Kano State Consumer Protection Council

Kano State Consumer Protection Council Protecting Consumers Interest

KCPC Ta Sasanta Korafi Tsakanin Mai Saye da Kamfanin MAROOSH COCO BREAD Kan Wani Ssbani na kasuwanciHukumar Kare Haƙƙin ...
23/10/2026

KCPC Ta Sasanta Korafi Tsakanin Mai Saye da Kamfanin MAROOSH COCO BREAD Kan Wani Ssbani na kasuwanci

Hukumar Kare Haƙƙin Mai Saye ta Jihar Kano (KCPC) ta samu nasarar sasanta wani korafi da wani mai saye, mai suna Keymond Augustine, ya shigar kan kamfanin MAROOSH COCO BREAD da ke Kano, bisa zargin samun rashin jin dadi a biredin da ya saya

Mai korafin ya bayyana cewa ya sayi biredin ne a babban shagon Barakat, inda ya saba gudanar da siyayyarsa. Sai dai ya ce abin da ya gani a cikin biredin ya ba shi mamaki tare da fusata shi, lamarin da ya sa ya tuntubi kamfanin domin sanar da su abin da ya faru, amma hakan ya haifar da rashin fahimtar juna tsakaninsa da su

Bayan karɓar korafin, jami’in hukumar KCPC mai kula da irin waɗannan matsaloli ya gayyaci wakilan kamfanin domin jin ta bakinsu da tabbatar da gaskiyar lamarin.

Da yake mayar da martani, shugaban kamfanin biredin, Mista Maroosh, ya bayyana cewa abin da ya faru kuskure ne da ba su taɓa fuskantar irinsa a baya ba. Ya nemi afuwar mai korafin, tare da roƙonsa da ya yafe musu, yana mai tabbatar da cewa za su ɗauki matakan da s**a dace domin kauce wa sake faruwar irin wannan matsala.

Haka kuma, ya bai wa hukumar KCPC tabbacin cewa kamfanin zai ci gaba da kula da ƙa’idoji da dokokin da s**a shafi kare haƙƙin mai saye, musamman wajen tabbatar da inganci da tsaftar kayayyakin da suke samarwa.

Tun da farko, a nasa jawabin, Sakataren Zartarwa na hukumar KCPC, Dr. Ibrahim Garba Muhammad, ya bayyana cewa irin wannan sasanci na daga cikin hanyoyin da hukumar ke bi domin wayar da kan jama’a game da haƙƙoƙinsu a matsayin masu saye.

Ya jaddada cewa hukumar za ta ci gaba da kare haƙƙin masu saye ba tare da la’akari da girman ko ƙarancin kuɗin cinikin da s**a yi ba.

Dr. Ibrahim Garba Muhammad ya kuma yi kira ga kamfanoni, manyan shaguna da ƙananan masana’antu da su riƙa bin ƙa’idoji da dokokin da hukumar ta gindaya, domin tabbatar da ingancin kayayyaki da kare lafiyar masu saye.

Hukumar KCPC ta sake jaddada aniyarta ta tabbatar da cewa masu saye sun samu kayayyaki masu inganci da aminci, tare da kare su daga duk wani abu da zai iya cutar da lafiyarsu ko tauye haƙƙoƙinsu.

Dagq
Daraktan Wayar da Kai na Hukumar KCPC
Jamilu Mustapha yakasai

Hukumar KCPC ta yaba da kokarin wasu kamfanunuwa Guda Biyu bisa karbar Gyare Gyaren da ta basu a BayaKamfanonin sun had...
22/10/2026

Hukumar KCPC ta yaba da kokarin wasu kamfanunuwa Guda Biyu bisa karbar Gyare Gyaren da ta basu a Baya

Kamfanonin sun hada da Magnachem Nutrients Limited, wanda ke harkar tallatawa da rarraba magunguna, wanda yake a kan t**inClub Road,da kuma Tabarakallah Ventures, wani babban shagon sayar da kayayyaki da ke Rafin Dan Nana, Rijiyar Zaki, Jihar Kano.

Za a iya tunawa KCPC ta taɓa ziyartar waɗannan kamfanoni a ranar 29 ga Mayu, 2025, da kuma a watan Yuli na shekarar 2025, inda aka gano wasu kura-kurai da ba su dace da ƙa’idojin hukumar da kuma kare lafiyar masu saye a Kano ba.

