မင်းဘူးခရိုင် အမှတ်-၆တပ်ရင်း

20/04/2026

မင်းဘူးခရိုင်၊အမှတ်(၆)တပ်ရင်း
​ရှေ့တန်း​ရောက် ရဲ​ဘော်များရဲ့ ​​
ဖျော်​ဖြေမှု

11/04/2026

မင်းဘူးခရိုင်၊အမှတ်(၆)တပ်ရင်း၏ အ​ခြေခံစစ်ပညာသင်တန်း၊အပတ်စဥ်(၇) သင်တန်းဆင်းပွဲကို မင်းဘူးမြို့နယ်တ​နေရာတွင် ဧပြီ ၁၀ရက်က ပြုလုပ်ခဲ့သည်။

သင်တန်းဆင်းပွဲကို တပ်ရင်းမှူး၊ဒုတပ်ရင်းမှူးအပါအဝင်တပ်ရင်းမှ တာဝန်ရှိသူများ တက်​ရောက်ခဲ့သည်။

သင်တန်းဆင်းပွဲတွင် ရဲ​ဘော်များက အာဏာရှင်စနစ်ကျဆုံး​ရေးနှင့်အဖိနှိမ့်ခံပြည်သူလူထုလွတ်​မြှောက်​ရေးအတွက် ဆုံးခန်းတိုင်သည်အထိ ​တော်လှန်​ရေးခရီးဆက်မည်ဖြစ်​ကြောင်း သစ္စာရည်​သောက် ကျမ်းသစ္စာကျိန်ဆိုခဲ့ကြသည်။

07/04/2026

မင်းဘူး(စကု)မြို့နယ်၊ မန်းချောင်းအနောက်ဘက်တွင် အင်အား (၁၂၀)​ကျော်သည့် မင်းအောင်လှိုင်လက်အောက်ခံ တပ်နှင့် မင်းဘူးခရိုင်၊တပ်ရင်းများကြား ခြောက်ရက်ကြာတိဖြစ်ပွားသည့် တိုက်ပွဲမှတ်တမ်းရုပ်သံ

06/04/2026

"တိုက်ပွဲသတင်းထုတ်ပြန်ချက်"

မင်းဘူး(စကု)မြို့နယ်၊ မန်းချောင်းအနောက်ဘက်တွင် အင်အား (၁၂၀)​ကျော်သည့် မင်းအောင်လှိုင်လက်အောက်ခံ တပ်နှင့် မင်းဘူးခရိုင်၊တပ်ရင်းများဖြင့် ​​ခြောက်ရက်ကြာတိုက်ပွဲဖြစ်ပွားသည်။

ထိုတိုက်ပွဲအတွင်း ရန်သူ့ဘက်မှ ၁၀ ဦးကျော် ထိခိုက်ဒဏ်ရာရရှိခဲ့ပြီး ပြည်သူနှစ်ဦးဒဏ်ရာရရှိခဲ့သည်။

၂၀၂၆ခုနှစ်၊မတ်လ ၂၉ ရက်နေ့လယ်ပိုင်းတွင် မန်းချောင်းအနောက်ဘက် ရှော်ဖြူတောကျေးရွာ၌ မင်းအောင်လှိုင်သစ္စာခံတပ်မှ ပျူစောထီးများပါသည့် စစ်ကြောင်းကို
မင်းဘူးခရိုင်၊အမှတ်(၆)တပ်ရင်းက ဆီးကြိုတိုက်ခိုက်ခဲ့ရာ နှစ်နာရီကျော်ထိတွေ့တိုက်ပွဲဖြစ်ပွားခဲ့သည်။ထိုထိ​တွေ့မှု​ကြောင့် ရန်သူတပ်များပြန်လည်ဆုတ်ခွာသွားပြီး ရန်သူဘက်မှ တစ်ဦးဒဏ်ရာရရှိခဲ့သည်။ မိမိတပ်ဘက် အထိအခိုက်မရှိခဲ့ပါ။

