https://www.facebook.com/612645852521793/

BAGAN Ko Gyi Kyaw - ပုဂံကိုကြီးကျော်, Shwe Gone Quarter, Nyaungoo (2026)

17/01/2026

#တံခါးတစ်ချပ်ပွင့်သွားစေရုံ (ပုဂံအတွက်)

ToRi Tour Tori Travel ရဲ့ ပင်တိုင် ပုဂံပဲ့ကိုင်ရှင် Ko Thet Naung ကနေ 13 Jan 2026 ရက်နေ့ HalfDay Sightseeing Gruop Tour မှာ ကိုကြီးနောင်နဲ့အတူ ပါဝင်ကူညီဖို့ အခွင့်အရေးပေးတဲ့အတွက် အများကြီးကျေးဇူးတင်ရပါတယ်။ ပုဂံကို ပုဂံလိုချစ်တဲ့ အကိုကြီးနဲ့ အတူလက်တွဲရတာ ကျနော်အတွက်တော့ တန်ဖိုးကြီးလက်ဆောင် 💙 ပါ။ ကျနော်ရဲ့ #ပုဂံဧည့်သည်အမှတ်_၂၂၀ မြောက် အဖွဲ့လဲဖြစ်ပါတယ်။

▪️ဒီထက်ပိုအရေးကြီးတာက နေ့တဝက်ပဲလည်မယ် Group Tour ကလဲဖြစ်နေတဲ့အတွက် #ပုဂံ ဆိုတာကို စစ်မှန်တဲ့လမ်းကနေ သိမြင်တွေးချင့်နိုင်စေဖို့က မလွယ်ကူပါဘူး။ တသက်လုံးလေ့လာလို့ တောင်မှ ဃဃနနသိဖို့ မှန်မှန်ကန်ကန်မြင်ဖို့ ခက်ခဲတဲ့ အဝန်းဝိုင်းကြီး။ များသောအားဖြင့် Group Tour တွေ Day 1 Day 2 Day 3 အထိ လည်တဲ့အခါမျိုးဆိုရင်တောင် ပုဂံကို ခရေစေ့တွင်းကျ စေ့စေ့စပ်စပ် ပေးစွမ်းနိုင်ဖို့ခက်ပါတယ်။ နေရာစုံအောင် အရသာစုံအောင် အကြောင်းအရာစုံ အများစုအဆင်ပြေအောင်ကို အဓိကထားသွားလာလည်ပတ်ရတာမျိုးပါ။ Bus ပေါ်မှာပါတဲ့ ဧည့်သည် တစ်ယောက်ချင်းစီတိုင်း သိစေကြားစေစိတ်ပါဝင်စားစေဖို့မဖြစ်နိုင်ပါ Overall ခြုံငုံပြီး အားလုံးဆီ တတ်နိုင်သမျှရောက်စေရစေဖို့ အဓိကထား ပြောပြရှင်းပြတဲ့နည်းလမ်းကနေချဥ်းကပ်ယူရပါတယ်။ Private ဆန်ဆန် တစ်ဦးတစ်ယောက်မျိုး၊ မိသားစုတွေ၊ လူနည်းနည်း၊ တစုတစိတ်တဖွဲ့မျိုးတွေကတော့ သူနဲ့ကိုယ်နဲ့ညှိနှိုင်းဆွေးနွေးပြီး ဦးတည်ရည်ရွယ်ချက်ရောက်အောင် ပုဂံကို အဓိပ္ပါယ်ကောင်းကောင်း ဖွင့်ဆိုနိုင်သလို လေ့လာလိုသူ့ထံသို့လဲ အပြည့်အဝရောက်စေဖို့ ပိုနီးစပ်ပါတယ်။ ဒါတောင် ပုဂံကိုသိချင်တဲ့စိတ် ချစ်ခင်တဲ့စိတ်ရှိမှ မဟုတ်ရင် လူနည်းလဲ မထားပါဘူး။

▪️အခုလည်ခဲ့ရတာက ပိုခက်ပါတယ်။ ဒီ Gruop က သူတို့ Company ဆိုင်ရာ Meeting တွေ Project တွေ Planning တွေ့အပြည့်နဲ့မို့ ပုဂံကို နေ့တဝက်ပဲအချိန်ရပါတယ်။ Bus နှစ်စီး Guide နှစ်ယောက်။ ဘုရားလည်မယ် မြင်းလှည်းစီးမယ် အညာထန်းရည်သောက်မယ် စျေးဝယ်ထွက်မယ် ညစာစားရင်း မြန်မာ့ရိုးရာရုပ်သေးကြည့်မယ် ကျနော်တို့အတွက် ပုဂံကိုခင်းကျင်းပြဖို့ ဘုရားနှစ်ဆူ နဲ့ ကားပေါ်မှာပြောပြရမယ့် အချိန်လေးအနည်းငယ်ကနေ ပုဂံကို #အလင်းရောင် တွေနဲ့မြင်အောင် တံခါးဖွင့်ပြပေးရမယ်ဆိုတော့ စဥ်းစားကြည့်ပေါ့။

▪️အကိုကြီးနောင်က လမ်းမှာ Tour Plan နဲ့ပတ်သက်ပြီး အချိန်ဘယ်လောက်ပဲရမယ်၊ ဘာတွေပြောကြမယ်ဆိုပြီး ညှိနှိုင်းညွှန်ကြားလမ်းပြ ပါတယ်။ မှတ်မှတ်ရရ Aureum Palace Hotel & Resort Bagan Bagan ကိုသွားတဲ့ #ဆိုက်ကလုံး 😜 ပေါ်မှာဖြစ်ပါတယ်။ ဘာလို့ ဆိုက်ကလုံးနဲ့သွားရသလဲဆိုရင် ညစာအချိန်ပြီးလို့ ပြန်တဲ့အခါ မြို့ထဲလမ်းမှာကျနော်တို့ ဆင်းနေခဲ့မှာမို့ပါ ( အခြေအနေအရ) ။

