07/09/2026
Kienet sena ta’ sfidi, sagrifiċċji u deċiżjonijiet diffiċli, iżda fuq kollox kienet sena li fiha ltqajt ma’ eluf ta’ Maltin u Għawdxin li qasmu miegħi t-tamiet, it-tħassib u l-ħolm tagħhom.
Kull jum f’din ir-responsabbiltà jfakkarni li t-tmexxija mhijiex privileġġ, iżda wegħda ta’ servizz. Wegħda li nisma’. Li naħdem. Li nibqa’ niġġieled għal dak li nemmen fih, anke meta t-triq tkun iebsa.
Grazzi lill-familja tiegħi, lil sħabi fil-Partit u lil kull min emmen fija u baqa’ miexi magħna. Grazzi wkoll lil dawk li kkritikawni, għax għenuni nikber u nsir mexxej aħjar.
Għad fadlilna ħafna x’nagħmlu. Iżda llum, aktar minn qatt qabel, nemmen fis-saħħa tal-Partit Nazzjonalista u fil-ġejjieni ta’ pajjiżna.
B’umiltà f’qalbi u b’determinazzjoni akbar, inġedded il-wegħda tiegħi: li nibqa’ nagħti kulma għandi biex, flimkien, immexxu lil Malta ’l quddiem. 🇲🇹💙
