15/06/2026
"" အီႏလို့သွူ""
_______________
မွိုးစိုးဖါပန်၊
ဟံႏယာႏခြံ၊
ဝင်ꩻလင်လိုꩻမျိုꩻ လꩻပဲင်ႏထိုꩻ ။
ပအိုဝ်ႏဟံႏယာႏ၊
ဝင်ꩻနွို့ဆာႏ၊
ထီႏဗာႏခွိုꩻခွိုꩻ ဖေႏအငိုꩻ ။
စူတန်ရွဥ်သား ၊
တွမ်ႏကာꩻကျွား၊
လွဥ်ထွားဒေါ့ꩻရိုꩻ စာယိုꩻယိုꩻ ။
ကလာႏတွမ်ႏခယ်ႏ၊
မန်းယင်ကယ်ႏ၊
ဖောက်သယ်ႏချောက်ထိုꩻ ယွုမ်းတမွိုꩻ ။
သွို့ꩻခြံတခြာ ၊
တောက့်ꩻစာပါ၊
ယိုခါနီခွိုꩻ ပါꩻဝါးထိုꩻ ။
ကစာခိန်ႏခါႏ၊
ယူတောဝ်ႏငါႏ၊
ပိုတာႏအာႏကွိုꩻ သွီႏတန်ႏဖိုꩻ။
တလီꩻရွဥ်ထီ၊
ထွိုင်ႏတေင်သီ၊
ယာႏပီပြို့ꩻထိုꩻ ပဥ်ခွိုꩻခွိုꩻ ။
တငွို့တငွဥ်ႏ ၊
ဝင်ꩻအံႏထွဥ်ႏ ၊
တွို့ꩻကွဥ်ႏဝင်ꩻရိုꩻ ကူႏလီႏမျိုꩻ။
ပအိုဝ်ႏအုံစွူ၊
နီနွောင်ꩻသွူ၊
ဝင်ꩻခြူကယိုꩻ တွမ်ႏရွဥ်မျိုꩻ ။
သꩻဆာႏခရာႏ၊
နီဟံႏယာႏ၊
အုံတာႏအကျိုꩻ ငမ်းလို့ထိုꩻ။ ။
(အုံတာႏအကျိုꩻ လွစ်ꩻအာႏကွိုꩻ)။ ။
(အွဥ်ႏဒျာႏတန်ႏဖိုꩻ ထိန်ꩻထွားခန်း )။ ။
ကဗျာခမ်း(ချယ်ရီမြေ)
#ကဗျာခမ်း
Credit to the original owner
