ပြည်မြို့နယ် ပြည်သူ့အုပ်ချူပ်ရေးအဖွဲ့

29/08/2025

လေးစားရပါသော ညီအကိုမောင်နှမ များခင်ဗျာ

ယနေ့ ဩဂုတ်လ ၂၉ ရက်နေ့တွင် လူမှုကွန်ရက်စာမျက်နှာပေါ်၌ ဖြန့်ဝေပျံ့နှံ့လျှက်ရှိသည့် "ပြည်သူ့ကာကွယ်ရေးတပ်ဖွဲ့" ပြည်မြို့ အမည်ရှိ page မှာ အကောင့်အတုသာလျှင် ဖြစ်ပါသည်။

အမျိုးသားညီညွတ်ရေးအစိုးရ-NUG ၏ တရားဝင်ဖွဲ့စည်းပေးထားသည့် မိမိတို့၏ "ပြည်မြို့နယ် ပြည်သူ့ကာကွယ်ရေးအဖွဲ့" နှင့် လုံးဝသက်ဆိုင်ခြင်း မရှိပါ။

၎င်း Page မှာ မည်သည့်ရည်ရွယ်ချက်ဖြင့် မည်သူတွေက ဖွင့်ထားသည်ကို မသိရသေးသည့်အတွက် စုံစမ်းဖော်ထုတ်မှုများ ပြုလုပ်သွားမည် ဖြစ်ပါသည်။

ထို့အတွက်ကြောင့် ပြည်သူလူထုအနေနဲ့ တော်လှန်ရေးနှင့် သက်ဆိုင်သော အချက်အလက်များ သွားရောက်ပြောဆိုမေးမြန်းမှုများ၊ မပြုလုပ်ကြရန် အထူးသတိပေး ပန်ကြားလိုက်ပါသည်။

ထို့အပြင် အဆိုပါ Page အား ပြန်လည်ဝေမျှခြင်း(share)၊ မှတ်ချက်များရေးသားခြင်း(comment)၊ Like ပေးခြင်း တို့ မပြုလုပ်ကြပါရန် လုံခြုံရေးအရ အသိပေးအပ်ပါသည်။

Page အတု Link

https://www.facebook.com/profile.php?id=61579658564540&rdid=bFWNSXkMoCj0lSXl&share_url=https%3A%2F%2Fwww.facebook.com%2Fshare%2F1ETKWMLyKn%2F

လေးစားစွာဖြင့်
#ပြည်မြို့နယ်ပြည်သူ့ကာကွယ်ရေးအဖွဲ့

26/03/2025

#ငါတို့မှာငါတို့ပဲရှိတယ်

အာဏာရှင်အပြစ်ဖြတ်ရေးအတွက် လနက တော်လှန်ရေးဆင်နွှဲတဲ့နေရာမှာ ပြည်သူမပါရင်
ကျွန်တော်တို့ဘာမှလုပ်ခွင့်ရမှာမဟုတ်ပါဘူး။
အလားတူသဘောပါပဲ ပြည်သူလူထုဘေးအန္တရာယ်ကျရောက်လာခဲ့ရင်လဲကျွန်တော်တို့လက်ပိုက်ကြည့်နေလို့မရပါဘူး။
ပြည်သူကမွေးဖွားလိုက်တဲ့ကျွန်တော်တို့ဟာ လက်သည်းဆိတ်တော့လက်ထိပ်နာသလို ဘယ်သူထိထိကျွန်တော်တို့နာကျင်ရပါတယ်။
နာကျင်မှုပြေပျောက်ဖို့အလုံးစုံကျွန်တော်တို့မလုပ်နိုင်သေးပါဘူး။
သို့ပေသည့် တတ်နိုင်တဲ့ဘက် တထောင့်တနေရာစာဖြစ်ဖြစ်ကျွန်တော်တို့ပံ့ပိုးနိုင်သလောက်ပံ့ပိုးနေရမှာပါ။
ကျွန်တော်တို့အားလုံးတစ်သွေးတည်း တစ်သားတည်းတိုက်ထုတ်နိုင်မှသာအာဏာရှင်အပြစ်ပြတ်မှာပါ။
ပြည်သူလူထုအပေါင်းအနေဖြင့်လည်း သတိကြီးစွာနေထိုင်နိုင်ကြပြီး တတ်အားသ၍ပါဝင်ပေးကြဖို့အထူးတိုက်တွန်းလိုက်ရပါတယ်။

