Upper Minhla P.D.F

03/11/2025

အာဏာရှင်ကို အမြစ်ပြတ် ချေမှုန်းနိုင်ရေးနှင့်

ဖက်ဒရယ်ဒီမိုကရေစီတည်ထောင်နိုင်ရေး

အတွက် ဝိုင်းဝန်းလှူဒါန်းပေးကြသော

အလှူရှင် တစ်ယောက်ချင်းစီတိုင်းကို

ကျွန်တော်တို့ မင်းလှ pdf အဖွဲ့မှ အထူး

ကျေးဇူးတင်ရှိပါသည်။

29/10/2025

CDMသူရဲကောင်း ထောက်ပို့ အကိုတစ်ဦးဖြစ်သည့် မြေလတ် သား ရဲ့
October 29ရက်နေ့တွင် ကျရောက်သော မွေးနေ့ရက်မြတ်တွင်
ကျွန်တော်တို့ အထက်မင်းလှမြို့နယ် ပြည်သူ့ကာကွယ်ရေးအဖွဲ့ ရဲဘော်များအတွက် အသားဟင်းနှင့် ထမင်းတစ်နပ်အား မွေးနေ့အထိမ်းအမှတ် အမှတ်တရအဖြစ် ကျွေးမွေးခဲ့သည့်အတွက် ကျွန်တော်တို့ အထက်မင်းလှမြို့နယ် ပြည်သူ့ကာကွယ်ရေးအဖွဲ့ ရဲဘော်များမှ အထူးပင်ကျေးဇူးတင်ရှိပြီးမှတ်တမ်းတင်အပ်ပါသည်။

မှတ်ချက်။ ။ရှေ့တန်းရောက် ရဲဘော်များ၏ ဓာတ်ပုံများအား လုံခြုံရေးအရ တင်ပြခြင်းမပြုလုပ့်ခဲ့ပါ။

