Press, Deputy Gov. Office

Press, Deputy Gov. Office Official page of the Deputy Governor's Office Welcome to Muhammad Auwal Jatau page

Mai Girma Rt. Hon. Auwal Muhammad Jatau ya karɓi lambar yabo a madadin Mai Girma Sanata Bala Abdulkadir MuhammadMai Girm...
10/06/2026

Mai Girma Rt. Hon. Auwal Muhammad Jatau ya karɓi lambar yabo a madadin Mai Girma Sanata Bala Abdulkadir Muhammad

Mai Girma Mataimakin Gwamnan Jihar Bauchi, Rt. Hon. Auwal Muhammad Jatau, ya karɓi Lambar Yabo ta Ƙwarewa da Gagarumar Gudunmawa (Award of Excellence and Meritorious Service) a madadin Mai Girma Gwamnan Jihar Bauchi, Sanata Bala Abdulkadir Muhammad, CON, Kauran Daular Usmaniyya, daga Ƙungiyar Daliban Jinya da Ungozoma ta Jihar Bauchi (State Association of Student Nurses/Midwives, Bauchi State Chapter).

An bayar da wannan lambar yabo ne domin girmama irin gudunmawar da Gwamnan ya bayar da kuma jajircewarsa wajen bunƙasa harkokin lafiya, ilimin jinya da ungozoma, tare da ƙarfafa matasa a faɗin Jihar Bauchi.

An miƙa lambar yabon ne a yayin wani taro da ƙungiyar ta shirya domin karrama mutane da s**a taka muhimmiyar rawa wajen ci gaban harkokin jinya da ungozoma da kuma tallafa wa cigaban ɗalibai a wannan fanni a jihar.

GWAMNATIN BAUCHI TA KAFA KWAMITIN SULHUNTA RIKICHIN MAKIYAYA DA MANOMA A DARAZOGwamnatin Jihar Bauchi ta kafa kwamitin d...
09/06/2026

GWAMNATIN BAUCHI TA KAFA KWAMITIN SULHUNTA RIKICHIN MAKIYAYA DA MANOMA A DARAZO

Gwamnatin Jihar Bauchi ta kafa kwamitin da zai yi dubi tare da lalubo hanyar magance rikicin makiyaya da manoma a yankin karamar Darazo ta Jihar Bauchi.

Da yake kaddamar da kwamitin a gidan Gwamnatin Jihar Bauchi, Gwamna Bala Abdulkadir Muhammad wanda Mataimakin sa, Alhaji Auwal Muhammad Jatau ya jagoranci kaddamar war yace kwamitin an daura masa alhakin makonni hudu wato wata guda, daya gabatar da rahoton sa wa Gwamnatin Jihar Bauchi.

Kwamitin yana dauke da Mambobi sha biyar (15), karkashin jagorancin Khadi Abdullahi Yakubu Marafa (Marafan Bauchi)

JAM'IYYAR APM TA TABBATAR DA TAKARAR SANATAN BAUCHI TA AREWA WA HON. AUWAL JATAU,Jam'iyyar APM ta tabbatar da Maigirma M...
28/05/2026

JAM'IYYAR APM TA TABBATAR DA TAKARAR SANATAN BAUCHI TA AREWA WA HON. AUWAL JATAU,

Jam'iyyar APM ta tabbatar da Maigirma Mataimakin Gwamnan Jihar Bauchi Rt. Honourable Muhammad Auwal Jatau (Madugun Katagum) a matsayin dan takarar Sanatan Bauchi ta Arewa,

Mataimakin Gwamnan Jihar Bauchi, Rt. Hon. Auwal Mohammed Jatau, ya tabbatar wa al’ummar Mazabar Sanatan Bauchi ta Arewa cewa zai kasance wakili nagari mai faɗa a ji idan aka zaɓe shi zuwa Majalisar Dattawa.

Rt Hon Auwal Jatau ya ce zai tsaya tsayin daka wajen kare muradun jama’a, ya yi musu magana tare da tabbatar da wakilci na bai ɗaya domin samar da ci gaba mai ma’ana ga yankin.

Ya bayyana hakan ne jim kaɗan bayan mambobin jam’iyyar Allied Peoples Movement (APM) s**a tabbatar da tsayar da shi takara domin kujerar Sanatan Bauchi ta Arewa.

Mataimakin Gwamnan ya roƙi mambobin jam’iyya da magoya baya da su mara masa baya tare da sauran ‘yan takarar APM domin ci gaba da kyakkyawan shugabanci da ci gaba.

