ƙungiyar.

ABUBUWAN DA AKE NEMAN BAYANI AKAI:
✓ Shin an cika alkawarin da akayi?
✓ Me ya jawo rashin fahimta da ta biyo baya?
✓ Meyasa har yanzu ake ci gaba da cece-kuce kan wannan batu?
✓ Shin akwai wata hanya da za'a warware matsalar cikin adalci da mutunta juna?

SAKONMU GA JAMA'A
A duk lokacin da akayi alkawari, jama'a na sa ran ganin an cika shi cikin gaskiya da riƙon amana.

Muna kira ga dukkan masu ruwa da tsaki dasu fito suyi cikakken bayani domin kawar da duk wata shakka da samar da fahimtar juna.

KUNGIYAR HAƊIN KAN MASALLATAN ƊORAYI DA CHIRANCHI KADDAMAR DA SHIRIN TALLAFIN NAMAN LAYYA NA SHEKARAR 2026 ƘARƘASHIN JAG...
29/05/2026

KUNGIYAR HAƊIN KAN MASALLATAN ƊORAYI DA CHIRANCHI

KADDAMAR DA SHIRIN TALLAFIN NAMAN LAYYA NA SHEKARAR 2026 ƘARƘASHIN JAGORANCIN MAI GIRMA FARFESA NU'UMAN HABIB

A ci gaba da ƙudirin Ƙungiyar Haɗin Kan Masallatan Ɗorayi da Chiranchi na kyautata rayuwar al'umma, Mai Girma Shugaban Ƙungiyar, Farfesa Nu'uman Habib, ya jagoranci aiwatar da gagarumin aikin raba naman layya a ranar Alhamis, 28 ga watan Mayu, 2026, wanda ya yi daidai da rana ta biyu ta gudanar da bukukuwan Babbar Sallah (Eid-el-Kabir).

A ƙarƙashin wannan tsari na musamman, Ƙungiyar ta yi nasarar rabar da nama na shanu manya guda biyu, gudumowa daga Nurul Yaqeen, inda aka gudanar da aikin rarraba naman ga mutane sama da guda sittin da biyar (65) da s**a ci gajiyar wannan shiri. Wannan gagarumin aiki ya gudana ne a tsanake, kiyaye doka, da oda a ƙarƙashin idon Shugabancin kungiyar da kuma sauran manyan jami'an Majalisar Zartarwa (EXCO).

Domin samun accountability, an raba wannan nama ga rukunoni daban-daban da s**a haɗa da:

Mambobi daga masallatai daban daban: Waɗanda suke ƙarƙashin inuwar masallatan da ke da rijista a hukumance da uwar ƙungiyar.

Zaurawa da Masu Ƙaramin Ƙarfi: Waɗanda masallatai daban-daban s**a tantance kuma s**a aiko da sunayensu musamman don amfana da shirin tallafin jin ƙai na ƙungiyar.

Mambobin Majalisar Zartarwa (EXCO): A matsayin karramawa ga namijin ƙoƙarin da s**a yi wajen sadaukar da lokacinsu don tabbatar da nasarar gudanar da wannan aiki. Wannan kungiya tana amfani da wannan dama wajen miƙa saƙon barka da Sallah ga daukacin mambobin ƙungiyar da kuma al'ummar Ɗorayi da Chiranchi baki ɗaya. Ƙungiyar kuma tana bada tabbacin cewa za ta ci gaba da bullo da kyawawan tsare-tsare don ci gaba da jin daɗin al'umma.

Allah Ya karɓi ibadunmu, Ya kuma ci gaba da haɗa kan al'ummar mu.

Aliyu Yahya Aliyu
(Shugaban Kwamitin Sadarwa / Mai Magana da Yawun Ƙungiyar)
Fadar Shugabancin Ƙungiyar Haɗin Kan Masallatan Ɗorayi da Chiranchi
Kano, Najeriya.
29 ga Mayu, 2026.

29/05/2026

Jiya kenan yayin da Shuwagabannin Ƙungiyar Haɗin Kan Masallatan Ɗorayi da Chiranchi suke duba aikin naman shanu biyu da ƙungiyar ta raba!

ƘUNGIYAR HAƊIN KAN MASALLATAN ƊORAYI DA CHIRANCHIKano, Najeriya.SAƘON BARKA DA BABBAR SALLAH (EID-UL-ADHA) ZUWA GA AL'UM...
27/05/2026

ƘUNGIYAR HAƊIN KAN MASALLATAN ƊORAYI DA CHIRANCHI
Kano, Najeriya.