▪️ည Dinner ကို Nanda Restaurant Bagan မှာ ကျွေးပါတယ်။ ဒီအချိန်မှာ ကျနော်တို့ ခရီးစဥ်ကို သုံးသပ်လို့ရပါပြီ။ မျှော်လင့်ထားတဲ့အတိုင်း ရည်ရွယ်ချက်အောင်မြင်တဲ့အပြင် မမျှော်လင့်ထားတဲ့ Feedback တွေပါ ရပါတယ်။ သူတို့ပုဂံကို ခဏခဏလာပါတယ်တဲ့ ဒါပေမယ် အခုလိုမျိုးတွေ မကြားဘူးခဲ့ဘူးတဲ့ မေးချင်တဲ့မေးခွန်တွေကိုလဲ မေးရသလို ရှင်းလင်းတဲ့အဖြေတွေလဲရတယ်တဲ့။ ဒါဆို သူတို့သိသွားတဲ့အကြောင်းတွေက ပုဂံကိုလိုက်ရှာတဲ့အခါ လမ်းမှန်ကနေသွားလို့ရတဲ့ တခါးလေးတစ်ချပ်ပွင့်သွားတာပါပဲ။ ဒီအချိန်လေးနဲ့ ဒီအခိုက်အတန့်မှာ #ဒီတံခါးတစ်ချပ် ဆိုတာလေးကြားရတာ ပြောပြလို့မဝတဲ့ ကျေနပ်ခြင်းပီတိပါပဲခင်မျာ။

🎭 BAGAN Ko Gyi Kyaw - ပုဂံကိုကြီးကျော် ✍️

09/01/2026

#ဇီးသီးတို့မှည့်နီချိန်

▪️နှစ်တိုင်း ဒီအချိန်ရောက်ရင် ကလေးတွေကျောင်းပိတ်ရင် အနည်းဆုံး ၁ ရက်က မဖြစ်မနေ ပုဂံဘုရားတွေကြားက ဇီးပင်တွေဆီသွားကြပါတယ်။ အဓိကမမေ့ဖို့က #အစပ်မှုန့် ပါပဲ 😜 ညောင်ဦးကနေထွက်လာလိုက်တာ သိကြားပုန်း သိကြားဟစ်လမ်းထဲ ခနဝင် ဇီးပင်တချို့လိုက်မြည်းကြည့်။ ဆက်သွား တောင်ဘီရွာထိပ် မုန့်ဆလင်းထောင့်ဆိုင် နဘေးလမ်းကြားသွယ်လေးကနေ ရွာဟောင်းကြီးကိုတတ်။ လှည်းလမ်းလေးမို့ ငှက်သံကျေးသံလွင်လွင်နဲ့ မြို့ပြအရသာရဲ့အဝေး။ ကလေးတွေကတောင် လှပတဲ့တောလမ်းကလေးတဲ့။ သူတို့တောင် ခွဲခြားခံစားတတ်ပြီ။

▪️ရွာဟောင်းကြီးဘုရားရှေ့ကတ္တရာလမ်းကိုဖြတ်ပြီး နားတောင်းတပ်ဘုရား (မှတ်ချက် - ဝေဠုဝတီမိဖုရားရဲ့နားဒေါင်းနဲ့များ ဆိုင်လေသလားမသိ 🤫) ကိုဖြတ်သွားရတဲ့ ရွှေနန်းယဥ်တော်ဘုရားစုလေးများကြား ဆီမှတဆင့် ဓမ္မရံကြီးအရှေ့ဘက်ခြမ်း ဓမ္မရာဇကသို့သွားရာလမ်းကနေဝိုက်ပြီး ထုထည်ကြီးကို တစ်ပတ်ပတ်ရင်း ဇီးပင်တွေထပ်ကြည့် အပင်တိုင်းလိုလို မှည့်လို့နီလို့ စားချင်စိတ်က သွားရည်ယိုလာကြပြီ။ ကလေးတွေကတော့ တွေလေသမျှအပင်ရပ်ခိုင်းနေကြတာ သူတို့ခူးစားချင်နေကြတာ ခဏခဏပဲ။ နှစ်တိုင်းခူးနေကျ အကောင်းဆုံးအပင်ဆီ အထိတော့ သွားရဦးမှာကို ကိုယ်ကလူကြီးဆိုတော့ သူတို့ကိုမျှားခေါ်လာတာသူတို့မသိ။ ကြိုမပြောထားဘူး။ အစပ်မှုန့်တောင် သူတို့မသိအောင် ဖွက်သယ်လာခဲ့တာ။

