University Red Cross Team - UT YCC

04/07/2024

25/01/2021

COVID-19 ပျံ့နှံ့မှုကိုတားဆီးဖို့ အားလုံးပါဝင် ဆောင်ရွက်စို့။

We all need to do our part to stop the spread of COVID-19 😷.

Crd

06/12/2020

To celebrate International Volunteer 2020, we paid tribute to all Red Cross and Red Crescent volunteers around the world. Thanks for your passion, dedication, service: 👏

12/09/2020

၂၀၂၀ ပြည့်နှစ် ကမ္ဘာ့ရှေးဉီးပြုစုခြင်းနေ့အခမ်းအနားသို့
မြန်မာနိုင်ငံကြက်ခြေနီအသင်း ဥက္ကဌ ဒေါက်တာမောင်မောင်မြင့်မှ ပေးပို့သည့်
သဝဏ်လွှာ
===============
၂၀၂၀ ပြည့်နှစ် စက်တင်ဘာလ (၁၂) ရက်နေ့တွင် ကျရောက်သည့် ကမ္ဘာ့ရှေးဉီးပြုစုခြင်းနေ့ အခါသမယတွင် မြန်မာနိုင်ငံတစ်ဝှမ်းလုံးရှိ တိုင်းဒေသကြီးနှင့် ပြည်နယ်အသီးသီးမှ ကြက်ခြေနီအသင်းဝင်များ၊ ကြက်ခြေနီတပ်ဖွဲ့ဝင်များ၊ ကြက်ခြေနီစေတနာလုပ်အားရှင်များ အားလုံး ကျက်သရေ မင်္ဂလာအပေါင်းနှင့် ပြည့်စုံပါစေကြောင်း ဆုမွန်ကောင်းတောင်းလျက် ဤသဝဏ်လွှာကို ပေးပို့အပ်ပါသည်။
မြန်မာနိုင်ငံကြက်ခြေနီအသင်းသည် ၂၀၀၃ ခုနှစ်မှ စတင်ပြီး ကမ္ဘာ့ရှေးဉီးပြုစုခြင်းနေ့ အထိမ်းအမှတ် အခမ်းအနားများကို နှစ်စဉ်ကျင်းပလာခဲ့သည်မှာ ယခုအခါတွင် (၁၈) ကြိမ် မြောက်ရှိခဲ့ပြီ ဖြစ်ပေသည်။
အသင်းစတင်တည်ထောင်သည့် ၁၉၃၇ ခုနှစ်မှစတင်ပြီး ရှေးဉီးပြုစုခြင်းပညာများကို ကြက်ခြေနီ စေတနာလုပ်အားရှင်များနှင့် ရပ်ရွာလူထုများအတွက် မဖြစ်မနေတတ်မြောက်ရန် လိုအပ်ပြီး အသက်ကယ်သည့် အတတ်ပညာအဖြစ် သတ်မှတ်ကာ ရှေးဉီးပြုစုခြင်းဆိုင်ရာ လုပ်ငန်းများကို အမြုတေလုပ်ငန်းအဖြစ် မဟာဗျူဟာချမှတ်ပြီး ဆောင်ရွက်လျက်ရှိပေသည်။
ယင်းကဲ့သို့ ဆောင်ရွက်ရာတွင် ပြည်သူလူထုတိုင်း ရှေးဉီးပြုစုခြင်းတတ်မြောက်ရန်နှင့် တတ်မြောက်ထားသည့် ပညာရပ်များဖြင့် ပြည်သူ့အကျိုးပြုလုပ်ငန်းများ ဆောင်ရွက်နိုင်ရေး အတွက် ရည်ရွယ်ပြီး ရှေးဉီးပြုစုခြင်း လုပ်ငန်းများကို အမျိုးသားအဆင့် အစီအမံအဖြစ် နိုင်ငံ တစ်ဝှမ်းလုံး လွှမ်းခြုံ ဆောင်ရွက်နိုင်ရေးအတွက် အသင်းဉပဒေပါ ပြဋ္ဌာန်းချက်များနှင့်အညီ လိုအပ်သည့် မူဝါဒများ၊ လမ်းညွှန်ချက်များချမှတ်ပြီး ကြိုးပမ်းဆောင်ရွက်လျက်ရှိပေသည်။