Daga bisani, hukumar ta ba kamfanonin takardun umarnin gyara domin su ɗauki matakan gaggawa na bin ƙa’idojin da aka shimfiɗa.da zai dace da dokar da ta kafa KCPC

A yayin ziyarar bibiyar bin ƙa’idoji da aka gudanar a yau, tawagar binciken ta nuna gamsuwarta da ci gaban da kamfanonin s**a samu wajen gyara kura-kuran da aka gano a baya.

Tawagar ta yaba wa shugabannin kamfanonin bisa ɗaukar matakan gaggawa da s**a dace wajen bin umarnin hukumar, tare da buƙatar su ci gaba da ba da fifiko ga kare lafiyar jama’a a dukkan harkokin kasuwancinsu.

A nasu ɓangaren, shugabannin kamfanonin sun nuna godiyarsu ga tawagar binciken bisa abin da s**a bayyana a matsayin kyakkyawar gudummawa da gyara. Sun kuma yi alƙawarin ci gaba da bin dokoki da ƙa’idojin kare haƙƙin masu saye.

Da yake karin Haske kan lamarin Sakataren Zartarwar Hukumar ta KCPC ya yabawa kokarin kamfanunuwan yana mai cewa hakan shi ne Bukatar hukumar kare hakkin mai saye

Ya kuma bukaci sauran kamfanunuwa da shaguna da suyi koyi da su

Hukumar Kare Haƙƙin Mai Saye ta Jihar Kano (KCPC) ta rufe wasu rumbunan ajiyar hatsi a Kasuwar Dawanau da ke Ƙaramar Huk...
19/10/2026

Hukumar Kare Haƙƙin Mai Saye ta Jihar Kano (KCPC) ta rufe wasu rumbunan ajiyar hatsi a Kasuwar Dawanau da ke Ƙaramar Hukumar Dawakin Tofa a Jihar Kano, sak**akon zargin amfani da maganin ƙwari wajen adana wake, lamarin da ka iya jefa lafiyar masu sayen kayan cikin haɗari.

A wata Sanarwa da Daraktan wayar da kai na Hukumar ya aikowa Hausa Digest ya ce
Daraktan Sashen Sintiri na Hukumar, Malam Auwalu Muhammad, ya bayyana cewa matakin ya biyo bayan wani rahoto da Hukumar ta samu, wanda ke zargin wasu ’yan kasuwa da sanya maganin ƙwari a cikin wake, abin da ya saba wa dokokin kare haƙƙin mai saye da kuma ka’idojin tabbatar da lafiyar kayayyakin da ake sayarwa.

Ya ƙara da cewa Hukumar tana yin duk mai yiwuwa wajen tabbatar da cewa ba a cutar da al’umma ta hanyar sayar musu da kayayyakin da ka iya zama barazana ga lafiyarsu ba, musamman kayayyakin abinci da aka yi amfani da sinadarai masu haɗari wajen adanawa.

Tun da farko, a nasa jawabin jim kaɗan bayan kammala rufe rumbunan, Sakataren Zartarwa na Hukumar, Dr. Ibrahim Garba Muhammad, ya bayyana ƙudirin Hukumar na tabbatar da cewa duk wani ɗan kasuwa ya bi dokokin da aka shimfiɗa domin kare lafiyar al’umma.

Dr. Ibrahim Garba Muhammad ya kuma buƙaci al’ummar Jihar Kano da su ci gaba da marawa Hukumar baya wajen yaƙi da duk wani gurɓataccen ko mai haɗari da ake shirin kai wa kasuwa domin sayarwa, yana mai jaddada cewa haɗin kan al’umma zai taimaka wajen kare lafiyar masu sayen kayayyaki a faɗin jihar.

Haka kuma, ya jaddada muhimmancin haɗa ƙarfi da ƙarfe da ƙungiyoyin ’yan kasuwa da ke faɗin Jihar Kano domin dakile wannan mummunar ɗabi’a da kuma tabbatar da cewa ana bin ƙa’idojin da s**a dace wajen adana kayayyakin abinci.