▪️ဇီးသီးတွေမြင်တော့ ဒီလိုမှန်းသိရင် အစပ်မှုန့်ဗူးလေးယူခဲ့ရမှာ အဖေရေတဲ့။ နှစ်တိုင်းသူတို့နဲ့ကျနော် ခူးနေကျအပင်က ဓမ္မရံကြီးကနေ ဇီးရိပ်အကြော်ဆိုင်သွားတဲ့လမ်းက ဇီးအုပ်ဇီးတောကြီးပဲ။ ရောက်ပါပြီ ရောက်ရောက်ချင်းပဲ သူတို့မှတ်မိသွားပြီး မနှစ်ကခူးတဲ့နေရာရော ဇီးပင်ရော။ ဒီဇီးပင်ဟေ့ ဒီဇီးပင်ဟေ့ ခူးကြခူးကြဆိုပြီး ခူးကြတော့တာပဲ။ အိမ်ကျရင်သုပ်စားမယ် စိတ်ကူးနဲ့ပေါ့။ အနည်းငယ်ရပြီဆိုတာနဲ့ အဲဒါနဲ့လဲနီး လာလည်သူလဲနဲ တဲ့ တောင်ဂူနီဘုရားဝန်းထဲဝင် အစပ်မှုန့်နဲ့ ဝိုင်းတို့ ထိုင်စားရတာ #တစ်နှစ်မှတစ်ခါ ရတဲ့ သဘာဝအရသာပဲ။ ကဲ ဒီတစ်နှစ်တော့ ဒီအရသာရသွားခဲ့ကြပြီ နောက်တစ်ခါက နောက်တစ်နှစ်ပေါ့။ ပိတောက်ပန်းလို သင်္ကြန်လို တစ်နှစ်မှတစ်ခါမို့ ပိုလွမ်းပိုပျော်ကြရသလို မိုးအကုန်ဆောင်းအကူ ဇီးပန်းလေးတွေပွင့်တဲ့ အချိန်ကနေစပြီး ဆောင်းကုန်ခါနီးလေလေ ဇီးနီနီသီးလေလေအချိန်ဆို သူတို့ဒါကိုလွမ်းစရာ ငယ်ဘဝအမှတ်တရလဲဖြစ် သဘာဝအညာပုဂံဇီးသီးလေးတွေခူးစားကြမယ်ဆိုတဲ့ ရာသီဓလေ့အမှတ်တရလဲဖြစ်စေတဲ့ ဇီးသီးမှည့်ချိန် ကို တမြတ်တနိုးသွားဖြစ်စေခဲ့တာပါပဲဗျာ💕

🎭 BAGAN Ko Gyi Kyaw - ပုဂံကိုကြီးကျော် ✍️

03/01/2026

#အရွယ်တူပုံတူဒီသုံးဆူ

#ကုန်းတော်ကြီးဘုရား ပေါ်ကနေရှုမြင်ကြည့်မိတဲ့အခါ ပုဂံဟာနတ်ပြည်ကြီးလို့ထင်ရလောက်အောင်လှရုံမက ပုဂံသားတို့ရဲ့ဉာဏ်ပညာဗိသုကာ ကိုအံ့သြမိရတယ် ကြက်သိန်းထရတယ် စွံ့အ လွမ်းမောမိရတယ်။

👉 ကြည့်လေ ထုံးစေတီရဲ့ဘွဲ့အမည်က #ရွှေသပိတ်ဘုရား တဲ့ ဘုရင်နရပတိစည်သူရဲ့ မိဖုရား #ဝေဠုဝတီ တည်သတဲ့။

👉 ပြောပြချင်တာက အဲ့ဒီဘုရားက ကုန်းမြေနဲ့ မိုးပြင် ကို စနစ်တကျပိုင်းခြားပြပုံများ ကြည့်တတ်မြင်တတ်ရင် ပုဂံသားတွေဟိုက်ရှားပါးပဲ။ ဘုရားရဲ့ထီးအဆုံးထိ ကုန်းမြေ၊ ထီးအပေါ် အထက်ပိုင်းက မိုးကောင်းကင် တိကျစွာသဘာဝကျနေလိုက်တာ လက်ဖျားအခါခါ ခါရတယ်။

👉 ထိုင်ငေးကြည့်နေလို့သာ ဘုရားသုံးဆူက အရွယ်တူလို့ထင်ရတာ တစ်ဆူချင်းစီအနီးကပ်သွားကြည့်တဲ့အခါ အရွယ်အစားကမတူ လုံးပတ်ကမတူ အသေးအကြီးကမတူ အနိမ့်အမြင့်ကမတူ။ ဒီမတူညီမှုအမျိုးမျိုးကို အခုနေရာကနေမြင်ရတဲ့အခါ ချိန်သားကိုက် #ရွယ်တူပုံတူသုံးဆူ ဗျာ။ အဲ့ဒါ သူတို့ရဲ့ဉာဏ်ပညာ၊ သူတို့ရဲ့ဗိသုကာ၊ သူတို့ရဲ့အနုပညာ။

✍️ BAGAN Ko Gyi Kyaw - ပုဂံကိုကြီးကျော် 🎭

03/01/2026

#ပုဂံဧည့်သည်အမှတ်_၂၀၅

🎭 ညနေ နေဝင်ခါနီး ဧည့်သည်ကလဲ ဓမ္မရာဇကကို သူ့ရဲ့ Auto Print ထွက်တဲ့ Camera နဲ့ လှမ်းချိန်နေတာ ကိုယ်ကမသိလိုက်ဘူး။ အဲဒီမှာ ကိုယ်ကအဖြတ် သူကအရိုက် ဘယ်လိုတွေကွက်တိသွားလဲမသိဘူး ကိုယ့်အချိုးကြီးနဲ့ ပုဂံနဲ့ မျှော်လင့်မထားတဲ့ပုံ ၁ ပုံထွက်လာတယ်။ ကြည့်ပြီး အမှတ်တရလဲဖြစ် ဟာသလဲဖြစ်နဲ့ ဘဝမှာ မမေ့စရာပုံ ၁ ပုံရလာခဲ့ရော။ ဘာပဲဖြစ်ဖြစ် အဲ့ဒီနေ့လေး လှခဲ့ကြတယ်။ ပျော်ခဲ့ကြတယ်။ ဒါ ဘဝရဲ့ပြည့်စုံခြင်း နေ့တနေ့ပဲ။