အသင်း၏ ရှေးဉီးပြုစုခြင်းလမ်းညွှန်ချက်များအတိုင်း နိုင်ငံတစ်ဝှမ်း ရှိ ကြက်ခြေနီစေတနာ လုပ်အားရှင်များမှ နေ့စဉ်ကြုံတွေ့နေရသည့် မတော်တဆ ထိခိုက်ဒဏ်ရာရရှိမှုများ၊ သဘာဝ ဘေးအန္တရာယ်များ၊ ပဋိပက္ခအခြေအနေများတွင် သာမကပဲ နိုင်ငံအတွင်း လတ်တလော COVID-19 ကူးစက်ရောဂါ ဖြစ်ပွားစဉ် ကာလများတွင်ပါ ထိခိုက်ဒဏ်ရာရရှိသူများကို ရှေးဉီးပြုစုခြင်းနှင့် စိတ်ပိုင်းဆိုင်ရာအားပေးကူညီခြင်းလုပ်ငန်းများ စဉ်ဆက်မပြတ် ဆောင်ရွက်ပေးလျက်ရှိနေသည်ကို အမြဲတွေ့မြင်ကြားသိနေရပေသည်။
ကြက်ခြေနီ၏ လူသားချင်းစာနာထောက်ထားခြင်းအပေါ် အခြေခံကာ ထိခိုက်ဒဏ်ရာရရှိသူ များကို ခွဲခြားမှုမရှိပဲ မွန်မြတ်သည့် လူမှုကရုဏာ စိတ်ဓာတ် အပြည့်ဖြင့် စွမ်းစွမ်းတမံ ကူညီပေးခဲ့မှုများကြောင့် ပြည်သူလူထုအနေဖြင့် ရှေးဉီးပြုစုခြင်း၏ အကျိုးထိရောက်မှုများကို သိရှိ နားလည်ခံစားခဲ့ရပြီး ကြက်ခြေနီအသင်းကြီးအပေါ် ယုံကြည်အားကိုးမှုများ ပိုမို ဖြစ်ထွန်းလာကာ အသင်း၏ ပုံရိပ်မြှင့်တက်လာအောင် ဆောင်ရွက်ပေးခဲ့မှုများအတွက် အသင်းမှ အထူးပင် မှတ်တမ်းတင် ဂုဏ်ပြုအပ်ပေသည်။
ယခုနှစ် ၂၀၂၀ ပြည့်နှစ် ကမ္ဘာ့ရှေးဉီးပြုစုခြင်းနေ့၏ ဆောင်ပုဒ်မှာ “ရှေးဉီးပြုစု အလေ့အကျင့်များ၊ ကပ်ရောဂါအလိုက်ပြင်ဆင်သွား”၊ “Adapting First Aid Practices to the Pandemic” ဖြစ်ပါသည်။ ယနေ့ကမ္ဘာတစ်ဝှမ်းတွင် ဖြစ်ပွားနေသည့် COVID-19 ကူးစက်မြန်ရောဂါ၏ နောက်ဆက်တွဲဆိုးကျိုးများအဖြစ် ပြည်သူလူထုအတွင်း ရုပ်ပိုင်း ဆိုင်ရာ၊ စိတ်ပိုင်းဆိုင်ရာ၊ လူမှုရေးပိုင်းဆိုင်ရာ၊ ဆက်ဆံရေးပိုင်းဆိုင်ရာနှင့်၊ စီးပွားရေး လုပ်ငန်းပိုင်းဆိုင်ရာ ထိခိုက် ဆုံးရှုံးခြင်းများကို မလွဲမသွေ ကြုံတွေ့လျက်ရှိနေရပေသည်။ ၄င်း COVID-19 ကပ်ရောဂါ အခြေအနေများကြောင့် မိမိတို့၏ နေ့စဉ်ပုံမှန်ဘဝတွင် နေထိုင်မှု ပုံစံအသစ်ဖြင့် အသက်ရှင်သန်နိုင်ရေး၊ ပုံမှန်ဘဝသို့ ပြန်လည်ရောက်ရှိနိုင်ရေးအတွက် ဉီးတည်ပြီး ကြိုးပမ်းပြင်ဆင်ဆောင်ရွက်နေကြပြီဖြစ်ပေသည်။
အသင်းအနေဖြင့်လည်း ရပ်ရွာလူထုအတွက် အကောင်အထည်ဖော်ဆောင်ရွက်လျက်ရှိသည့် စီမံချက်စီမံကိန်းများ၏ လုပ်ငန်းများအားလုံးကို ကပ်ရောဂါအခြေအနေအလိုက် ပြောင်းလဲ ပြင်ဆင်ပြီး ပံ့ပိုး ကူညီ‌ဆောင်ရွက်ပေးလျက်ရှိပေသည်။ ၄င်းလုပ်ငန်းများအနက် ဆောင်ပုဒ်ပါ အတိုင်း ရှေးဉီးပြုစုခြင်းအလေ့အကျင့်များကိုလည်း အထူးအလေးပေးပြီး ပြောင်းလဲပြင်ဆင် ဆောင်ရွက်ခဲ့သည်ကို ကြက်ခြေနီစေတနာ လုပ်အားရှင်အားလုံးသိရှိပြီး ဖြစ်ပေသည်။