#အမျိုးသားညီညွတ်ရေးအစိုးရ
#ကာကွယ်ရေးဝန်ကြီးဌာန
#ပြည်မြို့နယ်ပြည်သူ့ကာကွယ်ရေးအဖွဲ့

19/03/2025

23/02/2025

ပြည်မြို့နယ်နှင့်ထိစပ်နယ်မြေများအတွင်းရှိ မိဘပြည်သူများခင်ဗျာ

လက်ရှိ စစ်ရေးအခြေအနေအရစစ်ကောင်စီသည် ပြည်သူလူထုအား စက်တပ်လေထီးများ လနကြီးများနှင့်ပါအသုံးပြုလာပြီဖြစ်ပါတယ်ခင်ဗျာ။

မိဘပြည်သူများအနေဖြင့် ဗုံးခိုကျင်းများ ကတုတ်ကျင်းများပြင်ဆင်ကြဖို့လိုအပ်လာပါပြီ။

သို့ဖြစ်ပါသောကြောင့် မိဘပြည်သူများအနေဖြင့် သတိထားကြဖို့နဲ့ လုံခြုံရေးအရ ဂရုစိုက်ပြင်ဆင်ကြဖို့ တိုက်တွန်းလိုက်ရပါတယ်ခင်ဗျာ။

#အမျိုးသားညီညွတ်ရေးအစိုးရ
#ကာကွယ်ရေးဝန်ကြီးဌာန
#ပြည်မြို့နယ်ပြည်သူ့အုပ်ချုပ်ရေးအဖွဲ့

12/02/2025

အကြမ်းဖက်စစ်တပ်နဲ့ စစ်အာဏာရှင်စနစ်ကသာ မြန်မာအရေးကိစ္စရဲ့ အဓိကဇစ်မြစ်ပြဿနာဖြစ်တယ်လို့ ကုလမှာ သံအမတ်ကြီး ဦးကျော်မိုးထွန်းပြောကြား
ဖေဖော်ဝါရီ ၁၂ ၊ ၂၀၂၅

မြန်မာအရေးကိစ္စမှာ အကြမ်းဖက်စစ်တပ်နဲ့ စစ်အာဏာရှင်စနစ်ကသာ အဓိကဇစ်မြစ်ပြဿနာဖြစ်ပြီး စဉ်ဆက်မပြတ် ရေရှည်ဖွံ့ဖြိုးတိုးတက်မှု ပန်းတိုင်များရရှိရေးအတွက် အတားအဆီးဖြစ်စေခဲ့တာလို့ နယူးယောက်မြို့၊ ကုလသမဂ္ဂဌာနချုပ် (၆၃) ကြိမ်မြောက် လူမှုဖွံ့ဖြိုးတိုးတက်ရေးကော်မရှင် အစည်းအဝေးမှာ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက မိန့်ခွန်းပြောပါတယ်။

မြန်မာအရေးကိစ္စပြဿနာရဲ့ ဇစ်မြစ်ကို ဖြေရှင်းခြင်းက အလွန်အရေးကြီးကြောင်းနဲ့ မြန်မာပြည်သူ များအနေနဲ့ စစ်တပ်နဲ့ စစ်အာဏာရှင်စနစ်ကို အပြီးတိုင် ချုပ်ငြိမ်းစေတဲ့ အဲဒီပြဿနာဇစ်မြစ်ကို အမြစ်ပြတ်အောင်ဆောင်ရွက်သွားဖို့ သန္နိဋ္ဌာန် ခိုင်မာစွာရှိကြောင်းမိန့်ခွန်းမှာ ထည့်သွင်းပြောကြားပါတယ်။

