08/05/2026
Mai Dakin Sanata Shehu Buba Ta Tallafawa Mata 200 Da Jari a Bauchi.
Mai dakin Sanata Shehu Buba, Hajiya Zainab Shehu Buba, ta kaddamar da wani shiri na tallafawa mata da jari domin karfafa musu gwiwa wajen dogaro da kai.
A cikin wannan sabon shiri, an tallafawa mata kimanin 200 da jari, wanda ake sa ran zai taimaka musu wajen fara kananan sana’o’i da bunkasa rayuwarsu.
Hajiya Zainab ta bayyana cewa, wannan ba shi ne karo na farko da take gudanar da irin wannan tallafi ba. A baya, ta taba tallafawa mata sama da 1000 masu juna biyu da kayan haihuwa, wanda darajarsa ta kai kusan naira 100,000 ga kowacce mace.
Ta kuma jaddada kudirinta na ci gaba da tallafawa mata a fadin yankin, inda ta yi alkawarin cewa za su ci gaba da aiki tare da su tun daga lokacin yakin neman zabe har zuwa lokacin mulki, idan har aka samu nasara.
Wasu daga cikin matan da s**a amfana da shirin sun nuna jin dadinsu tare da yabawa wannan kokari, suna mai cewa zai taimaka matuka wajen rage radadin talauci da kuma inganta rayuwar iyalansu.
MUJADDADI TV.