🎭 အရသာရှိတဲ့ နေ့တနေ့ရှာဖွေကြတဲ့အခါ အဖြေကြိုမသိတဲ့ ပုဂံပုစ္ဆာကို အတူတူတွက်ချက်ရင်း အဆုံးသတ်လေးလှခဲ့ရင် #ဒီနေ့ ဆိုတဲ့ အဓိပ္ပါယ်လေး တင်းတင်းရစ်ရစ်လှလှပပ အဖြေရခဲ့ခြင်းဟာ ကျေနပ်နှစ်သက်စရာ။ တခါတုန်းက အကိုတစ်ယောက်က "ဒီနေ့" ဆိုတဲ့ခေါင်းစဥ်နဲ့ ကဗျာလေး တစ်ပုဒ်ရေးပေးတဲ့ ဘာရေးရမယ်မှန်မသိတာ။ အခုဆို ကဗျာလိုဖြတ်သန်းခွင့်ရတဲ့ နေ့တွေအများကြီး ရေးမကုန်အောင် ပုဂံကပေးတယ်။ ဒီဧည့်သည်တွေနဲ့လည်ရတာ အဲဒီလိုနေ့လေးတနေ့ လို့ပြောရင်မမှားဘူး။ အဓိပ္ပါယ်ရှိတဲ့ နေ့လေးတစ်နေ့ဖြစ်ခဲ့ရတာကိုက ကျနော်ရော ဧည့်သည်တွေရော တန်ဖိုးရှိစေတဲ့ ဒီနေ့လေးဖြစ်ခဲ့တယ်။

BAGAN Ko Gyi Kyaw - ပုဂံကိုကြီးကျော် ✍️ မှဒုတိယအကြိမ် မှတ်မှတ်ရရချိတ်ဆက်ပေးလို့ Zin Bo Tun နဲ့ တစ်ယောက်ချင်းစီတိုင်းကို တန်ဖိုးထားကျေးဇူးတင်ပါတယ်ဗျာ။

12/11/2025

"ပုဂံ — ရိုးမသွားတဲ့မြို့"

"အချင်းချင်း အမျက်အဤ တစ်စေ့မျှမရှိ
ချစ်သောမျက်စိဖြင့် ရှုကြရစေ၏" . . .

မိုးတစ်ပြိုက်လောက် ရွာချပြီးချိန်မှာ
ထွက်ပေါ်လာတဲ့ မြေသင်းနံ့တွေနှင့်အတူ
ဆွတ်ပျံ့လွမ်းမောဖွယ် အတိတ်ဆီက
သိင်္ဃသူ့သမီးရဲ့ ဆုတောင်းစာတွေကို
ပြန်လည်ကြားယောင်မိစေတဲ့
အခိုက်အတန့်ဟာ "ပုဂံ" မှာ ရှိတယ် ....

ကိုယ့်အတွက်တော့
ဘယ်နှကြိမ် ဘယ်နှခါ ရောက်ရောက်
မရိုးနိုင်တဲ့မြို့လေးဟာ "ပုဂံ" ဖြစ်တယ်...

နေရာဟောင်းကို
ပုံစံအသစ်အဆန်းနဲ့ ချစ်ရခြင်းတွေဟာ
ပုဂံမှာပဲ တွေ့ရလိမ့်မယ်...

လှည်းဝင်ရိုးသံ တစ်ညံညံ ပုဂံဘုရားပါင်းတဲ့
မြို့တော်ဟောင်းဟာ
မြန်မာ နိုင်ငံသားတိုင်းရဲ့ သမိုင်းနဲ့ ယဉ်ကျေးမှုအမွေအနှစ်အကြီးဆုံးနေရာတစ်ခုဖြစ်တယ်...

တစ်ခါတုန်းက မင်းမြတ်များရဲ့ နန်းတော်ဖြစ်ခဲ့တဲ့
ဤမြို့ဟောင်းဟာ
ယနေ့အခါမှာလည်း အနုပညာ၊ ယဉ်ကျေးမှုနဲ့
သမိုင်းအလှတရားတွေ အသက်ရှင်နေဆဲပဲ...

ဘယ်အချိန်သွားသွား၊ ဘယ်နေရာကြည့်ကြည့်
ပုဂံဟာ မရိုးနိုင်တဲ့ နေရာတစ်ခုပါ
ထွက်စ နေမင်း နေခြည်နုနုနဲ့ မနက်ခင်း၊
နေဝင်တိမ်ညိုအလှနဲ့ ညနေအချိန်—အချို့
အချိန်တိုင်းမှာပဲ ပုဂံဟာ
အလှတရားအသစ်တစ်ခုကို ပြသနေတတ်တယ်...

ဘုရားပေါင်းများစွာအနက်ကပဲ အဆူဆူတိုင်း
စိတ်ထဲမှာ တောက်ပလင်းနေတတ်တယ်...

ပုဂံကို သွားတိုင်း စိတ်ထဲမှာ
တစ်စုံတစ်ယောက်ကို လွမ်းတတ်တယ်
အတိတ်က လူတစ်ယောက် ဖြစ်နိုင်သလို၊
တစ်ခါတုန်းက ခံစားခဲ့ရသော ခံစားချက်တစ်ခု
ဖြစ်နိုင်တယ်...

ပုဂံဟာ သမိုင်းနဲ့ မျှော်လင့်ချက်၊
ခံစားချက်နဲ့ အမှတ်တရတို့
ရောနှောနေတဲ့မြို့ဖြစ်တာကြောင့် စိတ်ထဲမှာ
လွမ်းမှုတစ်စင်းစင်းဖန်တီးတတ်တယ်...