14/10/2025

ယခင်မကွေးတိုင်းဒေသကြီးကို မကွေးဖက်ဒရယ်ယူနစ် လို့ပြောင်းလဲသတ်မှတ်ထားတဲ့ မကွေးဖက်ဒရယ်ယူနစ်ရဲ့ ကြားကာလအစီအမံ တနည်းအားဖြင့်တော်လှန်ရေးကာလ အတွင်းကျင့်သုံးမယ့်အစီအမံ တစ်ခုကို မကွေးဖက်ဒရယ်ယူနစ် ကြားကာလအစီအမံရေးဆွဲရေးကော်မရှင်က ဒုတိယမူကြမ်းအဖြစ် လွှတ်တော်ကိုတင်လာပါပြီ။
ဒီအစီအမံဟာ မကွေးဖက်ဒရယ်ယူနစ်အတွင်းမှာနေတဲ့ ပြည်သူလူထုနဲ့ တိုက်ရိုက်သက်ဆိုင်တဲ့ ကိစ္စဖြစ်ပါတယ်။ ဒီယူနစ်အတွင်းမှာ လွှတ်တော်ရဲ့အခန်းဏ္ဍကိုဘယ်လိုလုပ်မယ်၊အုပ်ချုပ်ရေးယန္တရားကိုဘယ်လိုလည်ပတ်မယ်၊ တရားရုံးတွေကိုဘယ်လိုထူထောင်မယ် စတဲ့မဏ္ဍိုင်ကြီး သုံးခုအပြင် ပြည်သူတွေရဲ့အခွင့်အရေးတွေ လုံခြုံရေးတွေ လွတ်လပ်မှုနဲ့တန်းတူညီမျှမှုတွေ ရရှိအောင်ဘယ်လိုဆောင်ရွက်မယ်ဆိုတဲ့အချက်တွေလည်းပါဝင်တယ်။ ဒီအစီအမံမှာ ဖက်ဒရယ်စနစ်နဲ့ကိုက်ညီတဲ့အခြေခံမူတွေပါသလို
နိုင်ငံသား၊ပြည်နယ်သားသတ်မှတ်ချက်တွေ ၊ဒီမိုကရေစီစံနှုန်းတွေ ၊မတူကွဲပြားမှုတွေ ၊တိုင်းရင်းသားလူမျိုး၊ဘာသာစကား၊ယဥ်ကျေးမှုတွေရဲ့အခွင့်အရေးတွေကိုလည်း အလေးထားဖော်ပြထားတာတွေ့ရပါတယ်။ မကွေးဖက်ဒရယ်ယူနစ်အစိုးရကိုဘယ်လိုဖွဲ့မယ်၊ဝန်ကြီးချုပ်ကိုဘယ်လိုရွေးချယ်မယ်၊ဝန်ကြီးတွေကိုဘယ်လိုရွေးချယ်မယ် စတဲ့အချက်တွေလည်းပါဝင်ပါတယ်။ ပြည်သူလူထုအတွင်းဘယ်လောက်အတိုင်အတာအထိ ပါဝင်ခွင့်ပြုထားသလဲ၊ ဘယ်လိုလိုအပ်ချက်တွေရှိသလဲဆိုတာတွေကိုသိရှိနိုင်ဖို့ အင်မတန်အရေးကြီးပါတယ်။ အားနည်းချက်အားသာချက်တွေများစွာပါဝင်နိုင်ပါတယ်။
ဒါကြောင့် ဒီအစီအမံကို မကွေးဖက်ဒရယ်ယူနစ်အတွင်းမှာနေထိုင်တဲ့ပြည်သူတွေဟာ ဖတ်ရှုလေ့လာထောက်ပြဝေဖန်ပေးဖို့တာဝန်ရှိသလို လိုက်နာကျင့်သုံးရမယ့်တာဝန်လည်းရှိတာကြောင့် မဖြစ်မနေဖတ်ဖို့ တိုက်တွန်းချင်ပါတယ်။
တော်လှန်ရေးကာလမှာနယ်မြေတွေတစ်ခုပြီးတစ်ခုစိုးမိုးမှုရလာတဲ့အနေအထားအရ အုပ်ချုပ်ရေးယန္တရားနဲ့ပြည်သူ့လုံခြုံရေးကဏ္ဍတွေဟာ မဖြစ်မနေဆောင်ရွက်ဖို့လိုတာကြောင့် စကမ မကျဆုံးမီအချိန်ထိကာလကို ကြားကာလလို့သတ်မှတ်ထားပြီး ဆောင်ရွက်နိုင်ဖို့ရေးဆွဲ့တဲ့သဘောဖြစ်ပါတယ်။
စကမကျဆုံးပြီးလို့ ဖက်ဒရယ်(ပြည်ထောင်စု)ရဲ့အခြေခံဥပဒေ မပေါ်ပေါက်မီအချိန်အထိကာလကိုတော့ အသွင်ကူးပြောင်းရေးကာလ လို့သတ်မှတ်ထားပါတယ်။
ဒီကာလအလွန် ဖက်ဒရယ်ဖွဲ့စ​ည်းပုံအခြေခံဥပဒေအရရွေးကောက်ပွဲတွေကနေပေါ်ထွက်လာမယ့်လွှတ်တော်၊ အစိုးရကိုရရှိတဲ့အချိန်ကျမှ ကျွန်မတို့ပြည်သူတွေ မျှော်မှန်းတဲ့ ပြည်သူ့အစိုးရတစ်ရပ်
အဖြစ် တည်ရှိလာမှာဖြစ်ပါတယ်။
ဒါကြောင့် ကျွန်မတို့ပြည်သူလူထုကမိမိကိုအုပ်ချုပ်မယ့် အစိုးရတွေရဲ့ နိုင်ငံရေးအပြောင်းအလဲနဲ့နိုင်ငံရေးအခြေအနေတွေကိုမျက်ခြေမပြတ်လေ့လာနေဖို့လိုသလို ကောင်းမွန်တဲ့စီမံအုပ်ချုပ်မှုပုံစံရရှိဖို့ အကြံပြုဆွေးနွေးပေးဖို့လည်းတာဝန်ရှိပါတယ်။
အချုပ်အခြာအာဏာသည်ပြည်သူ့ထံမှဆင်းသက်သည်လို့ ဖော်ပြထားတဲ့အတိုင်းအကောင်အထည်ဖော်နိုင်ဖို့ကျွန်မတို့အားလုံးတာဝန်ကိုယ်စီ ဝိုင်းဝန်းပါဝင်ပေးကြဖို့ အကြံပြုတိုက်တွန်းအပ်ပါတယ်။