မတ်လ၃၁ရက်တွင် မင်းအောင်လှိုင်လက်ပါးစေတပ်များသည် မု​တ္ထောကြီး​ကျေးရွာတွင်အထိုင်ချပြီး မန်းချောင်းအနောက်ဘက် မရှက်ရွာကိုအင်အား ၁၀၀ဖြင့် စစ်ကြောင်းထိုးလာစဉ် မင်းဘူးခရိုင်၊အမှတ်(၆)တပ်ရင်း၊ မင်းဘူးခရိုင်၊အမှတ်(၇)တပ်ရင်းနှင့် မင်းဘူးခရိုင်၊အမှတ်(၄)တပ်ရင်းတို့ ဒရုန်းဖြင့် ၃ကြိမ်တိုက်ခိုက်ခဲ့ရာ ရန်သူတပ်များပြန်လည်ဆုတ်ခွာသွားသည်။

၂၀၂၆ခုနှစ်၊ဧပြီ ၁ ရက်တွင်လည်း မန်းအ​ရှေ့ဘက်ခြမ်း​ပေကုန်းရွာတွင်အထိုင်ချ​နေသည့် မင်း​အောင်လှိုင်သစ္စာခံတပ်က အင်အား ၁၀၀ ကျော်ဖြင့် မန်း​ချောင်းအ​နောက်ဘက်ရှိ မင်းရွာမှတဆင့် မရှက်ရွာဘက်ကို ဦးတည်လာစဉ် မိမိတို့ မင်းဘူးခရိုင်တပ်ရင်းများက မင်းရွာနှင့် မရှက်ရွာကြားတွင် တစ်ကြိမ်၊ ဖြူကုန်းရွာတွင် တကြိမ် ကြားဖြတ်တိုက်ခဲ့သည်။ ထိုတိုက်ခိုက်မှုများကြောင့် ရန်သူတပ်များသည် မင်းရွာကိုပြန်လည်ဆုတ်ခွာသွားသည်။

ထိုတိုက်ခိုက်မှု ၂ကြိမ်အတွင်း ရန်သူဘက်မှ ၁၀ ဦးကျော်ထိခိုက်ဒဏ်ရာရရှိခဲ့ပြီး
မင်းအောင်လှိုင်လက်ပါးစေတပ်၏ ရုန်းဖြင့်တိုက်ခိုက်မှုကြောင့် မရှက်ရွာမှပြည်သူ့တစ်ဦး ထိခိုက်ဒဏ်ရာရရှိခဲ့သည်။

ထိုတိုက်ခိုက်မှုများအပြီးတွင် ဧပြီ၃ရက် နံနက် ၁နာရီခွဲတွင် မင်း​အောင်လှိုင်တပ်က မန်းချောင်းအနောက်ဘက်ရှိ ကြီးကန်ရွာစာသင်ကျောင်းကို လေကြောင်းမှ​ပေါင်၅၀၀ ဗုံးကျဲခဲ့သဖြင့် ကြီးကန်ရွာမှ ပြည်သူတစ်ဦး ထိခိုက်ဒဏ်ရာရရှိခဲ့သည်။

ထိုတိုက်ပွဲများ​ကြောင့် ​ကျေးရွာ (၂၀)​ကျော်
ပြည်သူများ စစ်​ဘေး​ရှောင်​နေရသည်။

-မင်း​အောင်လှိုင်သစ္စာ​တော်ခံတပ်ကို ဒရုန်းဖြင့်တိုက်ခိုက်သည့် ရုပ်သံဖိုင်တခု

26/03/2026

မင်းဘူး(စကု)မြို့နယ်အတွင်း မီး​ဘေးသင့်ပြည်သူများအတွက် "ပြည်သူမှ ပြည်သူစီသို့" အစီအစဥ်ဖြင့် ကူညီ​ထောက်ပံ့သည့် ဆန်နှင့် ​ငွေ​ကြေးများကို မင်းဘူးခရိုင်၊အမှတ်(၆)တပ်ရင်းမှရဲ​ဘော်များက အိမ်တိုင်ယာ​ရောက် ပို့​ဆောင်ကူညီ​ပေးခဲ့​ကြောင်း မိဘပြည်သူများကို အသိ​ပေးအပ်ပါသည်။