ဒါ့ကြောင့် နိုင်ငံတကာအသိုက်အဝန်းနဲ့ ကုလသမဂ္ဂ အဖွဲ့ဝင်နိုင်ငံများအနေနဲ့ အကြမ်းဖက်စစ်တပ်ထံသို့ လက်နက်များ၊ ဂျက်လေယာဉ်ဆီနဲ့ငွေကြေးများ ဖြတ်တောက်ပေးခြင်းဖြင့် စစ်အာဏာရှင် စနစ်ချုပ်ငြိမ်းစေရေးအတွက် ပြည်သူလူထုလုပ်ဆောင်နေတဲ့ ကြိုးပမ်းအားထုတ်မှုများကို ပံ့ပိုးကူညီပေးကြဖို့နဲ့ ဖက်ဒရယ် ဒီမိုကရေစီစနစ်နဲ့ အနာဂတ်မြန်မာနိုင်ငံတော်သစ် တည်ထောင်မှုအတွက် အားဖြည့်ကူညီပေးကြဖို့ တောင်းဆိုလိုကြောင်း မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက ပြောကြားခဲ့ပါတယ်။




Telegram Channel -https://t.me/pvtvmyanmar
ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။

04/01/2025

၂၀၂၄ ခုနှစ် စစ်ရေးဖြစ်ပေါ်တိုးတက်မှုအခြေအနေ အစီရင်ခံစာ
၁၃၈၆ ခုနှစ်၊ ပြာသိုလဆန်း ၆ ရက်
(၂၀၂၅ ခုနှစ်၊ ဇန်နဝါရီလ ၄ ရက် လွတ်လပ်ရေးနေ့)

ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

01/01/2025

01/01/2025

အမျိုးသားညီညွတ်ရေးအစိုးရက တော်လှန်ရေးအလုပ်တွေလုပ်ရင်း တည်ဆောက်ရေးပါ ပူးတွဲ လုပ်ဆောင်နေတာလို့ ယာယီသမ္မတ ဒူဝါလရှီးလ ပြောကြား
◾️ မင်းအောင်လှိုင်နဲ့ စစ်အုပ်စုကို အမြစ်ပြတ်ဖြုတ်ချရေးဟာ တော်လှန်ရေး အင်အားစုအားလုံးရဲ့ ဗဟိုဦးတည်ချက်ဖြစ်
ဇန်နဝါရီ ၁ ၊ ၂၀၂၅

အမျိုးသားညီညွတ်ရေးအစိုးရက တော်လှန်ရေးအလုပ်တွေလုပ်ရင်း တည်ဆောက်ရေးပါ ပူးတွဲ လုပ်ဆောင်နေတာလို့ နိုင်ငံတော် ယာယီသမ္မတ ဒူဝါလရှီးလ ပြောကြားလိုက်ပါတယ်။

နိုင်ငံတော်အခြေပြမိန့်ခွန်းကို ဒီနေ့မနက်မှာ ပြောကြားခဲ့ရာ နိုင်ငံတော်ယာယီသမ္မတ ဒူဝါလရှီးလ က အခုလိုထည့်သွင်းပြောကြားလိုက်တာပါ။