“Zan kasance Sanata ga kowa ba tare da wariya ba. Zan tafiyar da kowa tare domin tabbatar da ingantaccen wakilci,” in ji shi.

Mataimakin Gwamnan ya bayyana cewa gogewarsa a harkokin majalisa a matsayin tsohon Kakakin Majalisar Dokokin Jihar Bauchi da kuma tsohon ɗan Majalisar Wakilai za ta ba shi damar gabatar da kudurori da shawarwari masu amfani ga jama’a da za su amfanar da al’ummarsa.

An gudanar da aikin tabbatar da takarar ne ƙarƙashin sa idon jami’an Hukumar Zaɓe Mai Zaman Kanta ta Ƙasa (INEC) da shugabannin jam’iyya.

INNALILLAHI WA'INNAILAIHI RAJI'UN A daren jiya ne Allah yayi rasuwa ma Alkali Usman Ibrahim Sakwa wanda ya kasance daya ...
24/05/2026

INNALILLAHI WA'INNAILAIHI RAJI'UN

A daren jiya ne Allah yayi rasuwa ma Alkali Usman Ibrahim Sakwa wanda ya kasance daya daga cikin yan uwan Maigirma Mataimakin Gwamnan Jihar Bauchi His Excellency Rt. Hon. Mohammed Auwal Jatau, anyi jana'izar a safiyar yau kamar yadda addinin musulunci ya tanada. Ubangiji Allah ya jikan sa

BISMILLAHI RAHMANU RAHIMقُلِ ٱللَّهُمَّ مَٰلِكَ ٱلْمُلْكِ تُؤْتِى ٱلْمُلْكَ مَن تَشَآءُ وَتَنزِعُ ٱلْمُلْكَ مِمَّن تَشَ...
14/05/2026

BISMILLAHI RAHMANU RAHIM

قُلِ ٱللَّهُمَّ مَٰلِكَ ٱلْمُلْكِ تُؤْتِى ٱلْمُلْكَ مَن تَشَآءُ وَتَنزِعُ ٱلْمُلْكَ مِمَّن تَشَآءُ وَتُعِزُّ مَن تَشَآءُ وَتُذِلُّ مَن تَشَآءُ ۖ بِيَدِكَ ٱلْخَيْرُ ۖ إِنَّكَ عَلَىٰ كُلِّ شَىْءٍ قَدِيرٌ
— Surah Aal-Imran (3:26)

SCAM ALERT🚫⚠️
11/05/2026

SCAM ALERT🚫⚠️

📌
04/05/2026

📌

SANARWAR MANEMA LABARAI(OFISHIN MATAIMAKIN GWAMNA)MATAIMAKIN GWAMNAN BAUCHI, JATAU, YA FICE DAGA JAM’IYYAR PDP:Ya bi sah...
03/05/2026

SANARWAR MANEMA LABARAI

(OFISHIN MATAIMAKIN GWAMNA)

MATAIMAKIN GWAMNAN BAUCHI, JATAU, YA FICE DAGA JAM’IYYAR PDP

:Ya bi sahun Gwamna Bala zuwa jam’iyyar APM

Mataimakin Gwamnan Jihar Bauchi, Rt. Hon. Mohammad Auwal Jatau (Madugun Katagum), ya sanar da ficewarsa a hukumance daga jam’iyyar People's Democratic Party (PDP), wanda zai fara aiki daga ranar 1/05/2026.

A cikin wasikar da ya aika wa Shugaban PDP na mazabarsa ta Murmur ta Kudu, a karamar hukumar Zaki ta jihar, Jatau ya bayyana matuƙar godiyarsa ga jam’iyyar bisa dimbin damar da ta ba shi a tsawon shekaru domin ya yi hidima a fannoni daban-daban.

Ya ce: “Dandamalin PDP ya taka muhimmiyar rawa wajen gina tafiyar siyasa ta, tare da ba ni damar bayar da gudunmawa mai ma’ana ga ci gaban jiharmu da kasa baki ɗaya.

“Duk da haka, bayan zurfin tunani da kuma tuntubar jama’a da dama, na ga ya zama dole in dauki wannan mataki sakamakon rikicin da ya daɗe yana addabar jam’iyyar. Halin da ake ciki a yanzu, wanda ya bar jam’iyyar ba tare da cikakken shugabanci mai karfi da hadin kai ba, yana haifar da kalubale ga burin siyasa, zaman lafiya da ci gaban ‘ya’yanta.