မှတ်ချက်။ ။ "မ​ကွေးဖက်ဒရယ်ယူနစ်ကြားကာလအစီအမံ" လို့ရေးဆွဲရေးကော်မရှင်ကတင်သွင်းလာတဲ့အတိုင်း အသုံးပြုထားပါတယ်။
ကျွန်မသဘောထားကတော့ အစီအမံလို့သုံးစွဲမယ့်အစား
"မကွေးဖက်ဒရယ်ယူနစ်ကြားကာလအစီအမံ
ဥပဒေ "
လို့ အသုံးပြုစေလိုကြောင်း အကြံပြုပါတယ်။

07/09/2025

အာဏာရှင်ကို အမြစ်ပြတ် ချေမှုန်းနိုင်ရေးနှင့်

ဖက်ဒရယ်ဒီမိုကရေစီတည်ထောင်နိုင်ရေး

အတွက် ဝိုင်းဝန်းလှူဒါန်းပေးကြသော

အလှူရှင် တစ်ယောက်ချင်းစီတိုင်းကို

ကျွန်တော်တို့ မင်းလှ pdf အဖွဲ့မှ အထူး

ကျေးဇူးတင်ရှိပါသည်။

26/08/2025

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
https://nugmyanmar.org

တရားမဝင် အတုအယောင် ရွေးကောက်ပွဲနှင့် ပတ်သက်သည့် အမျိုးသားညီညွတ်ရေးအစိုးရ၏ ရပ်တည်ချက်နှင့် သဘောထားအား ထုတ်ပြန်ကြေညာခြင်း

၂၀၂၅ခုနှစ်၊ ဩဂုတ်လ (၂၄)ရက်

၁။၂၀၂၁ ခုနှစ် ဖေဖော်ဝါရီလ (၁) ရက်နေ့တွင် နိုင်ငံတော် သမ္မတဦးဝင်းမြင့်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် ပြည်သူ့အစိုးရခေါင်းဆောင်များကို မတရား ဖမ်းဆီးပြီး နိုင်ငံတော်ပုန်ကန်မှုကို ကျူးလွန်ခဲ့သည့် စစ်တပ်သည် ရွေးကောက်ပွဲကျင်းပပိုင်ခွင့် အခွင့်အာဏာ အလျဉ်းမရှိသော ပြည်ထောင်စုသမ္မတမြန်မာနိုင်ငံတော်နှင့် ပြည်သူလူထု၏ရန်သူ(The Enemy of the State) အဖြစ် ၂၀၂၄ ခုနှစ် စက်တင်ဘာလ (၅) ရက်နေ့တွင် ကြေညာခြင်းခံထားရသည့် အဖွဲ့အစည်းတခုသာဖြစ်သည်။

၂။ ၂၀၂၁ ခုနှစ် မတ်လ (၃၀) ရက်နေ့တွင် ပြည်ထောင်စုလွှတ်တော်ကိုယ်စားပြုကော်မတီ(CRPH) က ၂၀၀၈ ဖွဲ့စည်းပုံအခြေခံဥပဒေကို ပယ်ဖျက်ကြောင်းကြေညာခဲ့ပြီးဖြစ်သောကြောင့် အဆိုပါ အခြေခံဥပဒေအတိုင်း လုပ်ဆောင်လျက်ရှိသော အကြမ်းဖက်စစ်တပ်၏ လုပ်ရပ်မှန်သမျှသည် တရားမဝင်သော၊ ဥပဒေမဲ့ လုပ်ရပ်များသာဖြစ်သည်။