"နိဗ္ဗာန်ထိမမျော်လင့်ပါဘူး ဒီမြို့လေးတော့
မင်းနဲ့အတူသွားချင်သေးတယ်" ဆိုတဲ့

စကားကတော့ ပုဂံကို ခံစားသူအတွက် အဓိပ္ပါယ်အလှဆုံး စကားလုံးဖြစ်တယ်
ဘဝမှာ မနက်ဖြန်ဆိုတာ မသိနိုင်ပေမဲ့
ဒီမြို့လေးကို မင်းနဲ့အတူတူ ပြန်သွားချင်စိတ်ကတော့ အမြဲရှိနေတတ်တာပါ...

ပုဂံဟာ သမိုင်းတလျှောက်
မင်း၊အမတ်၊သူရဲကောင်းတွေ၊
အသည်သားတွေ့ရဲ့ မေတ္တာလွမ်းခြင်း၊
အေးချမ်းမှုတို့နဲ့ တွဲဖက်နေတဲ့ နေရာတစ်ခု...

အချစ်နဲ့ သမိုင်း ပေါင်းစပ်နေတဲ့
မြို့တော်ဟောင်းလေး—ပုဂံဟာ
လူတိုင်းရဲ့ စိတ်ထဲမှာ မပျက်နိုင်တဲ့ အမှတ်တရတစ်ခုဖြစ်နေတတ်ပါတယ်။

ရာမာ ဖုံ ✍️ ရေးတဲ့မြို့ပုဂံ [29.10.2025]

https://www.facebook.com/share/p/1AChKNHCUJ/

📷 #ပုဂံဧည့်သည်အမှတ်_၁၉၆ မိသားစု💕

20/10/2025

#အလှဆုံးမွေးနေ့

#ပုဂံဧည့်သည်အမှတ်_၂၀၀ ကျနော့်ရဲ့ရာပြည့် အကိုကြီးမြသန်းထွဋ်ရဲ့ မွေးနေ့ တနင်္ဂနွေနေ့ကို ပုဂံဘုရားတွေဆီလာဖို့ ၁ လအလိုကတည်းက စီစဥ်တယ်။ ကျနော်ထံ ဆက်သွယ်ပြီး Bagan Glory Lodge မှာ တည်ဖို့ရွေးချယ်တဲ့အတိုင်း တည်းဖြစ်ခဲ့တယ်။ ဒီကနေ့မှာတော့ ပုဂံခရီးစဥ် အစ မှ အဆုံး အဆင်ပြေချောအွေ့စွာ ပြီးခဲ့ပါပြီ။ ဒီလိုမွေးနေ့ခရီးစဥ်လေးကို အလည်လာသူရော လိုက်ပို့ရသူရော နှစ်ဦးနှစ်ဖက် ဝမ်းမြောက်ခဲ့ကြပါပြီ။ ကျေနပ်နှစ်သက်ပျော်ရွှင်ကြလိမ့်မယ်လို့ မျှော်လင့်ပါတယ်။ ပုဂံအခေါက်ခေါက် အခါခါ ၁၀ ကြိမ်ထပ်မနည်း ရောက်ဖူးကြတယ်။ ပုဂံကိုလာရတာ ကမ်းခြေအပန်းဖြေရတာထက်နှစ်သက်တဲ့ မိသားစုလေးလဲဖြစ်တာနဲ့အညီ အကိုကြီးက ကျနော်နဲ့မနှစ်ကစဆုံစဥ်က ပုဂံကိုစေ့စေ့ပေါက်ပေါက် နောက်ထပ်ထင်ရှား ရှားပါးနေရာလေးတွေ တွေ့မိရာကနေ အိမ်သူအမကိုပါရောက်စေချင်တဲ့မေတ္တာနဲ့ ဒီမွေးနေ့ #ပုဂံနဲ့လက်ဆောင် ပေးလိုက်တာပါပဲ။ ပို့ချင်သူနဲ့ ပို့ချင်သူရဲ့ဆန္ဒကိုဖြည့်ဆည်းသူ မောင်နှံနှစ်ဦး၊ ပုဂံကိုလာရလည်ရတာနှစ်သက်တာခြင်းတူတဲ့ ဒီနှစ်ဦးရဲ့ ဒီခရီးက မြင်ရကြားရတွေ့ရတဲ့ကျနော် အတော်ပျော်မိတာအမှန်။ မွေးနေ့မို့တဲ့ ပခုက္ကူဖိနပ်တစ်ရံ ကျနော်ကို လက်ဆောင်ပေးလိုက်သေးသဗျာ💕။
ဒါတွေထက် ထက်လှတဲ့ လက်ဆောင်တစ်ခုကျန်သေးတယ်။

#တသက်မမေ့တဲ့လက်ဆောင်

မွေးနေ့သာဆိုတယ် မွေးနေ့ရှင်ကချည်း လက်ဆောင်တွေအမျိုးမျိုးပေးနေတာ။ အခုခရီးစဥ်မှာ ပုဂံကို တခါမှမရောက်ဖူးတဲ့ ဆွေမျိုးနှစ်ဦးကို ပုဂံခရီးလိုက်ပို့တာ။ ပုဂံဆိုတာ မြန်မာမှန်ရင် တသက်မှာတခါအနည်းဆုံး ရောက်ဖူးချင်ကြသူချည်း။ ဟော အခု ဒီ #မွေးနေ့လက်ဆောင် ဘယ်လောက်လှလဲဗျာ။ ပေးသော ရသူရော လှလိုက်တဲ့ဖြစ်ခြင်း။ ဒီလက်ဆောင်မျိုးက သေတဲ့အထိ မေ့နိုင်မှာ မဟုတ်တော့ဘူး။ ဒါကြောင့် တသက်လုံးမမေ့နိုင်တဲ့လက်ဆောင်များ ပေးချင်ရင် ဒီထုံးနှလုံးမူ အတုယူကြသင့်ရဲ့ဗျာ။ ကုသိုလ်တရား၊ စေတနာတရား၊ မေတ္တာတရားအပြည့်ပါတဲ့ နောင်သံသရာထိပါသွားမယ့် ကောင်းမြတ်ခြင်းလက်ဆောင်ကောင်း လက်ဆောင်မွန်။ ဒီထက်လှတဲ့ လက်ဆောင်ရှိမယ်မထင်။ ဒီအတွေး ဒီဆန္ဒမျိုး မျာများရကြပါစေလို့ နိုးဆော်ရင်း အကိုကြီးရဲ့မွေးနေ့မှသည် နောင်အသက်ရာကျော် မိသားစုအေးချမ်းသာယာပြည့်စုံကုံလုံပါစေလို့ ဆုတောင်းမေတ္တာစာနဲ့ ကန်တော့ပါတယ်နော်💕