ကပ်ရောဂါကြောင့် နေ့စဉ်နေထိုင်မှုပုံစံများပြောင်းလဲသွားသကဲ့သို့ ရှေးဉီးပြုစုခြင်း အလေ့ အကျင့်များသည်လည်း ပြောင်းလဲသွားသည်ကို တွေ့ရှိရပေသည်။ သာဓကအားဖြင့် ဒဏ်ရာ ရရှိသည့် လူနာတစ်ဉီးကို တွေ့ရှိသည့်အခါတွင် အပြန်အလှန်ရောဂါပိုး ကူးစက်မှု မရှိ စေရေးကို ပိုမိုဉီးစားပေးဆောင်ရွက်ရခြင်း၊ သတိလစ်သောလူနာ၏ မျက်နှာအနီးတွင် မိမိ၏ မျက်နှာကပ်ပြီး အသက်ရှူမှုကိုစစ်ဆေးသည့်စနစ်ကို မလုပ်ဆောင်တော့ခြင်း၊ အသက်ရှူ ရပ်ပြီး နှလုံးခုန်ရပ်နေသည့် လူနာကို နှလုံးနှိုးဆွခြင်းကိုသာ ပြုလုပ်ပြီး အသက်ရှူ အားကူနည်းကို မပြုလုပ်တော့ခြင်း စသည့် အလေ့အကျင့်များသည် COVID-19 ကပ်ရောဂါ အလိုက် ပြောင်းလဲ ဆောင်ရွက်သွားရခြင်းဖြစ်သည်ကို တွေ့ရှိရပေသည်။
ယင်းပြောင်းလဲသွားသည့် ရှေးဉီးပြုစုခြင်း အလေ့အကျင့်များကို ကြက်ခြေနီစေတနာ လုပ်အားရှင်များသာမကပဲ လူမှုအသိုင်းအဝိုင်းရှိ ပြည်သူလူထုအားလုံး၊ မိတ်ဖက် အဖွဲ့အစည်းများအားလုံး လက်လှမ်းမီသိရှိနိုင်ရေးအတွက် သင်ကြားသင်ယူမှု ပုံစံအသစ် များဖြင့်ပြန့်ပွားအောင် ကြိုးပမ်းဆောင်ရွက်ရမည်မှာ ကြက်ခြေနီစေတနာလုပ်အားရှင် များ၏ လက်ဆင့်ကမ်းဆောင်ရွက်ရမည့် တာဝန်ပင် ဖြစ်ပေသည်။
ကြက်ခြေနီမှ လက်ဆင့်ကမ်းဖြန့်ဝေပေးသည့် ရှေးဉီးပြုစုခြင်း အလေ့အကျင့်များကို ပြည်သူ လူထုများအနေဖြင့် သိရှိ၊ နားလည်၊ လက်ခံလာပြီး ထိခိုက်ဒဏ်ရာရရှိမှုများကို ကိုယ်ကိုတိုင် တုန့်ပြန် ဆောင်ရွက်လာနိုင်ခြင်းအပြင် ကြက်ခြေနီ၏ရှေးဉီးပြုစုခြင်းလုပ်ငန်းများတွင် အတူ လက်တွဲ ပူးပေါင်းပါဝင်ဆောင်ရွက်လာနိုင်မည့် အကျိုးကျေးဇူးများ ရရှိလာမည် ဖြစ်ပေသည်။ သို့မှသာလျှင် ပြည်သူလူထု တစ်ဉီးချင်း၏ ရှေးဉီးပြုစုခြင်း ကိုယ်ပိုင်စွမ်းရည်များ တိုးတက် လာပြီး လူမှုအသိုင်းအဝိုင်းအတွင်း လူသားချင်းစာနာမှုကို အခြေခံသည့် ရှေးဉီးပြုစုခြင်း အလေ့အကျင့်ကောင်းများဖြင့် လူမှုကရုဏာကောင်းကျိုးများ ဖြစ်ထွန်းစေမည် ဖြစ်ပေသည်။
နိဂုံးချုပ်အနေဖြင့် ၂၀၂၀ ပြည့်နှစ် ကမ္ဘာ့ရှေးဉီးပြုစုခြင်းနေ့ အထိမ်းအမှတ်အခါသမယတွင် ကြက်ခြေနီစေတနာလုပ်အားရှင်များအနေဖြင့် ကြက်ခြေနီအခြေခံမူ (၇) ချက်ပါ အတိုင်း ခွဲခြာခြင်းမရှိခြင်းမူကို အစဉ်စောင့်ထိန်းပြီး COVID-19 ကပ်ရောဂါ ကာကွယ်ထိန်းချုပ်တား ဆီးရေး လုပ်ငန်းများတွင် ပြည်သူလူထုနှင့်အတူ ရှေးဉီးပြုစုခြင်း အလေ့အကျင့်ကောင်း များဖြင့် နိုင်ငံအကျိုးပြု၊ ပြည်သူ့အကျိုးပြု၊ လူမှုကရုဏာလုပ်ငန်းများကို ယခုထက်ပိုမိုပြီး စွမ်းစွမ်းတမံ အကောင်အထည်ဖော်ဆောင်ရွက်သွားကြပါလို့ တိုက်တွန်းဆန္ဒပြုလိုက်ရ ပေသည်။