ပြည်သူမှပြည်သူစီသို့ အစီအစဥ်အရ မီး​ဘေးသင့် စစ်​ဘေး​ရှောင်အိမ်​ထောင်စု (၅၀)ကို တအိမ်​ထောင်လျှင်ဆန်တတင်းနှင့်ငွေကျပ်ငါး​သောင်း ​ထောက်ပံ့နိုင်ခဲ့သည်။

မီး​ဘေးသင့်ပြည်သူများအတွက် ကူညီလိုပါက မိမိတို့တပ်ရင်းကို ဆက်သွယ်နိုင်​ကြောင်းလည်း မိဘပြည်သူများကို အသိ​ပေးအပ်ပါသည်။

12/03/2026

ပြည်သူသို့ အသိပေးခြင်း

၁။ မင်းဘူး(စကု)မြို့နယ်အတွင်း မင်းဘူးခရိုင်၊အမှတ်(၆)တပ်ရင်းသည် စစ်ဆင်ရေးကိစ္စများ ဆောင်ရွက် ရာတွင် မင်းဘူးခရိုင်စစ်ဌာနကွပ်ကဲမှုဖြင့် ဆောင်ရွက်ပြီး လက်နက်၊ ခဲယမ်းများကို အထက်ဌာနများမှစီစဉ်ဆောင်ရွက်ခြင်းဖြစ်သည်။ မည်သည့်လုပ်ငန်းရှင်များထံမှ အလှူခံခြင်း ၊ ငွေတောင်းခံခြင်းတို့ မရှိပါကြောင်း မိဘပြည်သူများကို အသိပေးအပ်ပါသည်။

၂။ မင်းဘူးခရိုင်အမှတ်(၆)တပ်ရင်းသည်လုပ်ငန်းရှင်များအပါအဝင်မည်သည့်ပြည်သူတစ်ဦးတစ်ယောက် ထံမှ ခြိမ်းခြောက်ငွေတောင်းခြင်း ၊ အတင်းအဓမ္မငွေတောင်းခြင်းတို့ လုံးဝ(လုံးဝ)မပြုလုပ်ပါကြောင်း မိဘပြည်သူများကို အသိပေးလိုပါသည်။

၃။ ခြိမ်းခြောက်ငွေတောင်းခံရမှုများရှိပါက မင်းဘူးခရိုင် အမှတ်(၆)တပ်ရင်း သို့ တိုင်ကြားနိုင်ပြီး ၊၎င်းတို့ ကို ထိရောက်သည့်ပြစ်ဒဏ်များပေးနိုင်ရေး ဆောင်ရွက်သွားမည်ဖြစ်ကြောင်းမိဘပြည်သူများကို အသိပေးအပ်ပါသည်။

09/03/2026

၁။ မိဘပြည်သူများခင်ဗျား မင်းဘူးမြို့နယ်အတွင်း ကြက်ဝိုင်း၊ ဖဲဝိုင်း၊ ဂျင်ဝိုင်း၊ ခြောက်ကောင်ဝိုင်းစသည့် လောင်းကစားများပြုလုပ်ခြင်း၊ ဘေးမဲ့သစ်တောကြိုးဝိုင်းများအတွင်း သစ်ထုတ်လုပ်ခြင်း၊ အမဲလိုက်ခြင်းများ နှင့် စစ်တပ်ထုတ်ကုန်များဖြစ်သော အရက်၊ဘီယာများကို ရောင်းချခြင်းများ မပြုလုပ်ကြရန် နှင့်အထက်ပါကိစ္စရပ်များကို လုပ်ဆောင်ခြင်း နှင့် ရောင်းချခြင်းများ ပြုလုပ်ခဲ့ပါက ကျူးလွန်သူများကို မိမိတို့တပ်ရင်းမှ ထိရောက်စွာအရေးယူဆောင်ရွက်သွားမည်ဖြစ်ကြောင်း အသိပေးထုတ်ပြန်အပ်ပါသည်။