A ƙarshe, Dr. Ibrahim Garba Muhammad ya gode wa Gwamnatin Jihar Kano bisa haɗin kai da cikakken goyon bayan da take bai wa Hukumar wajen gudanar da ayyukanta na kare haƙƙin masu saye da tabbatar da ingancin kayayyakin da ake sayarwa a fadin Jihar kano.

Kano State Consumer Protection Council .

19/10/2026

Tattaunawa da Sakataren Zartarwar Hukumar kare Hakkin Mai Saye ta jahar kano Dr Ibrahim G. Muhammad ya yi da jaridar Business point akan Ayyukan Kano State Consumer Protection Council da Kuma yadda maaikatar ke aiki wajen dakile shigo da gurbatattun kayayyaki daka iya cutar da alumma Kai tsaye.

HUKUMAR KARE HAKKIN MAI SAYE TA JIHAR KANO TA UMARCI MASU SANA’AR SAYAR DA RUWAN SHA NA ROBa DA SU KARE SHI DAGA ZAFIN R...
16/10/2026

HUKUMAR KARE HAKKIN MAI SAYE TA JIHAR KANO TA UMARCI MASU SANA’AR SAYAR DA RUWAN SHA NA ROBa DA SU KARE SHI DAGA ZAFIN RANA

Hukumar Kare Haƙƙin Mai Saye ta Jihar Kano ta buƙaci masu sana’ar sayar da ruwan sha na roba (Pure Water) da suke ajiye kayansu a gefen t**i ba tare da kariya daga zafin rana ba, da su gaggauta gyara wannan dabi’a domin kauce wa fuskantar matakan hukuma.

Wannan na cikin wani shirin wayar da kai da hukumar ta gudanar domin faɗakar da masu sana’ar sayar da ruwan sha a gefen titunan Jihar Kano kan muhimmancin kiyaye ingancin kayayyakin da suke sayarwa ga al’umma.

Da yake jawabi yayin rangadin wayar da kan, Daraktan da ke kula da Ingancin Kayayyaki na hukumar, wanda ya jagoranci tawagar, ya bayyana cewa ajiye ruwan sha na roba a ƙarƙashin zafin rana na tsawon lokaci na iya haifar da matsala ga ingancinsa, musamman idan zafin ya shafi kwalin roba da ke ɗauke da ruwan wanda hakan ke futar da wani Sinadari da ke koma cikin ruwan.

Ya bayyana cewa saboda haka, ya zama wajibi ga masu sana’ar su samar da wuraren ajiya masu kariya daga zafin rana domin kiyaye ingancin ruwan da kuma kare lafiyar masu amfani da shi.

Ya ƙara da cewa ɗaya daga cikin muhimman ayyukan hukumar shi ne kare haƙƙin masu saye ta hanyar tabbatar da ingancin kayayyaki, duba wa’adin ƙarewarsu da kuma hana duk wani sauyi da zai iya jawo illa ga ingancinsu.

Ya jaddada cewa hukumar ba za ta yi ƙasa a gwiwa ba wajen ɗaukar matakan da s**a dace a kan duk wanda aka samu yana karya dokokin da aka shimfiɗa domin kare masu saye.

A nasa ɓangaren, Sakataren Zartarwa na hukumar, Dr. Ibrahim Garba Muhammad, ya bayyana cewa hukumar za ta ɗauki matakan da s**a dace a kan duk masu sana’ar da s**a ƙi bin umarnin da aka ba su, ciki har da gurfanar da waɗanda s**a aikata laifi a gaban kotu da kuma rufe wuraren sana’arsu bisa tanadin doka.

Ya kuma yaba wa Gwamnatin Jihar Kano ƙarƙashin jagorancin Gwamna Abba Kabir Yusuf bisa goyon baya da damar da ta bai wa hukumar wajen gudanar da ayyukanta na kare haƙƙin masu saye a faɗin jihar.