“ကျနော်တို့ဟာ တော်လှန်ရေးအလုပ်တွေကိုလုပ်ရင်း တည်ဆောက်ရေးအလုပ်တွေကိုပါ ပူးတွဲလုပ်ဆောင်နေခြင်းဖြစ်ကြောင်း တင်ပြချင်ပါတယ်။ လူထုတရပ်လုံးရဲ့တာဝန်ပေးချက်အရ ကျနော်တို့ အမျိုးသားညီညွတ်ရေးအစိုးရက ကျရာအခန်းကဏ္ဍကနေ တော်လှန်ရေးတာဝန်တွေကို ထမ်းဆောင်ခဲ့ကြရတာဖြစ်ပါတယ်။ ဒီတော်လှန်ရေးတာဝန် အရပ်ရပ်ကို လိုအပ်ချက်အရ ကြိုးစားလုပ်ဆောင်ကြတဲ့အခါမှာ ကျနော်တို့တတွေရဲ့ ဦးဆောင်ဖို့ လိုအပ်ချက်တွေကြောင့် လည်းကောင်း ၊ စနစ်နဲ့ အကျင့်ဆိုး စရိုက်ဆိုးတွေရဲ့ဘေးထွက်ဆိုးကျိုးကြောင့် လည်းကောင်း ပြည်သူလူထုအပေါ် ထိခိုက်နစ်နာခဲ့မှုတွေ တစုံတရာ ရှိခဲ့တယ်ဆိုတာ တွေ့ရှိခဲ့ပြီး ဖြစ်ပါတယ်။ ဒီအားနည်းချက်တွေအပေါ် ကျနော်တို့ အစိုးရတဖွဲ့လုံးက ချစ်တဲ့သူကို ဖော့ပြီး မုန်းတဲ့သူကို ဖိတဲ့သဘောထားမျိုးမရှိကြောင်း လေးနက်စွာတင်ပြချင်ပါတယ်”လို့ ယာယီသမ္မတ ဒူဝါလရှီးလ ပြောကြားလိုက်ပါတယ်။

အမျိုးသားညီညွတ်ရေးအစိုးရ အနေနဲ့ ဘယ်လိုမျိုး နိုင်ငံရေး လောကဓံတွေနဲ့ ကြုံတွေ့ပါစေ လူထုရဲ့ အကြိုးစီးပွါးဖယ်ကျဉ်တဲ့ လုပ်ရပ်မျိုး မလုပ်ဘူးလို့လည်း ကတိပြု ပြောကြားခဲ့ပါတယ်။

ပြည်သူ့ကာကွယ်ရေးအဖွဲ့ (ပကဖ) ၊ ပြည်သူ့အုပ်ချုပ်ရေးအဖွဲ့ (ပအဖ) ၊ ပြည်သူ့လုံခြုံရေးအဖွဲ့ (ပလဖ) တွေ ခိုင်မာအားကောင်းရေး အပါအဝင် အားနည်းချက်တွေကို ပြုပြင်ထိန်းသိမ်းတဲ့ လုပ်ငန်းစဉ်တွေကို ဆက်လက်လုပ်ဆောင်နေတယ်လို့လည်း ထည့်သွင်းပြောကြားခဲ့ပါတယ်။

“နွေဦးတော်လှန်ရေးရဲ့ အဓိက မဏ္ဍိုင်က စစ်အာဏာရှင်စနစ် အမြစ်ပြတ်သိမ်းရေးနဲ့ ဖက်ဒရယ် ဒီမိုကရေစီနိုင်ငံသစ် ထူထောင်ရေးပဲ ဖြစ်ပါတယ်။ အာဏာလုပ်ပိုင်ခွင့်နဲ့ တဖွဲ့ချင်းရဲ့ နယ်မြေပိုင်စိုးရေးဆိုတာ လူထုရဲ့လွတ်မြောက်မှု လူထုရဲ့ အကျိုးစီးပွါးနဲ့ နှိုင်းယှဉ်ရင် သာမည ကိစ္စတွေပဲ ဖြစ်ပါတယ်။ စစ်အာဏာရှင်စနစ်ဆိုးကို ဖြတ်သိမ်းဖို့အတွက် အကြမ်းဖက်စစ်ကောင်စီကို ဦးဆောင်နေတဲ့ မင်းအောင်လှိုင်နဲ့ စစ်အုပ်စုကို အမြစ်ပြတ်ဖြုတ်ချရေးဟာ တော်လှန်ရေး အင်အားစုအားလုံးရဲ့ ဗဟိုဦးတည်ချက်ဖြစ်ပါတယ်” လို့ ယာယီသမ္မတ ဒူဝါလရှီးလ ပြောကြားပါတယ်။