“Na yi imanin cewa, a irin wannan yanayi, ci gaba da kasancewa a cikin jam’iyyar ba zai ba ni damar cimma burina na siyasa yadda ya kamata ba a nan gaba.”

Haka kuma, Rt. Hon. Mohammad Auwal Jatau ya bi sahun ubangidansa, Gwamna Bala Mohammad, inda ya koma sabuwar jam’iyyarsu ta Allied Peoples’ Movement (APM).

Mataimakin gwamnan ya taya gwamnan murna bisa wannan mataki na shiga jam’iyyar APM, yana mai alƙawarin bada cikakken goyon baya da hadin kai domin cimma manufofin da aka sanya a gaba.

A ƙarshe, Auwal Jatau ya umurci abokan siyasarsa, magoya bayansa da masu masa fatan alheri da su shiga wannan sabon tafiya, tare da bayar da gudunmawarsu domin nasarar jam’iyyar APM a zaben gama gari na shekarar 2027 mai zuwa.

Muslim Lawal
Mataimaki na Musamman (Kafafen Yada Labarai)
Ofishin Mataimakin Gwamna
Jihar Bauchi

BIKIN RANAR MA'AIKATA NA BANA:Maigirma Mataimakin Gwamnan Jihar Bauchi His Excellency Rt. Hon. Muhammed Auwal Jatau Madu...
01/05/2026

BIKIN RANAR MA'AIKATA NA BANA:

Maigirma Mataimakin Gwamnan Jihar Bauchi His Excellency Rt. Hon. Muhammed Auwal Jatau Madugun Katagum ya wakilci Maigirma Gwamna jihar Bauchi a bikin ranar Ma'aikata wanda aka saba gudanarwa a ranar daya ga watan Mayu na kowacce shekara, taron ya gudana ne a filin wasa na tunawa da marigayi Sir Abubakar Tafawa Balewa dake nan Bauchi

PHC BAUCHI:Gwamnatin Jihar Bauchi ta amince da ware jimillar naira miliyan dari biyar ga UNICEF a matsayin tallafin haɗi...
30/04/2026

PHC BAUCHI:

Gwamnatin Jihar Bauchi ta amince da ware jimillar naira miliyan dari biyar ga UNICEF a matsayin tallafin haɗin gwiwa na abinci mai gina jiki (nutrition matching grant) domin ayyukan wannan shekara.

Mataimakin Gwamnan Jihar, Alhaji Muhammad Auwal Jatau, ne ya bayyana hakan a taron kwata na farko na shekarar 2026 na Kwamitin Ayyuka kan Kiwon Lafiyar Farko na Jihar, wanda aka gudanar a Fadar Gwamnati da ke Bauchi.

Ya ce gwamnatin jihar za ta fitar da kudaden cikin gaggawa domin tallafawa shirin inganta abinci mai gina jiki na wannan shekara.

Mataimakin gwamnan ya tuna cewa a shekarar 2025, UNICEF da Gwamnatin Jihar Bauchi sun amince tare kuma s**a fitar da naira miliyan dari uku domin sayen kayan abinci mai gina jiki.

Ya bayyana cewa UNICEF ta mika kayan ga gwamnatin jihar, sannan aka rarraba su zuwa cibiyoyin kiwon lafiya a fadin jihar.

Alhaji Auwal Jatau ya kuma sanar da ci gaba da gyaran, ingantawa da kuma samar da kayan aiki a Asibitin Kwararru na Bauchi, wanda kudinsa ya kai naira biliyan goma sha tara.

Ya bukaci mahalarta taron da su bayar da sabbin dabaru tare da gabatar da hanyoyin magance matsaloli masu amfani domin ɗaga tsarin kiwon lafiyar farko zuwa mataki na gaba.

Haka kuma, Mataimakin Gwamnan ya yi kira ga shugabannin kananan hukumomi, sarakunan gargajiya da sauran masu ruwa da tsaki da su ƙara kaimi wajen sa ido da kuma ƙarfafa tsarin ɗaukar alhaki a matakin ƙasa.

Address

Government House
Bauchi
740001

Website

Alerts

Be the first to know and let us send you an email when Press, Deputy Gov. Office posts news and promotions. Your email address will not be used for any other purpose, and you can unsubscribe at any time.

Shortcuts

Share

Category