SAƘON BARKA DA BABBAR SALLAH (EID-UL-ADHA) ZUWA GA AL'UMMAR ƊORAYI, CHIRANCHI, DA MUSULMI BAKI ƊAYA

Allahu Akbar, Allahu Akbar, Allahu Akbar, La ilaha illallahu, Wallahu Akbar, Allahu Akbar, wa lillahil hamd.
A madadin Shugabanni, Kwamitoci, da ɗaukacin mambobin Ƙungiyar Haɗin Kan Masallatan Ɗorayi da Chiranchi, muna miƙa kyakkyawan saƙon taya murna da barka da Babbar Sallah (Eid-ul-Adha) ga dukkanin al'ummar Musulmi na faɗin duniya, musamman al'ummar yankin Ɗorayi, Chiranchi da kewaye, da kuma Jihar Kano baki ɗaya.

Muna godiya ga Allah (S.W.T) da ya ba mu aron rai da lafiyar ganin wannan rana mai tarin albarka.
Wannan biki na Babbar Sallah, biki ne da ke tunatar da mu babban darasin sadaukarwa, biyayya ga mahalicci, tausayawa, da kuma kyauta. Saboda haka, muna kira ga al'ummar yankinmu masu hali da su ci gaba da kyakkyawar al'adar nan ta Musulunci wajen tuna da maƙwabta, marayu, zaurawa, da dukkan mabukata. Mu raba naman layya da sauran abubuwan jin daɗi domin kowa ya samu damar yin farin ciki a wannan rana.

Haka nan, ƙungiyar tana amfani da wannan dama domin jan hankalin ɗaukacin al'umma, musamman matasa, da su gudanar da bukukuwan Sallah cikin tsanaki, kwanciyar hankali, da bin doka da oda. A guji duk wani aikin assha ko abin da zai jefa tsaron yankunanmu cikin garari. Ƙungiyarmu za ta ci gaba da aiki kafaɗa-da-kafaɗa da jami'an tsaro, shugabannin al'umma, da masu ruwa da tsaki domin tabbatar da ɗorewar zaman lafiya da ci gaban yankinmu.

Muna yi wa dukkanin alhazanmu da ke gudanar da aikin Hajji a ƙasa mai tsarki addu'ar Allah ya karɓi ibadarsu, ya gafarta musu zunubansu, kuma ya dawo da su gida lafiya. Allah ya karɓi ibadunmu baki ɗaya, ya ba mu zaman lafiya da arziki mai albarka a Jihar Kano da Najeriya baki ɗaya.

Taqabbalallahu Minna Wa Minkum!
Kullu Am Wa Antum Bikhair!
Barka da Sallah!

Aliyu Yahya Aliyu
Shugaban Kwamitin Sadarwa,
Ƙungiyar Haɗin Kan Masallatan Ɗorayi da Chiranchi.
Zul-Hijjah, 1447 AH / Mayu, 2026.

23/05/2026

Bayan da ƴan daba s**a sare shi, wannan matashi yana roƙon gwamnati ta ɗauki nauyin aikin idonsa da karatunsa, sannan ya buƙaci ƴan sanda su gaggauta kamo masu laifin don bi masa haƙƙinsa.

Bidiyo, Abdulwahab Said Ahmad

ƘUNGIYAR HAƊIN KAN MASALLATAN ƊORAYI DA CHIRANCHI Laraba, 20 ga Watan Mayu, 2026,Muna sanar da al'umma cewa Ƙungiyar Haɗ...
20/05/2026

ƘUNGIYAR HAƊIN KAN MASALLATAN ƊORAYI DA CHIRANCHI
Laraba, 20 ga Watan Mayu, 2026,

Muna sanar da al'umma cewa Ƙungiyar Haɗin Kan Masallatan Ɗorayi da Chiranchi tana matuƙar jajantawa game da mummunan harin da ƴan daba s**a kai a daren shekaran jiya a yankin Kan Gada, Ramin Wawa (kan iyakar Ɗorayi da Chiranchi).

A wannan hari, sun jikkata mutane da dama, musamman wani matashi mai haƙuri kuma mai fama da lalura a fuskarsa mai suna Halifa (Na-gida), inda s**a sare shi a kansa s**a yi masa mummunan lahani.

Muna jajantawa Halifa da iyalansa da duk wanda abin ya shafa. Allah ya ba su lafiya.

Muna kira ga mahukunta da jami'an tsaro da su gaggauta ɗaukar mataki akan waɗannan ɓata-gari, kuma su kawo ƙarshen wannan masifa ta ƴan daba a yankunanmu da duk inda suke.

Muna kira ga al'umma da su ci gaba da kasancewa masu lura da kai rahoton duk wani motsi da ba a amince da shi ba ga jami'an tsaro.

Aliyu Yahya Aliyu
Shugaban Kwamitin Sadarwa.