BAGAN Ko Gyi Kyaw - ပုဂံကိုကြီးကျော် ✍️ မှ အကိုကြီး Pt Htut မိသားစုအား လှိုက်လှိုက်လှဲလှဲတန်ဖိုးထား ကျေးဇူးတင်ပါတယ်ခင်မျာ🙏

28/09/2025

#မျိုးဆက်သစ်တို့အတွက်မျိုးစေ့ချရမယ့်ပုဂံ

ဒီပုံလေးတွေ မြင်ရတာ မိသားစုဆိုတဲ့ ချစ်ရိပ်မြုံနဲ့ ပုဂံရှေးဟောင်းမြို့တော်ရဲ့ အနှစ်သာရ ဆိုတာ လိုက်ဖက်လှတဲ့ #မိသားစုပုဂံခရီးစဥ် လေးတစ်ခု ပြည့်စုံသွားတဲ့ကဗျာတစ်ပုဒ်ပါပဲ။ သားကလေးရဲ့ ရင်ထဲကို ပုဂံဆိုတဲ့နှလုံးသားလေးတစ်ခု ထပ်လောင်းပေါင်းလို့ ချစ်ခင်မြတ်နိုးတန်ဖိုးထားကြရမယ့် မျိုးဆက်အသစ်အတွက် မျိုးစေ့လေးလာချ ပေးလိုက်ခြင်းပါပဲ။ မိဘတွေကပေးမယ့် အမွေတွေထဲမှာ ဒီလိုယဥ်ကျေးမှုအမွေအနှစ်ကို အဓွန့်ရှည်စေဖို့ ရရှိခံစားကြစေဖို့ ရည်ရွယ်ထားကြရမှာဖြစ်ပါတယ်။ မြန်မာတိုင်းမွေးဖွားလာ ကတည်းက အတူတူပိုင်ဆိုင်ကြတဲ့ ဒီပုဂံဟာ ဘုံပိုင်အမွေအနှစ်ပါ။ ဒါကို သိအောင်လမ်းပြမီးမောင်းထိုးပေးခြင်းဟာ အနှိုင်းမဲ့မင်္ဂလာပါပဲ။ ဒီကနေစ စီးဆင်းသွားတော့မယ့် မေတ္တာရေစီးကလဲ စီးလေလေ အဖိုးထက်လေလေမို့ လှပတဲ့ဒီစာမျက်နှာမှသည် ဖတ်ရှု၍မဆုံးတဲ့ #ဘဝသဘာဝအလှတရား ကို ရရှိစေတော့မှာဖြစ်ပါကြောင်း။

BAGAN Ko Gyi Kyaw - ပုဂံကိုကြီးကျော် ✍️ မှ ဒီအတွေးစာစုလေးကို ဖြစ်ပေါ်စေတဲ့ Wine Sein မိသားစုရဲ့အမှတ်တရပုံလေးတွေအတွက် အထူးကျေးဇူးတင်ပါတယ်နော်။

24/09/2025

#တောင်ပေါ်မြို့လေးနဲ့တူတဲ့နေ့

ဒီမနက်ကတော့ ပုဂံညောင်ဦးဟာ ပုပ္ပါးမြို့လေးလိုပါပဲ။ ဆောင်းမနက်ခင်းအရသာနဲ့ ကောင်းကင်တစ်ခုလုံးအပြည့် မညို မမဲ မဖြူတဲ့ မီးခိုးရောင်ဖျော့ဖျော့တိမ်သားတွေနဲ့ အရာရာဟာ သူမဟုတ်သလိုပဲ အေးချမ်းနေသလို။ ဒီလိုရက်မျိုး ဒီလိုရာသီဥတုမျိုးမှာ ပုဂံလည်ပြီဆို ဘာနဲ့မှလဲမရတဲ့ အေးချမ်းမှုမျိုးနဲ့ သာယာနေတတ်တာမျိုးပဲ။

ဒီလိုအချိန်ဆို ကျနော်မှာ တောင်ပေါ်ဒေသတွေဆီ အလိုလိုရောက်သွာသလို လွမ်းရပြီ။ စိုင်းဆိုင်မော့စ်၊ စိုင်းထီးဆိုင်တို့ရဲ့ ရှမ်းသီချင်းတွေနားထဲ အလိုလိုရောက်လာကြပြီ။ ချစ်ကောင်းရဲ့အသံနဲ့ ကလောမြို့လေးတို့။ နောက် စိုင်းထီးဆိုင်ရဲ့ မေမြို့မိုး။ ကံ့ကော်တောမျိုးအောင်ရဲ့ ပန်းမြို့တော်။ စသဖြင့် သတိရလွမ်းဆွတ်ဖွယ် သဘာဝအလှသီချင်းတွေ တစ်ပုဒ်ပြီးတစ်ပုဒ်ဆက်တိုက် ခံစားရတော့တာပါပဲ။

