Ghazi Mohammed Harshim

24/04/2026

အားလုံးအတွက် မဟာပညာကျော်
သီရိပျံချီ အလ္လာမာ ဃာဇီ မုဟမ္မဒ် ဟာရှင်မ်
ရဟ်မသုလ် အလိုင်း(၁၉၁၇- ၁၉၉၃)
++++++++++++++++++++++++++++++++++

*မြန်မာမှာဆိုကြ
ဆရာရဲ့ ဂုဏ်ပုဒ်
သင်ဆရာ မြင်ဆရာ ကြားဆရာကွဲ့
ဂုဏ်အင် သုံးတန်နဲ့တိုင်း
ကြားဆရာလဲ သူ
မြင် ဆရာလဲ သူ
သင် ဆရာလဲ
သူ သူ သူပါပဲ
ဘယ်သူငြင်းနိုင်ပါအံ့နည်း။

+သုံးပန်လှ ဆရာတစ်ဆူဆိုလဲ သူပဲ
ပန်းဆိုတာ
သူ့အတွက်ပဲ ပွင့်ရိုး မရှိ
အားလုံးအတွက်ပါ ပွင့်ပေးရ
စေတနာသုံးတန်လှ
ပီတိကို စား
တစ်ပြားမရှိတဲ့
တပည့်တွေ များလှတဲ့ ဆရာ
ဪ...ဖယောင်းတိုင်ပမာ
သူ့ဘဝ မသက်သာ
အများကို အလင်းမပေးခင် အလျင်မှာ
သူကိုယ်တိုင်က ဦးစွာ လောင်ကျွမ်းရ။

+ပညာရှိကို ဂုဏ်ပြုတာ
ဒို့နဗီကြီးကို ဂုဏ်ပြုသည့် ပမာတဲ့။

+အာဝဇ္ဇာန်း ကောင်းတဲ့ ဆရာ
မာန် မာနအလျဉ်းကင်းတဲ့ ဆရာ
ဟန်ရေး ကြွယ်တဲ့ ဆရာ
တရားဟောလဲ ပိုင်
ကျမ်းတွေ တဝေဝေ ကလောင်စွမ်း ထက်ပေ့ဆရာ
တရားနာ ပရိသတ်ရဲ့
အသည်း နှလုံးကို လှုပ်ရမ်း
အရဗီ အသံက သာလှ
မြန်မာစကားအရာလဲ နိုင်
ပါဠိအရာလဲ ပိုင်
ဖာရစီ အူရဒူ အပြိုင် မြိုင်မြိုင်ဆိုင်ဆိုင်
ကဗျာဟန် စာဟန် အပြည့်
သံစဉ်ရယ် သာလှ။

စလယ်ဆုံး စွဲဆောင်သွားတဲ့ ဆရာ
တစ်ပုဒ်ဆို ဆိုသလောက်
တရားရသွားစေတဲ့ ဆရာ
ဟဒယ နှလုံး ရွှင်ပြုံးစေတဲ့ မဟာ ပညာကျော်
တပည့်ကျော်တွေ မမွေး
ဆရာစုံစုံကိုသာ မွေးထုတ်ပေးတဲ့ ဆရာ။

+တစ်ခေတ်မှာမှ တစ်ယောက်တည်း
အလံ မလဲတဲ့ သူ
အောင်လံ မလွဲတဲ့သူ
ဇမ္ဗူမှာ သူလိုလူ ပြိုင်စံရှား
သောင်းထိုက်က ကြား။

၂၂.၄.၂၀၂၆...ည ၆နာရီ ၁၅မိနစ်။

ဆရာ ဝါးခယ်မမောင်မင်းနိုင် ။

28/03/2026

Copy from Sayar U Min Naing .

