24/08/2023
"လူတိုင်းမှန်တယ်"
ဟုတ်တာပေါ့။ ဘယ်သူကများလွဲနေလို့လဲ?။ တစ်ယောက်နဲ့တယောက်၊ တစ်ဖက်နဲ့တစ်ဖက် ငြင်းကြရင် ဘယ်သူကများ ကျွန်တော်တို့၊ ကျွန်မတို့မှားပါတယ်လို့ ပြောဖူးလဲ။ ပြောတဲ့လူတွေလဲရှိပါတယ်(တချို့တဝက်ပေါ့)။ လူတိုင်းက သူတို့မှန်တဲ့အကြောင်းတွေပဲ ဥပမာတွေ၊ သာဓကတွေနဲ့သူတို့မှန်ပါတယ်လို့ရှင်းပြနေကြတာပဲမဟုတ်လား?။ ကျွန်တော့ ဦးလေးတစ်ယောက်ဆိုရင်ကြည့်။ တောင်သူလုပ်တယ်။ လုပ်တာမှ တရွာလုံး ဘသူမှမထကြသေးဘူး အစောထပြီး လယ်ထဲသွား။ ထွန်စရာရှိတာထွန်၊ အိမ်အပြန်နွားတွေကိုကျွေးဖို့ မြတ်တွေရိတ်။ အားရင်အိမ်အတွက် ထင်းခုတ်။ တောင်သူအလုပ်နဲ့ပတ်သက်ပြီး လုပ်တာမှစုံနေတာပဲ။ ဒါပေမယ့် သူကညနေဆိုရင်တော့မရဘူး။ သောက်တယ်စားတယ်။ နောက်ဆုံး အလုပ်တွေသေအောင်လုပ်တယ် ပင်ပန်းတော့ ညရောက်ရင်သောက်တယ်။ တဖြည်းဖြည်းနဲ့ ပင်ပန်းလို့သောက်ပီးအနားယူတာကစပြီး အရက်သမားလုံးလုံးဖြစ်သွားတယ်။ နောက်ဆုံး အရက်ကျေးကျွန်ဖြစ်ပီး ဘဝပါပျက်သွားတယ်။ အဲ့ဒါဘာကြောင့်လဲ?။
နောက်တစ်ယောက်က ကျွန်တော့ရုံးကအကိုတစ်ယောက်ပေါ့။ အရမ်းတော်တယ်။ ဘယ်ကိစ္စမဆိုသူမပါရင်မပြီးတဲ့အထိကို(ဒီနေ့ခေတ်မှာတောင်နော်) တော်တယ်။ သူလဲကျွန်တော့ဦးလေးလိုပဲ ညဆိုပင်ပန်းလို့ဆိုပီးသောက်တယ်။ တဖြည်းဖြည်း ညတင်မက မနက်လဲသောက် နေ့လဲသောက် ညလဲသောက်ဖြစ်သွားတယ်။ နောက်ဆုံး မသောက်ပဲအလုပ်လုပ်ရင် ဒူးတုန်လက်တုန်နဲ့ သောက်တလွဲတွေကြည့်ဖြစ်ကုန်ရော။
အဲ့အဖြစ်အပျက်ကိုကြည့် သူတို့ကိုဆုံးမကြတယ်။ အရက်သောက်တာမှားတယ်လို့ပြောပြကြတယ်။ အရက်ကျေးကျွန်ဖြစ်တာနမကောင်းဘူးဘာညာနဲ့ဆုံးမကြတယ်။ သူတို့ကအဲ့ဆုံးမတာတွေ၊ ပြောပြတာတွေကိုလက်မခံဘူး။ ဒီကောင်ဆရာကြီးလား?ဒီဘိုးတော်ကဆရာကြီးလား? စသဖြင့်ပြန်တုန့်ပြန်ကြတာပေါ့။ သူတို့ကိုယ်သူတို့ကြတော့ ပင်ပန်းလို့အနားယူချင်လို့သောက်တယ်လို့ယူဆထားတယ်။ တခြားလူအမြင်ကြတော့ အဲ့လိုလိုတွေသောက်တာ အလုပ်တွေလွဲချော်တယ်၊ အချိန်မီမပြီးစီးဘူး။ ကျွန်တော့ဆရာတစ်ယောက်ဆို အလုပ်တွေတော်တော်လုပ်တယ်။ တကယ်လဲ မနားမနေကြိုးစားပြီးလုပ်တယ်။ မနက်မိုးလင်းတာနဲ့ အလုပ်အကြောင်းတွေပဲခေါင်းထဲစုပြုံထဲ့ထားတယ်။ ဒါပေမယ့် သူ့မှာအကျင့်တခုရှိတယ်။ ဘယ်အလုပ်ပဲဖြစ်ဖြစ်မစခင် ငြီးတက်တာပဲ။ အလုပ်တွေကလဲကွာ တစ်ခုမပြီးသေးဘူးတစ်ခုကပေါ်လာပြန်ပီ။ စိတ်တွေညစ်လိုက်တာလို့အမြဲငြီးတယ်။ တစ်ရက်ကြတော့ ညနေခင်းကြီး ဆရာနဲ့ကျွန်တော် စကားလက်လုံပြောဖြစ်တာပေါ့။ ဒါနဲ့ကျွန်တော်လဲစကားလေးစလိုက်တယ်။ ဆရာရယ် အလုပ်တွေတော့အရမ်းလုပ်ပြီး၊ ဘယ်ကိစ္စမဆိုကောင်းအောင်လုပ်နေပြီး ဘာလို့ငြီးတာလဲလို့။ ဆရာကပြန်ပြောတယ်။ အဲ့လိုငြီးလိုက်ရင် စိတ်ထဲပေါ့သွားလို့တဲ့။ အဲ့မှာကြည့် သူ့ကိုကျွန်တော်ကငြီးလို့ဆိုပီးပြောတယ် သူကကြတော့ငြီးလိုက်ရင် စိတ်ထဲပေါ့သွားတယ်လို့ပြောတယ်။ ဘယ်လောက်ပဲဆိုးရွားတဲ့လူတွေမှားတဲ့လူတွေဖြစ်နေပါစေ ဘယ်တော့မှမှားပါတယ်လို့ဝန်ခံမှာမဟုတ်ဘူး။ ဒါသဘာဝပဲ။ သူတို့မှားတယ်လို့လဲပြောလို့မရဘူး။ သူတို့မှာလဲမာနဆိုတာရှိတဲ့အတွက် မှားမှန်းသိနေရင်တောင် အပြင်ပန်းမှာတော့ မှန်တယ်လို့ပဲပြောကြမှာပဲ။ အဲ့ဒိအတွက်လုပ်စရာတစ်ခုပဲရှိတယ် မှားတယ်လို့လူတွေက်ုအချက်အလက်တွေနဲ့ထောက်ပြပြောနေမယ့်အစား ကို့အတွေးနဲ့ကိုသူကြည့်တဲ့ရှုထောင့်ကြည့်ပေးလိုက်တာအကောင်းဆုံးပါပဲ။