၂။ သို့ဖြစ်ပါ၍ မိဘပြည်သူများအနေဖြင့် အဆိုပါလောင်းကစားမှု ၊ သစ်ခိုးထုတ်ခြင်း၊ အမဲလိုက်ခြင်း ၊အရက်၊ဘီယာများ ရောင်းချပြုလုပ်ခြင်းနှင့် အထက်ပါကိစ္စများကို သိရှိပါက မိမိတို့တပ်ရင်း သို့ တိုင်ကြားရန်မေတ္တာရပ်ခံအပ်ပါသည်။


မင်းဘူးခရိုင်အမှတ်(၆)တပ်ရင်း
ပြည်သူ့ကာကွယ်ရေးတပ်မတော်

09/03/2026

မင်းဘူးခရိုင် ၊ အမှတ်(၆)တပ်ရင်း နယ်မြေအတွင်း ဖြတ်သန်းသွားသည့် လက်နက် ကိုင်အဖွဲ့အစည်းများအားလုံး မင်းဘူးခရိုင်၊အမှတ်(၆)တပ်ရင်းသို့ သတင်းပို့ပြီးမှ သွားလာကြရန်၊ ခွင့်ပြုချက်မရပဲ သွားလာခွင့်မပြုကြောင်းနှင့် မင်းဘူးခရိုင် ၊ အမှတ်(၆)တပ်ရင်း နယ်မြေအတွင်း တော်လှန်​​ရေး တပ်ဖွဲ့ဝင်အဖွဲ့အစည်းများမှအပ မည်သူမှ လက်နက်ကိုင်ဆောင်ခွင့်
မပြုကြောင်း အသိပေး ထုတ်ပြန်လိုက်သည်။

မင်းဘူးခရိုင် အမှတ်(၆)တပ်ရင်း
ပြည်သူ့ကာကွယ်ရေးတပ်မတော်

13/02/2026

ပြည်သူလူထုသို့ မေတ္တာရပ်ခံချက်

စစ်အာဏာရှင်များသည် လူငယ်များ၏ ဘဝနှင့်အသက်ကို တန်ဖိုးမထားဘဲ ၎င်းတို့အာဏာတည်မြဲရေးအတွက် လူငယ်၊လူရွယ်များဖမ်းဆီးပြီး အဓမ္မစစ်မှုထမ်းခိုင်းသည့်မှာ နှစ်နှစ်ကျော်ခဲ့ပြီဖြစ်သည်။

ထိုနှစ်နှစ်ကျော်ကာလအတွင်း လူငယ်တသိန်းကျော်သည် မိသားစုဘဝများပျက်စီးကာ သေကြေခဲ့ရပြီးဖြစ်ပါသည်။

ယခုအခါ စစ်အဏာရှင်များသည် စစ်မှုထမ်းအပတ်စဉ် (၂၂)အတွက် လူငယ်များကို နိုင်ငံအနှံ ​နေ့ညနေရာမရွေးဖမ်းဆီးနေပါသည်။

သို့ဖြစ်ပါ၍ မင်းဘူး(စကု)မြို့နယ်အတွင်းရှိ လူငယ်များအနေဖြင့် စစ်အာဏာရှင်လက်ပါးစေများ၏ စစ်မှုထမ်းရန်အဓမ္မဖမ်းဆီးခြင်း မခံရစေရေး လွတ်မြောက်နေရာများတွင် နေထိုင်ကြရန်နှင့်မလိုအပ်ဘဲ မြို့ပေါ်များသို့ သွားလာခြင်းမပြုကြရန် မေတ္တာရပ်ခံပါသည်။

Send a message to learn more

30/01/2026

"တိုက်ပွဲသတင်းထုတ်ပြန်ချက်"