မနက် ၇ နာရီခွဲ သားကိုကျောင်းပို့။ ၈ နာရီကျ သူ့အမေ ကျနော့အိမ်သူကို ကျောင်းပို့။ ပြီးတာနဲ့ ဒီနေ့ရာသီရဲ့ဆွဲဆောင်ထားလိုက်ပြီဖြစ်လို့ ဒီနေ့ဧည့်သည်လဲမရှိပေလို့ ပုဂံထဲသွားမယ် မသွားခင် ဒီအထိအတွေ့လေး စာစီရေးမယ်လို့ စိတ်ကူးနဲ့ ပထမဆုံးလက်ဖက်ရည်ဆိုင် (စိတ်ကူးခံစားလို့ကောင်းမယ့်နေရာ) ရှာလိုက်တယ်။ ဘယ်လိုပဲရှာရှာ ဒီနေရာကိုကျော်သွားလို့မရဘူး။ #ရွှေစည်းခုံ ကို ထိုင်ကြည့်ပြီး ကြည်နူး၊ လက်ဖက်ရည်ကိုသောက်၊ ကိုယ်ဆန္ဒရှိရာတွေးတွေး ရေးရေး လုပ်လို့ရတဲ့နေရာရှိတဲ့ ဆိုင် ဘုရားကြီးနဲ့မျက်နှာချင်းဆိုင် #ခိုင်ဝါ မှာ ဟက်ဆိမ့်တစ်ခွက် ဝင်ဆွဲလိုက်တယ်။ ပုံမှန် နဲ့ ချိုဆိမ့် ကြားကဆိုတော့ #ဟတ်ဆိမ့် ပေါ့😜။ Tea ဆွဲပြီရင် ကိုယ်အထပ်ထပ်လေ့လာနေတဲ့ ပုဂံထဲကို ထပ်သွားရဦးမယ်။

ပုဂံကထားခဲ့တာ နှစ် ၁၀၀၀ ရှိပြီ။ သူတို့ရဲ့ရည်မှန်းချက်အရ နောက်ထပ် နှစ် ၂၃၀၀ တည်တံ့မှ ပုဂံမင်းတို့ရဲ့ အန္တိမရည်မှန်းချက်ဖြစ်တဲ့ #သာသနာနှစ်၅၀၀၀ ပြည့်မှီမှာဖြစ်တယ်။ ပျမ်းမျှလူ့သက်တမ်း ၇၀ နှုန်းနဲ့တွက်ရင် ၄၀၀၀ ကို ၇၀ နဲ့စား မျိုးဆက်ပေါင်း ၆၀ စာ သူတို့ကြိုပြီးတွက်ချက်ထားခဲ့တာ အံ့သြစရာနဲ့ မလုံလောက်ဘူး။ သူတို့လိုတွေးရင် ရူးခါသွားနိုင်တယ်။ သူတို့ပြုလုပ်ဖန်တီးထားခဲ့သမျှဟာ သဘာဝနဲ့လိုက်လျောညီထွေရှိတယ်။ အခုထိသူတို့အကြောင်းကို လေ့လာနေကြတာ အပိုင်းအစလောက်ပဲရကြသေးတာ အဖြေမရ ပြန်လုပ်မရတဲ့ အရာတွေအများမှ အများကြီးဗျာ။

သက်တမ်းပြည့်လို့သာ ကျနော်တို့ တဘဝတခန္ဒာငြိမ်းသွားမယ် ပုဂံက သူ့အစီအစဥ် သူ့ခရီးစဥ်အတိုင်း မရွေ့မပြောင်း မလှုပ်မယှက် ဆက်လက်ချီတတ်တောက်ပအသက်ဝင်ဆဲပဲ။ ဒါက ကျနော်အကြိုက်ဆုံးအချက်ပဲ။ ဒါကို ထုံမူပြီး ကျနော်တို့ဟာ ကိုယ့်ယုံကြည်ချက်ကို မြဲမြဲမြံမြံဆုပ်ကိုင်သွားမယ်ဆိုရင် အားလုံးပန်းတိုင်ရောက်မှာ ဧကန်ပါပဲ။

ချစ်ခြင်းတရားဖြင့် ✍️

BAGAN Ko Gyi Kyaw - ပုဂံကိုကြီးကျော် 🎭

[ သမိုင်းဆိုင်ရာ၊ အနုလက်ရာ၊ အလှတရားနှင့် အနုပညာ ]

20/09/2025

#မျက်လွှာအချနဲ့မျက်လွှာအဖွင့် (၁၃ ရာစု)

သမုတိ က ဘုရားဆင်းတုရဲ့ ၁၃ ရာစု ပုဂံခေတ်မျက်လွှာအချ ဟာ ငလူးဂူ ရဲ့ မျက်နှာတော်မှာ ပုဂံခေတ်နှောင်းပိုင်း မျက်လွှာအဖွင့် ကို ကျနော်သွားတွေ့တယ် (ကျနော့်တကိုယ်စာ)။ အချနဲ့အဖွင့် ပေါင်းစပ်မိတဲ့အခါ ဉာဏ်ဟာအလိုလိုပွင့်လာတယ်ဗျာ။ သပ္ပါယ်နေလိုက်ပုံများ နှိုင်းပြစရာမရှိ။ ဂွမ်းနှယ်နုတဲ့ ပီတိတွေရင်နဲ့မဆံ့။

#သမုတိ (၈၄၄/၃၈၇) က မြန်မာသက္ကရာဇ် ၆၂၂၊
#ငလူးဂူ (၆၇၀/၃၄၆-က) က ၆၂၄။

နှစ်နှစ်ပဲကွာတယ်။ ,ခရစ်သက္ကရာဇ် ရအောင် ၆၃၈ စီပေါင်းကြည့် ၁၂၆၀ နဲ့ ၁၂၆၂။ ဒါ ၁၃ ရာစု။