ပြည်သူလူထုတစ်ရပ်လုံးက အမျိုးသားညီညွတ်ရေးအစိုးရနဲ့အတူ ခိုင်မာတဲ့ယုံကြည်ချက်ကို အရင်းခံပြီး တော်လှန်ရေးအင်အားစုအားလုံအတွက် စွန်လွှတ် အနစ်နာခံမှုနဲ့ ရင်းနှီးပေးဆပ်မှုတွေကို တနိုင်ငံလုံးကိုယ်စား လေးစားဂုဏ်ပြုတယ်လို့ ပြောကြားခဲ့ပါတယ်။




Telegram Channel -https://t.me/pvtvmyanmar
ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။

06/08/2024

"ပြည်သူများသို့ အောင်စကား" အစီအစဉ် ထုတ်လွှင့်မည်

ဩဂုတ် ၆ ၊ ၂၀၂၄

"ပြည်သူများသို့ အောင်စကား" အစီအစဉ်ကို ဩဂုတ် ၁၀ ရက် (စနေနေ့) မနက် ၉ နာရီတွင် ထုတ်လွှင့်သွားမည်ဖြစ်ပြီး နိုင်ငံတော် ယာယီသမ္မတ ဒူဝါလရှီးလ ၊ ပြည်ထောင်စု ဝန်ကြီးချုပ် မန်းဝင်းခိုင်သန်း ၊ ကရင်နီအမျိုးသားတိုးတက်ရေးပါတီ (KNPP) ဥက္ကဋ္ဌ ခူဦးရယ် ၊ အမျိုးသားညီညွတ်ရေးအစိုးရ ပြည်ထောင်စုဝန်ကြီးများဖြစ်သည့် ဦးရည်မွန် ၊ ဒေါ်ဇင်မာအောင် ၊ ဦးတင်ထွန်းနိုင် ၊ ကရင်နီအမျိုးသားများ ကာကွယ်ရေးတပ် (KNDF) ဒုစစ်ဦးစီးချုပ် မာဝီ နဲ့ ဦးမင်းကိုနိုင် တို့ က ပြောကြားသွားမည်ဖြစ်သည်။
အစီအစဉ်ကို NUG ၊ PVTV ၊ Radio NUG ၊ DVB Mizzima ၊ ခေတ်သစ် ၊ D Day Channel ၊ ဒီလမ်း ၊ နွေဦးအသံ ၊ People's Spring ၊ သံလွင်တိုင်းမ် နှင့် Red Peacock ပေ့ချ်များမှ တိုက်ရိုက်ထုတ်လွှင့်သွားမည်ဖြစ်သည်။

14/06/2024

❝ ငုံ့မခံဘဲ တုန့်ပြန်မယ့် သံမဏိနှင်းဆီတွေ ❞

#၁၉ဇွန်_ပန်းသပိတ်

အခုလာမယ့် (ဇွန်လ ၁၉ ရက် ၂၀၂၄ ခု) ဟာ မြန်မာပြည်သူအများ လေးစားချစ်ခင်ကြတဲ့ ဒေါ်အောင်ဆန်းစုကြည်ရဲ့ အသက် (၇၉) နှစ်ပြည့် မွေးနေ့ဖြစ်ပါတယ်။

ဒေါ်အောင်ဆန်းစုကြည်ဟာ ၁၉၈၈ ခုနှစ်နောက်ပိုင်း အာဏာရှင်အဆက်ဆက်ရဲ့ အဓမ္မ ဖိနှိပ်၊ အကျဉ်းချမှုကို နှစ်ပေါင်းများစွာ ခံခဲ့ရပါတယ်။ ယခုအချိန်မှာလည်း အာဏာသိမ်း ဖက်ဆစ်တပ်ရဲ့ အဓမ္မ ဖမ်းဆီး အကျဉ်းချမှု ခံထားရတဲ့ ဒေါ်အောင်ဆန်းစုကြည်ဟာ ကမ္ဘာ့အသက်အကြီးဆုံး နိုင်ငံရေးအကျဉ်းသားများအနက် တစ်ဦးဖြစ်ပါလိမ့်မယ်။