A ƙarshe, ya yi kira ga ’yan kasuwa da su riƙa bin dokokin saye da sayarwa tare da tabbatar da ingancin kayayyakin da suke sayarwa, yana mai cewa yin hakan zai taimaka wajen kare lafiyar al’umma da kuma bunƙasa sana’o’in nasu

Daga:
Jamilu Mustapha Yakasai
Daraktan Wayar da Kai
Hukumar Kare Haƙƙin Mai Saye ta Jihar Kano (KSCPC)

Daga KCPC07/10/2026CIBIYAR HORARWA KAN YAKI DA CIN HANCi DA RASHAWA TA KANO TA KAI ZIYARAR ƘARFAFA HAƊIN GWIWA GA KCPCCi...
07/10/2026

Daga KCPC
07/10/2026

CIBIYAR HORARWA KAN YAKI DA CIN HANCi DA RASHAWA TA KANO TA KAI ZIYARAR ƘARFAFA HAƊIN GWIWA GA KCPC

Cibiyar Yaki da Cin Hanci da Rashawa ta Kano ta kai ziyarar ƙarfafa haɗin gwiwa ga Hukumar Kare Haƙƙin Mai Sayayya ta Jihar Kano (KCPC), domin ƙara fahimtar juna da kuma samar da haɗin gwiwa wajen inganta ayyukan hukumomin biyu.

Da take jawabi yayin ziyarar, Shugabar Cibiyar, Hajiya Rahma Mallam Alhani, Esq., ta bayyana cewa sun kawo ziyarar ne domin gabatar da kansu tare da sanar da Hukumar irin ayyukan da Cibiyar ke gudanarwa, musamman wajen horar da ma’aikata da wayar da kansu kan hanyoyin kauce wa cin hanci da rashawa.

Ta ce Cibiyar tana aiki ne wajen koyar da gaskiya da adalci, inganta kyakkyawan shugabanci, da kuma taimakawa wajen kawar da cin hanci da rashawa a cikin al’umma.

A nasa jawabin, Sakataren Zartarwa na Hukumar KCPC, Dr. Ibrahim Garba Muhammad, ya bayyana jin daɗinsa bisa wannan ziyara, yana mai cewa haɗin gwiwar zai ƙara wa ma’aikatan Hukumar ƙwarin gwiwa wajen gudanar da ayyukansu bisa gaskiya, riƙon amana da bin ƙa’idojin aiki.

Dr. Ibrahim Garba Muhammad ya kuma bayyana wa tawagar Cibiyar irin ayyukan da Hukumar ke gudanarwa, musamman yaƙi da gurbatattun kayayyaki, kayayyakin da wa’adin amfani da su ya ƙare, da kuma shiga tsakani wajen sasanta rikice-rikicen ciniki tsakanin masu saye da masu sayarwa domin samar da mafita mai kyau.

Ya kuma gode wa Gwamnatin Jihar Kano bisa kafa Cibiyar Yaki da Cin Hanci da Rashawa a jihar, ƙarƙashin jagorancin Hajiya Rahma Mallam Alhani, Esq., yana mai cewa nadin nata ya zo a lokacin da ya dace.

A ƙarshe, Dr. Ibrahim Garba Muhammad ya yi alƙawarin cewa Hukumar KCPC za ta yi aiki kafada da kafada da Cibiyar, musamman wajen gudanar da horo da wayar da kan ma’aikatan Hukumar domin ƙara inganta ayyukansu da tabbatar da bin ƙa’idojin gaskiya da riƙon amana.

Daga
Jamilu Mustapha Yakasai
Daraktan Wayar da Kai da Ilimantarwa KCPC

KCPC TA DUBA INGANCI DA NAUYIN JARKOKIN MAN GIRKI A KASUWAR GALADIMAHukumar Kare Haƙƙin Masu Sayayya ta Jihar Kano (KCPC...
26/09/2026

KCPC TA DUBA INGANCI DA NAUYIN JARKOKIN MAN GIRKI A KASUWAR GALADIMA

Hukumar Kare Haƙƙin Masu Sayayya ta Jihar Kano (KCPC) ta gudanar da aikin duba inganci da nauyin jarkokin man girki da wasu ’yan kasuwa ke sayarwa a Kasuwar Galadima da ke Kano.

An gudanar da aikin ne domin tabbatar da cewa ana bin ƙa’idoji da dokokin da s**a shafi kare haƙƙin masu sayayya, tare da duba tsaftar wuraren da ake gudanar da sana’ar, domin kare lafiyar al’umma.