19/05/2026

Kira da waɗanda abin ya shafa! Muhammad Ismail Ibrahim

01/05/2026

Assalamu Alaikum Warahmatullah Wabarakatuh,

Barka da Juma'a, wacce ita ce shugaba a cikin kwanaki, kuma wata babbar dama ce da Allah (SWT) ya ba mu domin yin bita da duba inda muka dosa a rayuwarmu ta duniya.
A madadin Ƙungiyar Haɗin Kan Masallatan Ɗorayi da Chiranchi, wannan wani gajeren saƙo ne na faɗakarwa da tsawatarwa ga zuciyata da zukatanku domin mu farka daga barcin gafala.

Tsawatarwa Kan Shagala da Duniya
Rayuwar duniya ta zama wani tsumma da muke riƙo da shi, muna mantawa cewa wata rana za mu bar shi. Allah (SWT) yana jan hankalinmu da wata aya mai girma da take girgiza zuciyar duk wanda ya yi imani:

"Ya ku waɗanda s**a yi imani! Ku ji tsoron Allah, kuma kowane rai ya duba abin da ya gabatar domin gobe (Lahira). Kuma ku ji tsoron Allah. Lallai Allah Mai ƙididdigewa ne ga abin da kuke aikatawa."
— (Suratul Hashr: 18)

Wannan ayar tana kiran mu ne da mu tambayi kanmu: Me muka tanada domin gobe? Goben nan, ba gobe Asabar ba! Ƙiyama, Idan muka mutu yau, wane irin sak**ako za mu iske?

Tsawatarwa Kan Haƙƙoƙin Jama'a da Zalunci
Muna rayuwa a lokacin da mutum ba ya damu da yadda yake neman kuɗi ko biyan buƙatarsa, koda kuwa zai cutar da ɗan uwansa ne. Annabi Muhammad (SAW) yana yin wani gargaɗi mai tsanani a cikin ingantaccen hadisi da Imam Bukhari ya ruwaito:

"Duk wanda yake da wani haƙƙi na ɗan uwansa a kansa na zalunci ko wani abu, to ya neme shi ya halasta masa (ya nemi yafiyarsa) a yau, kafin ranar da babu Dinari ko Dirhami (ranar Kiyama). Idan yana da wani aiki na gari za a ɗauka a bawa wanda ya zalunta, idan kuma bashi da shi, za a ɗauko zunuban wanda ya zalunta a ɗora masa."
— (Sahihul Bukhari.

'Yan uwa, mu guji cin haƙƙin makwabta, cin amana a kasuwanci, ko wulakanta na ƙasa da mu.

Tunatar wa ga Matasa
Ya ku matasa da sauran al'umma! Mafi yawan lokuta muna ganin k**ar muna da sauran lokaci a duniya ne, don haka muke ɓata lokaci a wuraren majalisu muna gulma ko aikata sabo.

Annabi (SAW) ya bamu maganin wannan cutar ta mantuwa inda yace:
"Ku yawaita ambaton mai yanke jin daɗi; wato Mutuwa."
— (Tirmidhi ya ruwaito, kuma ingantacce ne)

Mutuwa ba ta jiran sai mutum yayi tsufa ko yayi jinya. Tana zuwa ne a lokacin da ba a zata ba.

A ƙarshe, na na mai tunatar damu, mu yi amfani da wannan rana ta Juma'a wajen yawaita salati ga Annabi (SAW), karanta Suratul Kahf, da kuma komawa ga Allah da tuba na gaskiya. Mu gyara zamantakewarmu a tsakaninmu a nan Ɗorayi, Chiranchi da sauran unguwannin musulmi.
Ya Allah Ka bamu ikon aiki da abin da muka ji, Ka yafe mana zunubanmu, Ka sa mu cika da kyau da imani.

Allah ya sada mu da alkhairin wannan rana ta Juma'a.
Aliyu Yahya Aliyu
(Shugaban Kwamitin Sadarwa)

28/04/2026

Darasi daga wannan bidiyon: Muna kira na musamman ga 'yan uwa mata da su daina riƙe waya a hannu, musamman manyan wayoyin Android, a lokacin da suke tafiya a kan t**i. Mugu ba shi da k**a, don haka dole mu kiyaye. Tsira da lafiya shi ne babban arziki, domin wasu ɓarayin ba ƙarɓar wayar kawai suke yi ba, har da yi wa mutum mummunar illa a jiki. Allah Ya tsare mu, Ya kuma shirya masu wannan mummunar dabi'a. Amin ya Allah.

24/04/2026

Assalamu Alaikum.

Kungiyar Haɗin Kan Masallatan Ɗorayi da Chiranchi tana sanar da taronta na ƙarshen wata, wanda zai gudana gobe Asabar da ƙarfe 6:00 na safe in Allah Ya kaimu. A taimaka a yi shela a masallatai. Allah Ya ba da ikon halarta, Amin.
– Magatakarda Babba.

Address

Kano

Website

Alerts

Be the first to know and let us send you an email when Kungiyar Hadin Kan Masallatan Dorayi da Chiranchi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category