မ​ကွေးတိုင်းစစ်ဌာနလက်​အောက်ရှိ မင်းဘူးခရိုင် စစ်ဌာန ကွပ်ကဲမှုဖြင့် မင်းဘူး(စကု)မြို့နယ်၊ အ​နောက်ပိုင်းရှိ မုန်​​တောင်ရဲစခန်းကို မင်းဘူးခရိုင်၊အမှတ်(၆)တပ်ရင်းက ၂၀၂၆ခုနှစ်၊ဇန်နဝါရီ ၁၆ရက် နံနက်ပိုင်းက ဝင်​ရောက်တိုက်ခိုက်ခဲ့သည်။

ထိုရဲစခန်းမှ ရဲများသည် ပြည်သူ့များကို နည်းလမ်းမျိုးစုံသုံးကာ ​ငွေညှစ်ခြင်း၊ဖမ်းဆီးခြင်း၊​ လူငယ်များအား ပေါ်တာဆွဲခြင်း စသည့်တို့ပြုလုပ်​နေခြင်း​ကြောင့် တိုက်ခိုက်ခဲ့ရခြင်းဖြစ်သည်။

စတင်တိုက်ခိုက်ချိန်ကပင် စစ်​ကော်မရှင် လက်​အောက်ခံရဲများ ထွက်​ပြေးသွားပါသဖြင့် ရဲစခန်းကို ၁၅မိနစ်အတွင်း သိမ်းယူနိုင်ခဲ့သည်။စခန်းအတွင်းရှိ ရဲအသုံးအ​ဆောင်ပစ္စည်းများ၊ပြည်သူ့လူထုထံမှာ လုယက်ယူထားသည့် ပစ္စည်းအချို့သိမ်းဆည်းရမိခဲ့ပါသည်။

ထိုတိုက်ခိုက်မှုကို မင်းဘူးခရိုင်၊အမှတ်(၆)တပ်ရင်းက ​ဆောင်ရွက်ခဲ့ခြင်းဖြစ်သည်။

ထိုပြင် ၎င်းရဲစခန်းတိုက်ခိုက်မှုနှင့်ပတ်သတ်၍ မိမိတို့တပ်ရင်းအ​နေဖြင့် လုပ်ငန်းရှင်များအပါအဝင် မည့်သူတဦးတ​ယောက်ထံမှ အလှူခံခြင်း၊ခြိမ်း​ခြောက်​ငွေ​တောင်းခံခြင်းလည်း မရှိပါ​ကြောင်းလည်း မိဘပြည်သူများကို အသိ​ပေးထုတ်ပြန်အပ်ပါသည်။

မင်းဘူး(စကု)မြို့နယ်အတွင်းရှိ ပြည်သူများအ​နေဖြင့် စစ်​ကော်မရှင်တပ်သားများ၊ရဲများနှင့်၎င်းတို့စခန်းများအနီးတွင် မ​နေကြရန်လည်း ​မေတ္တာရပ်ခံအပ်ပါသည်။

မင်းဘူးခရိုင်၊ အမှတ်(၆)တပ်ရင်း

28/12/2025

မ​ကွေးတိုင်း

25/12/2025

မင်းဘူးမြို့နယ်အတွင်းရှိ ပြည်သူများအ​နေဖြင့် မင်း​အောင်လှိုင်လက်​အောက်ခံ စစ်စခန်းများ၊ရဲစခန်းများနှင့် ပျူ​စောထီးစခန်းများ​၊စစ်​ကောင်စီကားတန်းနှင့်​ဝေးရာတွင် ​နေထိုင်ကြရန် မေတ္တာရပ်ခံအပ်ပါသည်။

စစ်​ကောင်စီလက်​ပါးစေပါ​တီများ၏ မဲဆွယ်စည်းရုံး​ရေးပွဲကို တက်​ရောက်ခြင်းမပြုရန် ​မေတ္တာရပ်ခံအပ်ပါသည်။