ဒေါက်တာမောင်မောင်မြင့်
ဥက္ကဌ
မြန်မာနိုင်ငံကြက်ခြေနီအသင်း

03/09/2020

အပြင်သွားတိုင်း Mask တပ်ပါ။
မလိုအပ်ပဲ အပြင်မသွားပါနဲ့။
လူစုလူဝေးကိုရှောင်ရှားပါ။
လက်ခနခနဆေးပေးပါ။

29/08/2020

Children under 5 years old should not wear face coverings due to the risk of suffocation. 👶👶🏽👶🏿 😷

Source

25/08/2020

ကမ္ဘာကြီးကိုကယ်တင်ဖို့ ဝိုင်းဝန်း ကူညီကြပါစို့။ 💚
ကျွနုပ်တို့နှင့်အတူ စေတနာ့ဝန်ထမ်းအဖြစ်ပါဝင်လိုက်ပါ။

Help us save our planet 💚


Source

18/08/2020

COVID-19 ရောဂါက မပြီးသေးပါဘူးနော်။
ထိခိုက်ခံစားရလွယ်သူတွေကို အကာကွယ်ပေးရမှာက အားလုံးရဲ့စုပေါင်းတာဝန်ပါ။
အပြင်ထွက်တိုင်း Mask တပ်ပါ ၊ လူအများနဲ့ ခပ်ခွာခွာနေပါ ၊ လက်ခနခနဆေးပေးပါ ။



Source : IFRC, WHO

24/03/2020

🙏 လိုက်နာဆောင်ရွက်ပေးကြပါ 👇👇

👉 COVID-19 ဆပ်ပြာနှင့် ရေ ကို အသုံးပြု လက်ဆေးခြင်းဖြင့် ကာကွယ်ပါ

👉 COVID-19 ကာကွယ်ဖို့ မောင်တို့မယ်တို့ လိုက်နာစို့
စားသောက်ဆိုင်များ၊ ဟိုတယ်စားသောက်ခန်းမများအတွက်

👉 COVID-19 ရောဂါကာကွယ်ရေးနည်းလမ်းများ

Credit to: MOHS
နေပြည်တော်၊ (၂၀၂၀) ပြည့်နှစ်၊ မတ်လ (၂၄) ရက်နေ့

24/03/2020

Covid-19 ဆောင်ရန် ရှောင်ရန်များ

21/03/2020