၃။၂၀၂၀ ရွေးကောက်ပွဲရလဒ်သည် နိုင်ငံရေးအရ တရားဝင်မှုရှိနေဆဲဖြစ်ပြီး အဆိုပါ ရွေးကောက်ပွဲရလဒ်အရ ပေါ်ပေါက်လာသည့် ဥပဒေပြုရေးမဏ္ဍိုင်များ၊ အုပ်ချုပ်ရေးမဏ္ဍိုင်များ အခိုင်အမာ တည်ရှိနေပြီးဖြစ်သည်။ ပြည်သူလူထု၏သဘောဆန္ဒနှင့် ဆန့်ကျင်ပြီး ၎င်းတို့၏ အာဏာ တည်မြဲရေးနှင့် ကျူးလွန်ခဲ့၊ ကျူးလွန်လျက်ရှိသော စစ်ရာဇဝတ်မှုများမှ ပြစ်ဒဏ်ကင်းလွတ်ခွင့် ရရှိရေးတို့အတွက် တရားမဝင် အတုအယောင်ရွေးကောက်ပွဲတခုကို ဇွတ်အတင်းဖန်တီးပြုလုပ်ခြင်းသည် ဒီမိုကရေစီကျင့်စဉ်ကို ချိုးဖောက်ခြင်းအပြင် ပြည်သူ့အချုပ်အချာ အာဏာကို မတရားရယူရန်ကြိုးစားခြင်း ဖြစ်သည်။

၄။ အမျိုးသားညီညွတ်ရေးအစိုးရအနေဖြင့် စစ်တပ်က ကြိုးကိုင်ထားသော ဟန်ပြ နိုင်ငံရေးလှည့်စားမှု မဟုတ်ဘဲ ပြည်သူက တွန်းအားပေးသော၊ အားလုံးပါဝင်နိုင်မှုရှိသော၊ ဒီမိုကရေစီ နည်းကျသော လုပ်ငန်းစဉ်ကသာ မြန်မာနိုင်ငံ၏ အနာဂတ်ကို အမှန်တကယ် ဆုံးဖြတ်ပေးနိုင်မည်ဟု ယုံကြည်သောကြောင့် မဟာမိတ်တိုင်းရင်းသားအဖွဲ့များအပါအဝင်၊ တော်လှန်ရေးအင်အားစုများနှင့် လက်တွဲကာ မိမိတို့၏ ပင်မနိုင်ငံရေးလမ်းကြောင်းဖြစ်သော ဖက်ဒရယ်ဒီမိုကရေစီ ပဋိညာဉ် အခန်း(၃) နိုင်ငံရေးလမ်းပြမြေပုံ အဆင့် (၁၁) တွင် ပြဌာန်းထားသည့် "တိုင်းပြုပြည်ပြု ညီလာခံက ရေးဆွဲအတည်ပြုထားသည့် ဖက်ဒရယ်ဒီမိုကရေစီ ဖွဲ့စည်းပုံအခြေခံ ဥပဒေကို လူထုဆန္ဒခံယူပွဲ ကျင်းပပြီး အတည်ပြုပြဌာန်းခြင်းနှင့် ရွေးကောက်ပွဲကျင်းပခြင်း" မူဘောင်အတိုင်း ရပ်တည်ကာ စနစ်ပြောင်းတော်လှန်ရေးကို ဆက်လက်ဆောင်ရွက်သွားမည်ဖြစ်သည်။