Da yake jawabi, Sakataren Zartarwar Hukumar, Dr. Ibrahim G. Muhammad , ya bayyana cewa Hukumar za ta ci gaba da yin duk mai yiwuwa wajen tabbatar da kare haƙƙin masu sayayya da kuma tabbatar da cewa kayayyakin da ake sayarwa suna da inganci.

Ya buƙaci al’umma da su riƙa sanya ido tare da kula da dukkan kayayyakin da suke saya, musamman kayayyakin abinci, yana mai cewa rashin kulawa daga masu sayayya na iya ba da dama ga wasu ’yan kasuwa marasa gaskiya su gurɓata ko su sauya ingancin kayayyaki.

Dr. Ibrahim Garba Muhammad ya kuma yabawa Gwamnatin Jihar Kano bisa irin goyon baya da gudunmawar da take bai wa Hukumar wajen tabbatar da kare haƙƙin masu sayayya da kuma ɗaukar matakan da s**a dace kan duk wani laifi da ya shafi masu sayayya.

A ƙarshe, ya ja hankalin masu harkar man girki da su marawa Hukumar baya wajen yaƙi da gurbatattun kayayyaki da kuma bin ƙa’idojin da aka gindaya, domin kare lafiyar al’ummar Jihar Kano.

Daga:
Jamilu Mustapha Yakasai
Daraktan Wayar da Kai na Hukumar KCPC

KCPC TA SAKE ZIYARTAR KASUWAR ’YAN LEMO DOMIN BIBIYAR GYARAN DA AKA BA SUA kokarin da Hukumar Kare Haƙƙin Masu Sayayya t...
25/09/2026

KCPC TA SAKE ZIYARTAR KASUWAR ’YAN LEMO DOMIN BIBIYAR GYARAN DA AKA BA SU

A kokarin da Hukumar Kare Haƙƙin Masu Sayayya ta Jihar Kano (KCPC) ke yi na bibiyar matakan gyaran da take bayarwa ga ’yan kasuwa, Sakataren Zartarwa na Hukumar, Dr. Ibrahim G. Muhammad, ya sake kai ziyara Kasuwar ’Yan Lemo domin duba irin gyaran da aka samu, musamman kan umarnin da Hukumar ta bayar na dakatar da amfani da sinadaran kabaid da ake amfani da su wajen saurin nunar da kayan marmari.

Da yake jawabi a gaban shugabannin ƙungiyar, Dr. Ibrahim Garba Muhammad ya bayyana cewa bibiyar irin waɗannan kasuwanni bayan ba su umarnin gyara na da matuƙar muhimmanci, domin tabbatar da cewa an samu cikakken gyara tare da kiyaye haƙƙin masu sayayya.

Ya ja hankalin shugabannin ƙungiyar ’yan kayan marmari, musamman masu sayar na ’yan lemo, da su tabbatar da cewa sun guji amfani da duk wani sinadari wajen saurin nunar da kayan marmari, yana mai cewa yin hakan ya saba wa ƙa’idoji da dokokin kare haƙƙin mai saye.

Ya kuma tabbatar musu da cewa Hukumar a shirye take ta taimaka wa ƙungiyar wajen tabbatar da bin doka, musamman idan aka samu wani daga cikin mambobin da ya ƙi bin umarnin da aka bayar na daina amfani da sinadain na kabaid

A nasa jawabin, Shugaban Ƙungiyar Masu Sayar da Kayan Marmari na ’Yan Lemo, Malam Safiyanu Abdullahi, ya bayyana jin daɗinsa kan ziyarar da Hukumar ta sake kai musu, yana mai cewa kasancewar jami’an Hukumar a kasuwarsu zai taimaka wajen ƙarfafa ƙungiyar a yaƙi da amfani da sinadaran da ba su dace ba.

Malam Safiyanu ya kuma jaddada cewa mambobin ƙungiyar suna ƙoƙarin kauce wa amfani da duk wani sinadari wajen saurin nunar da kayan marmari. Ya ce idan s**a k**a wani da ke amfani da irin waɗannan sinadarai, a shirye suke su miƙa shi ga Hukumar domin ɗaukar matakin da ya dace.