မွေးနေ့ရှင် ဒေါ်အောင်ဆန်းစုကြည်နဲ့တကွ အဓမ္မ ဖမ်းဆီးခံထားရတဲ့ နိုင်ငံရေးအကျဉ်းသား သူရဲကောင်းများစွာရဲ့ ဝိသေသ လက္ခဏာက စစ်အာဏာရူးတွေကို “ငုံ့မခံဘဲ တုန့်ပြန်” ခဲ့ကြတာပဲ ဖြစ်ပါတယ်။ အာဏာရှင်စနစ် ဆန့်ကျင်ရေး ယုံကြည်ချက်အပေါ်မှာ မယိမ်းမယိုင် မြဲမြံစွာ စွဲကိုင်ခဲ့သလို ပန်းနဲ့ အမြဲတွဲမြင်ရလေ့ရှိတဲ့ ဒေါ်အောင်ဆန်းစုကြည်ကို “သံမဏိ နှင်းဆီ” လို့ ကမ္ဘာက ဂုဏ်ပြုညွှန်းဆိုလေ့ရှိပါတယ်။

ဒါ့ကြောင့် မွေးနေ့ရှင် ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားအားလုံး၊ တော်လှန်တိုက်ပွဲဝင် လူထုတရပ်လုံးကို ဂုဏ်ပြုညွှန်းဆိုသောအားဖြင့် လာမယ့် ဇွန်လ (၁၉) ရက်နေ့မှာ “ပန်းသပိတ် လှုပ်ရှားမှုကြီး” ကို ပြည်လုံးကျွတ် ဝေဝေဆာဆာ ဖော်ဆောင် ဆင်နွှဲလိုက်ကြရအောင်ဗျာ။ ပန်းသပိတ်လို့ ဆိုလိုက်တာနဲ့ အထူးတလည် ရှင်းပြနေစရာမလိုဘဲ ပြည်သူလူထုက နားလည်သဘောပေါက်ကြပြီး ဖြစ်ပါတယ်။ အဲ့ဒီကာလမှာ နှင်းဆီနီများအပါအဝင် အဆင်သင့်ရာ ပန်းများကို ပြည်သူလူထုက ဘုရားပန်းတင်မယ်၊ ပန်ဆင်ကြမယ်၊ အလှပန်းအိုး ထိုးမယ်၊ အပြန်အလှန် ပန်းလက်ဆောင် ပေးကြမယ်၊ အွန်လိုင်းပေါ် တင်ကြမယ်၊ မြေပြင်မှာလည်း ပန်းသပိတ် လူထုလှုပ်ရှားမှုတွေကို (လုံခြုံရေး အသိ၊ သတိ အပြည့်နဲ့) ဖော်ဆောင်ကြဖို့ပါ။

အာဏာသာ ရူးပြီး တိုင်းပြည်အုပ်ချုပ် အစိုးရလုပ်တဲ့ အတတ်ပညာနဲ့ စိတ်စေတနာ လုံးလုံး မရှိတဲ့ ဖက်ဆစ်တပ်ကြောင့် အခုဆိုရင် မြန်မာပြည်ဟာ လူမှုစီးပွါး အစစ အခြေအနေအရပ်ရပ်ဟာ အဝီစိကို ဇောက်ထိုးဆင်းနေပါပြီ။ ကုန်ဈေးနှုန်းတွေ မိုးပျံအောင် တက်နေတာက အစ၊ လူငယ်ထုကို သေလမ်းကို ပို့မယ့် အဓမ္မ စစ်သားကောက်နေတာ အလယ်၊ မီးမလာ ရေပျက်တာ အဆုံး၊ တိုင်းပြည်မှာ ဘာဆိုဘာမှ ရစရာ မရှိတော့ပါဘူး။ ဒါတွေအားလုံးရဲ့ ပင်မလက်သည် တရားခံသည် စစ်အာဏာသိမ်းမှုနဲ့ စစ်အာဏာရှင်စနစ်ပါပဲ။ ဒီအာဏာရှင်စနစ် သက်ဆိုးရှည်နေသရွေ့ ဒီတိုင်းပြည် ဘာတခုမှ ကောင်းလာစရာ မရှိဘူးဆိုတာကလည်း အင်မတန် ထင်ရှားပါတယ်။

