08/12/2025
Shugaban Karamar Hukumar Damaturu kuma Shugaban ALGON na Jihar Yobe, Hon. Bukar Adamu Hon. Bukar Adamu, ya jaddada muhimmancin bai wa lafiyar mata masu juna biyu, jarirai da kananan yara muhimmanci, yayin bikin kaddamar da zagaye na biyu na Mako na Kula da Lafiyar Mata, Jarirai da Kananan Yara (MNCHW) da State Outreach Days (SODs) da aka gudanar a cibiyar lafiya ta Nayi Nawa PHC.
Taron ya samu shirye-shiryen haɗin guiwar Ma’aikatar Lafiyar Jihar Yobe tare da Hukumar Kula da Lafiyar Farko ta Jihar Yobe (YSPHCMB) Yobe State Primary Health Care Management Board, wanda ya haɗa manyan jami’ai da masu ruwa da tsaki domin inganta kiwon lafiyar al’umma.
A jawabin maraba da ya gabatar, Hon. Bukar Adamu ya nuna godiya ga Gwamnan Jihar Yobe, Hon. Mai Mala Buni Mai Mala Buni, bisa jajircewarsa da goyon bayan da yake bai wa sashen lafiya a jihar. Ya ce wannan jajirci ya kawo gagarumin ci gaba wajen gina cibiyoyin lafiya da inganta sabis na kiwon lafiya, musamman a fannin kula da mata da yara.
Ya kuma bukaci dukkan bangarori masu ruwa da tsaki da su bayar da cikakken hadin kai a yayin wannan makon, yana mai cewa:
Hon. Bukar Adamu Yayi kira ga kowa da kowa da ya shiga cikin wannan muhimmin aiki. Mu yi aiki tare domin tabbatar da cewa mata, jarirai da kananan yara suna samun ingantattun sabis na lafiya.
Sakataren Hukumar Kula da Lafiyar Farko ta Jihar Yobe, Dr. Kundi Machina Dr. Kundi Machina, shi ne ya kaddamar da shirin a hukumance. A jawabinsa, ya jaddada cewa MNCHW da SODs na taka muhimmiyar rawa wajen faɗaɗa rigakafi, kare cututtuka, da kai sabis na lafiya ga jama’a a yankunan da s**a fi buƙata.
Kaddamarwar ta buɗe jerin ayyuka da s**a haɗa da:
Rigakafin yara
Dubar lafiyar mata da jarirai
Kimanta abinci mai gina jiki
Raba Vitamin A
Wayar da kan jama’a kan muhimmancin kiwon lafiya
Wannan yunƙuri ya tabbatar da jajircewar Gwamnatin Karamar Hukumar Damaturu tare da Gwamnatin Jihar Yobe wajen faɗaɗa damar samun kiwon lafiya da inganta walwalar iyalai a fadin jihar.