A ƙarshe, ya gode wa Gwamnatin Jihar Kano da Hukumar KCPC bisa ƙoƙarin da suke yi na yaƙi da gurbatattun kayayyaki da kuma kare lafiyar masu sayayya a jihar Kano.

Daga:
Jamilu Mustapha Yakasai
Daraktan Wayar da Kai na Hukumar KCPC

KCPC TA SASANTA RIKICI TSAKANIN KAMFANIN BAJAJ DA MATUKIN ADAIDAITA SAHU KAN BATUN GARANTIN KAYANHukumar Kare Haƙƙin Mas...
24/09/2026

KCPC TA SASANTA RIKICI TSAKANIN KAMFANIN BAJAJ DA MATUKIN ADAIDAITA SAHU KAN BATUN GARANTIN KAYAN

Hukumar Kare Haƙƙin Masu Sayayya ta Jihar Kano (KCPC) ta shiga tsakani tare da sasanta wani rikici tsakanin kamfanin BAJAJ da wani matukin Adaidaita Sahu, biyo bayan ƙorafin da matukin ya shigar kan wata matsala da ta taso a babur ɗin da ya saya.

Lamarin ya faru ne bayan wani matukin Adaidaita Sahu mai suna Tasi’u Musa ya sayi babur ɗin BAJAJ da nufin amfani da shi wajen gudanar da aikinsa na ɗan lokaci ba tare da fuskantar matsala ba. Sai dai, ba da jimawa ba ya fara fuskantar matsala, duk da cewa babur ɗin na ɗauke da garanti (Guarantee) daga kamfanin.

Bayan samun ƙorafin, KCPC ta gayyaci wakilan kamfanin BAJAJ domin tabbatar da gaskiyar lamarin da kuma nemo mafita ga matsalar.
Bayan tattaunawa tsakanin ɓangarorin, an cimma matsaya da ta kai ga gyara da kuma tallafa wa matukin, domin ya samu damar ci gaba da gudanar da aikinsa.

Da yake jawabi a madadin kamfanin BAJAJ, Mal. Idris Ibrahim Yusuf, ya bayyana cewa kamfanin a shirye yake ya karɓi duk wata buƙata da ta shafi haƙƙin masu sayen kayayyakinsa, tare da tabbatar da cewa za a ɗauki matakan da s**a dace domin kauce wa sake faruwar irin wannan matsala.

Tunda farko anasa jawabin SakatarenHukumar ta KCPC ya jaddada muhimmancin masu sayayya su san haƙƙoƙinsu, musamman dangane da garanti, ingancin kaya da kuma damar neman mafita idan kayan da aka saya s**a samu matsala

Dr Ibrahim Garba ya kuma Godewa kamfanin BAJAJ Bisa fahimta da karbar Gyara da su kayi tare da bukatar kaucewa faruwar haka anan Gaba

Daga
Jamil mustapha yakasai
Darakatan wayar da kai na Hukumar

KCPC INSPECTS BOTTLED WATER AND CHILDREN’S DRINK MANUFACTURING COMPANIES IN SHARADAThe Kano State Consumer Protection Co...
22/09/2026

KCPC INSPECTS BOTTLED WATER AND CHILDREN’S DRINK MANUFACTURING COMPANIES IN SHARADA

The Kano State Consumer Protection Council (KCPC) has conducted an inspection visit to some manufacturing companies located in the Sharada area of Kano State, including companies engaged in the production of bottled water and children’s drinks commonly consumed by schoolchildren.

The inspection was carried out as part of the Council’s ongoing efforts to ensure that products manufactured and supplied to consumers comply with relevant laws, regulations, and required safety and quality standards.

During the visit, officials of the Council assessed the equipment and facilities being used by the companies, as well as the production processes and other requirements that must be met before such products are introduced into the market.

The Council called on the
manufacturers to ensure that their products are safe, properly produced, and compliant with all applicable regulatory requirements.

The inspection is also aimed at strengthening consumer protection, preventing the circulation of substandard or unsafe products, and safeguarding the health and interests of consumers across the State

Signed:
Jamilu Mustapha Yakasai
Director, Public Enlightenment
22-9-2026

Address

Kano

Website

Alerts

Be the first to know and let us send you an email when Kano State Consumer Protection Council posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Other Government Organizations in Kano

Show All