ဝီဂါသူရဲကောင်းမ ရာဗီယာ ကဒီးရ်
++++++++++++++++++++++++++
ကမ္ဘာ့ဝီဂါ ကွန်ဂရက်စ်နှင့် ဝီဂါအမေရိကန်အသင်း၏ ဥက္ကဌဖြစ်သည်။အကြမ်းမဖက်ဝါဒကိုကိုင်စွဲ သစ္စာနှံထားသည်။ပြည်နယ်၏ တရားမဝင်သော ခေါင်း‌‌ေဆာင်ဟူ၍ သတ်မှတ်ခံရသူပင်။ကမ္ဘာ့ခေါင်းဆောင်တွေနှင့်ပုံမှန် ဆွေးနွေးခွင့် ရခဲ့သူဖြစ်သည်။သူ့ဘဝတစ်ခုလုံးကို ဝီဂါအရေးတွင်
မြုတ်နှံထားခဲ့သည်။

ဆင်းရဲလွန်းသဖြင့် လျှော်ဖွပ်ပင်းမင်းလုပ်ငန်း လုပ်ခဲ့ရသည်။စီးပွားရေးဘက်မှာ ကျွမ်းကျင်လိမ္မာခဲ့သဖြင့် စီးပွားရေးအင်ပါယာတစ်ခုကို တည်ထောင်ကာ ကျိကျိတက် ချမ်းသာလာခဲ့သည်။တရုတ်ပြည်တွင် သတ္တမမြောက် အချမ်းသာဆုံးစာရင်းဝင်ခဲ့သည်။ဓနဥစ္စာအရှိန်အဝါဖြင့် နာမည်သတင်းကျော်ဇောဂုဏ်သတင်း ကြီးခဲ့တာထက် ဝီဂါလူမျိုးတို့အရေးနှင့် လူ့အခွင့်အရေးဘက်မှာ ကြိုးပမ်းလှုပ်ရှားတိုက်ပွဲဝင်မှုနှင့် စတေးအနစ်နာခံ ဆောင်ရွက်မှုများကြောင့် ထင်ရှားကျော်ကြား လူသိများခဲ့သူပင်။သူ့လက်သုံးစကားက အာဏာရသူတွေဟာ အခုတော့ သူတို့ရဲ့မျက်နှာဖုံးတွေကို ခွာချလိုက်ပကောတဲ့။
တရုတ်တို့က ဝီဂါတွေကို လူမျိုးတုံးသတ်ဖြတ်ခဲ့သည်မှာ ယနေ့ထိ မပြီးဆုံးသေးပေ။ဝီဂါမြေက ရေနံသယံဇာတကြွယ်ဝလှသည်။ အပြစ်ရှာပြီး လောဘဖက်ကာ ဖိနှ်ိပ်ခဲ့သည်။ ဤ‌ ရေနံသယံဇာတက ဆော်ဒီအာရေဗျပြီးလျှင် ဒုတိယအကြီးမားဆုံးသော ရေနံသိုက်ကြီးဖြစ်သည်။ ဝီဂါအရေးမှာ အစိုးရနှင့် သဘေ ‌‌ထားကွဲလွဲခဲ့သဖြင့် လင်မယားနှစ်ယောက်စလုံး ထောင်ရှစ်နှစ်ကျခဲ့ရသည်။ဝါရှင်တန်စီတီးအနီးမှာ‌နေခဲ့‌သော်လည်း တရုတ်ပြည်မှာကျန်ခဲ့တဲ့ သားနှစ်ဉီးကို ဖမ်းဆီးထောင်ချခဲ့သည်။သမီးကိုတော့ အိမ်အကျယ်ချုပ်ချထားခဲ့သည်။

ဘဝကံကြမ္မာအလှည့်အပြောင်းတွေကြားမှ ကြုံခဲ့ရသရွေ့ လောကဓံမျိုးစုံကို အပြုံးမပျက်ဘဲ ခါးစီး
ရင်ဆိုင် ကြံ့ကြံ့ခံရပ်တည်ခဲ့သော ဝီဂါသူရဲကောင်းမကြီး ရာဗီယာကဒီးရ် အကြောင်းကို ရင်ဖိုလှိုက်မောစွာ ဖတ်ရှူရပါမည်။

ဝါးခယ်မမောင်မင်းနိုင်
ထွက်ပြီ။
ကျပ် သုံးသောင်းတိတိ။စာမျက်နှာ 470ကျော်၊မဂ္ဂဇင်းဆိုက်ကြီး။

20/02/2026

22/01/2026

ကိုယ်တိုင်ရေးရာဇဝင်(၃)