👉 "သမုတိ" ကို သူ့အရှေ့ဘက်က ကျောက်စာအရ တရုတ်ပြေးမင်း (နရသီဟပတေ့) ရဲ့ အရီးစော ဆောက်လုပ်လှူဒါန်းတဲ့ ကျောင်းတိုင်းကြီးထဲမှာ တည်တယ်။

👉 "ငလူးဂူ" ကို ဆင်းတုရှေ့ကကျောက်စာအရ တရုတ်ပြေးမင်းကြီးလက်ထက် သရိယ်သမီးတော်ဖြစ်တဲ့ မိဖုရားရတနာပုံ ကွယ်လွန်ပြီးနောက် မိဖုရားကြီးကို ရည်စူးပြီး တည်တယ်လို့ယူဆတယ်။

#ကိုးကား ပုဂံသုတေသနလမ်းညွှန်စာအုပ်
ဦးဗိုကေ ( ပုဂံရှေးဟောင်းသုတေသီ )

🎭 BAGAN Ko Gyi Kyaw - ပုဂံကိုကြီးကျော် ✍️

[ သမိုင်းဆိုင်ရာ၊ အနုလက်ရာ၊ အလှတရားနှင့် အနုပညာ ]

16/09/2025

#ပုဂံရဲ့မြို့သုံးမြို့နဲ့ဒုတိယနေ့

▪️မိုးဆိုပေမယ့် မိုးလဲမရွာပါဘူး။ ဒါပေမယ့် ဒီနေ့မနက်ခင်းလေးက အညာဆောင်းဦးပေါက်လေးလိုမို့ မိုးတွေကအုံ့ စက်တင်ဘာရဲ့တိမ်ကဗျာတွေကလှနဲ့ ဒီနေ့ ကိုရွေးပြီးလည်ခဲ့ မိမိုက်နေကြရောပဲ။

▪️တည်းရာဟိုတယ် ညောင်ဦးကနေ စထွက်လိုက်တာ နန်းတော်ရာကိုဝင် နဂါးရုံကိုဆက် လောကနန္ဒာမှာခဏနားပြီး ပုဂံရဲ့အနောက်ဘက်ဆုံး ဘုရားအမှတ် ၉၈၇ စေတနာကြီးက ဆင် ၁၅၆ ကောင်ဆီသွားနှုတ်ဆက်။ ဤ သားတော်နားဋောင်းများမင်းတည်တဲ့ဘုရား ကနေ အဖေ နရပတိစည်သူ တည်ထားတဲ့ဘုရားကြီး ဓမ္မရာဇက ကိုဝင် စစ်သူကြီးရဲ့ဓါးကိုကြည့်ကြ။ သြော် ဒီသားအဖနှစ်ယောက်ရဲ့ ပုဂံမြို့သစ်မှာ တောင်နဲ့ မြောက် နေရာယူထားပုံများ အံ့သြစရာ။

▪️ပုဂံဘုရင်တွေထဲမှာ ဘုရားတည်တာ တက်ညီလက်ညီအရှိဆုံးသားအဖ။ အဖေက စူဠာမဏိ ဆို သားက ထီးလိုမင်းလို။ သားက မဟာဗောဓိ ဆို အဖေက ကန်တော့ပလ္လင်။ အဖေနဲ့သား သဒ္ဒါတရားတွေလိုက်ဖက်နေကြပုံများ ပုဂံကိုပိုလှစေခဲ့ပုံများ မျိုးဆက်က တထေရာထဲ ကောင်းခြင်းမှာလာတူလိုက်ပုံများ တွေးလေလေလှလေလေပဲဗျာ။

▪️ဓမ္မရာဇက ကနေအပြန် လှပတဲ့တိမ်များကိုခံစားရင်း ဧည့်သည်ကိုလိုက်ပို့ရင်း မဟာပုဂံရယ် မဟာကောင်းကင်ရယ် မဟာမြေကြီး သုံးခုပေါင်းထားတဲ့ပန်းချီကားထဲရောက်နေတဲ့ အတွေးကို ရပ်လိုက်တဲ့အချိန်မှာတော့ #မြို့သုံးမြို့ ကိုဖြတ်ပြီးသွားခဲ့ပါပြီ။ ညောင်ဦး၊ ပုဂံမြို့ဟောင်း၊ ပုဂံမြို့သစ် ပုဂံရဲ့ မြို့တော်သုံးမြို့လုံးကို ရောက်ရှိ ကျော်ဖြတ် ခံစားမှု ပုဂံခရီးစဥ်လေး လှလှပပနဲ့ အမှတ်တရတွေ ကျန်ရစ်ခဲ့ပြီဆိုတာ ပြောစရာမလိုတော့ပါ။

#ပုဂံဧည့်သည်အမှတ်_၁၉၂

ချစ်ခြင်းများစွာဖြင့် ✍️

🎭 BAGAN Ko Gyi Kyaw - ပုဂံကိုကြီးကျော် မှ ကိုနိုင်မျိုးလွင်မိသားစု၊ ကိုဝိုင်းစိန်မိသားစုနဲ့ သူငယ်ချင်းတစ်စုလုံး ကျေးဇူးတင်စွာဖြင့်။

BAGAN Ko Gyi Kyaw - ပုဂံကိုကြီးကျော်

17/01/2026

09/01/2026

03/01/2026

03/01/2026

12/11/2025

20/10/2025

28/09/2025

24/09/2025

20/09/2025

16/09/2025

Address

Telephone

Website

Alerts

Contact The Organization

Shortcuts

Share

Category