မြန်မာပြည်သူတွေဟာ ဒင်းတို့ ဖက်ဆစ်မိစ္ဆာတွေကို “ငုံ့ခံ” ရင်းနဲ့ ရေနွေးအိုးထဲက ဖားတွေလို့ အသေမခံနိုင်ဘူး၊ အစွမ်းကုန် စုစည်းညီညွတ်ပြီး “တုန့်ပြန်” ကြမယ်ဆိုတဲ့ ဇွဲနဘဲခတ်ပြီး တော်လှန်ခရီးကြမ်းကို ဒီအထိ လျှောက်လှမ်းခဲ့ကြပါပြီ။ အခုချိန်ကတော့ ဒီသံမဏိစိတ်ဓာတ်၊ ဘာမထီစိတ်ဓာတ်ကို အမြင့်မားဆုံး လွှင့်ထူပြီး တော်လှန်တိုက်ပွဲကို အရှိန်တိုးမြှင့်ကြဖို့ လိုပြီဆိုတာကိုလည်း မီးမောင်းထိုးပြလိုပါတယ်။ ယခု ဇွန် (၁၉) ပန်းသပိတ် လူထုလှုပ်ရှားမှုမှသည် ရှေ့လာမယ့်ကာလတွေမှာလည်း ပြည်သူလူထုအနေနဲ့ တော်လှန်တိုက်ပွဲ လူထုလှုပ်ရှားမှုတွေမှာ “တက်စုံဖွင့် ရွက်ကုန်လွှင့်” ဖော်ဆောင်ကြမယ်ဗျာ။

ဟေ့ . . . စစ်အာဏာရူးတွေ၊ ငါတို့လူထုဟာ မင်းတို့ပြုသမျှ နုရမယ့် ဘဝ မဟုတ်ဘူးဟေ့။ “ငုံ့မခံဘဲ တုန့်ပြန်မယ့် သံမဏိ နှင်းဆီတွေ” ဆိုတာကို ဒီပြည်လုံးကျွတ် ပန်းသပိတ် လူထုလှုပ်ရှားမှုကြီးကနေ ထပ်လောင်း သက်သေတည်လိုက်ကြမယ်။

ဒီစာကို ဦးပေါ် (မင်းကိုနိုင်) ရဲ့ “နှင်းဆီနီဥဒါန်း” ကဗျာတပိုဒ်နဲ့ အဆုံးသတ်ပါရစေ။
. .

ဟေ့ . . . နင်းချေမယ့်သူတွေ

ခရေပွင့်တွေလို ငါမကြွေ

မြေတလက်မ ပိုင်ဆိုင်ခွင့်ရသရွေ့

နေ့သစ်ရဲ့ အရုဏ်ဦးမှာ

ယုံကြည်ချက် ဆူးတွေဖွင့်

ခေါင်းထောင်လို့ ၀င့်လိုက်မယ်

ငါဟာ . . .

နီရဲတဲ့ နှင်းဆီပွင့်။

—————

#ငုံ့မခံဘဲတုန့်ပြန်မယ့်သံမဏိနှင်းဆီတွေ



#ကြောက်ခေတ်ကို_မှောက်ပစ်



#တက်စုံဖွင့်ရွက်ကုန်လွှင့်

#ပြည်မြို့နယ်ပြည်သူ့အုပ်ချုပ်ရေးအဖွဲ့

အရေးတော်ပုံ အောင်ရမည်။

11/06/2024