Wirt Iż-Żejtun

16/09/2026

Ix-xogħol ta' restawr fuq il-kwadru ta' San Ġużepp ta' Ġian Nikola Buhagiar mir-restawratur Brian Caruana jinsab għaddej b'rittmu tajjeb.

Il-kwadru tnaddaf mis-saffi ta' verniċ li kellu u l-ħmieġ li nġemgħa fuqu matul iż-żmien. Issa jibda t-tindif u r-restawr tat-tila minn wara u jinħadimlu tilar ġdid/

Dan huwa proġett li qed jiġi iffinanzjat mill-Arts Council Malta permezz tal-iSkema ta’ Finanzjament għar-Restawr.

Fil-ġimgħat li ġejjin se nkunu qed inkomplu naġġornawkom bil-progress fix-xogħol.

14/09/2026

In-Numru mija u tmienja u sebgħin (178) mis-sensiela "Nitfa Storja" - Niċċa tal-Kurċifiss (1)

17/08/2026

In-Numru mija u sebgħa u sebgħin (177) mis-sensiela "Nitfa Storja" - It-Torri Vendome

02/08/2026

Fil-jiem li għaddew ippreżentajna kopja tal-ktieb "Iż-Żejtun Citta' Beland - Our Heritage, Our Place, Our Life" miktub minn Vincent Zammit u b'fotografija ta' Daniel Cilia, sabiex jinżamm bħala referenza fil-Librerija Pubblika Ċentrali.

Ippreżentejna wkoll sittin kopja ta' l-aħħar pubblikazzjoni li għamilna, "The Old Parish Church of St Catherine Rediscovered" li fih ir-riċerka li ġiet preżentata waqt is-simpożju li sar is-sena li għaddiet.

Dmirna huwa dejjem li naqsmu u nxerdu l-għarfien dwar beltna.

25/07/2026

Din hija kanzunetta li kiteb Charles Seychell b'dedika lil għannej il-Budaj.

Awguri Charles għal mixja tal-llum.

Lill-Budaj hija kanzunetta mill-album TIFKIRIET TFULITI. Dan l-albu...

22/07/2026

Illum qed naqsmu magħkom l-ewwel kanzunetta li kiteb Charles Seychell mis-CD li għadu kemm ħareġ (is-cd seħħ bl-għajnuna tal-Kunsill Malti għall-Arti taħt l-iskema Micro Grant).

Nhar is-SIbt li ġej 25 ta' Lulju, il-ħabib tagħna Charles Seychell se jkun qed jimxi miż-Żejtun sad-Dar tal-Providenza, sabiex jiġbor fondi għal din id-Dar.

Inħeġġukom sabiex tagħmlu d-donazzjoni tagħkom.

Il-Bejjiegħa ta' Dari hija kanzunetta mill-album TIFKIRIET TFULITI....

20/07/2026

TIFKIRIET TFULITI – CD TA’ KANZUNETTI DWAR IŻ-ŻEJTUN TA’ L-IMGĦODDI

Ġie ppreżentat lil Kunsill is-cd TIFKIRIET TFULITI fil-preżenza tas-sindku Joan Agius. Dan is-cd jiġbor fiħ sitt kanzunetti miktuba mill-poeta u kantant folkloristiku Żejtuni Charles Seychell. Il-mużika għal dawn il-kanzunetti ġiet miktuba minn Frederick Camilleri u l-arranġamenti mużikali saru minn Augusto Cardinali fl-istudios tieghu. Id-Direttur Artistiku tal-proġett Anthony Ellul qal li dan is-cd seħħ bl-għajnuna tal-Kunsill Malti għall-Arti taħt l-iskema Micro Grant u l-kanzunetti jittrattaw diversi temi relatati ma’ tifkiriet tat-tfulija ta’ Charles. Fosthom insibu Karmnu l-Iskarpan, Il-Landier tal-Kantuniera, Fil-Ħanut tan-Nannu Tiegħi u kanzunetta ddedikata lill-għannej mibki Frans Baldacchino magħruf bħala I-Budaj. Din kienet il-holma ta’ Charles li l-poeżiji tieghu jiġu mmużikati. Issa bihom jista jferraħ lil tant nies waqt diversi attivitajiet kulturali u serati u bihom ifakkar mumenti minn tfulitu fiż-Żejtun. Għal din il-preżentazzjoni kien hemm preżenti ukoll is-Sur Ruben Abela President ta’ Wirt iż-Żejtun li ukoll saritlu preżentazzjoni tas-cd.

Matul il-ġranet li ġejjin se nkunu qed intellgħu dawn il-kanzunetti fuq il-paġna tagħna.

Prosit Charles u lit-tim kollu għal din l-inizjattiva.

18/07/2026

In-Numru mija u sitta u sebgħin (176) mis-sensiela "Nitfa Storja" - Espedito Deguara

18/07/2026

Il-bieraħ sebgħa u tlettin persuna attendew għall-attivita' Għall-Frisk taħt l-Art. Attivita' unika fejn matulha żorna diversi postijiet taħt l-art fiż-Żejtun, li b***a minnhom qatt ma nfetħu għall-pubbliku.

Issa nistrieħu għal ftit ġimgħat tas-sajf!

📷 Anthony Cassar