၅။ ထို့အပြင် အမျိုးသားညီညွတ်ရေးအစိုးရ အကြမ်းဖက်မှုတိုက်ဖျက်ရေးဗဟိုအဖွဲ့က စစ်အုပ်စုနှင့် ၎င်း၏ လက်အောက်ခံဖြစ်သော ပြည်ထောင်စုရွေးကောက်ပွဲကော်မရှင် အမည်ခံ အဖွဲ့အစည်းတို့ကို အကြမ်းဖက် အုပ်စုများအဖြစ်ကြေညာထားပြီးဖြစ်ရာ အမျိုးသားညီညွတ်ရေးအစိုးရ၏ စိုးမိုးထိန်းချုပ်နယ်မြေများအတွင်း တရားမဝင် အတုအယောင်ရွေးကောက်ပွဲကို ဇွတ်အတင်းပြုလုပ်ရန် ပြည်သူလူထုအား ဖိအားပေးဆောင်ရွက် လာမှုများရှိပါက ဥပဒေလုပ်ထုံးလုပ်နည်းများနှင့်အညီ ထိရောက်စွာ ဖမ်းဆီးအရေးယူဆောင်ရွက်သွားမည် ဖြစ်သည်။

၆။ အကြမ်းဖက်စစ်အုပ်စုသည် ခေတ်အဆက်ဆက် တိုင်းရင်းသားပြည်သူများနှင့် မြန်မာနိုင်ငံသူ နိုင်ငံသားများအပေါ် နည်းလမ်းပေါင်းစုံဖြင့် ဖိစီးနှိပ်စက်မှုများ၊ လူမျိုးတုန်းသတ်ဖြတ်မှုများ၊ စစ်ရာဇဝတ်မှု များကို ကျူးလွန်ခဲ့သဖြင့် ကမ္ဘာကအလိုရှိနေသော စစ်ရာဇဝတ်သားများဖြစ်သလို ပြည်သူ့အာဏာကို မတရားလုယူရန်ကြိုးစားခဲ့သည့် ၂၀၂၁ ခုနှစ် ဖေဖော်ဝါရီလ (၁) ရက်မှ စတင်သည့် ပြည်သူ့နွေဦးတော်လှန်ရေး တွင်လည်း ပြည်သူလူထုအပေါ် ကြီးမားသည့် စစ်ရာဇဝတ်မှုမြောက်များစွာ ဆက်လက်ကျူးလွန်ခဲ့သည့် အစုအဖွဲ့လည်းဖြစ်သည်။ ယခု ၂၀၂၅ ခုနှစ် ဩဂုတ်လမှ စတင်၍ အကြမ်းဖက်စစ်အုပ်စုသည် အမည်နာမနှင့် ဖွဲ့စည်းပုံပြောင်းလဲကာ တရားမဝင် အတုအယောင် ရွေးကောက်ပွဲကို ဇွတ်အတင်း ပြုလုပ်နိုင်ရန်ရည်ရွယ်ပြီး ပြည်သူလူထုကို ပစ်မှတ်ထားသည့် ဗုံးကြဲတိုက်ခိုက်မှုများ၊ လက်နက်ကြီးဖြင့် တိုက်ခိုက်မှုများ၊ စစ်ကြောင်းထိုး တိုက်ခိုက်မှုများ၊ ကြီးမားသော စစ်ရာဇဝတ်မှုများကို ဆတိုးလုပ်ဆောင်လာလျက်ရှိသည်ကိုလည်း တွေ့ရသည်။

၇။ ပြည်တွင်း၊ ပြည်ပ ကမ္ဘာအရပ်ရပ်တွင်ရှိကြသော မြန်မာပြည်သူလူထုသည် အကြမ်းဖက်စစ်တပ်၏ မတရားအာဏာလုယူရန်ကြိုးစားမှုကို လက်မခံကြောင်း ဖိနှိပ်မှုများစွာကြားထဲကပင် နည်းလမ်းမျိုးစုံဖြင့် ဆန္ဒ ဖော်ထုတ်ပြသခဲ့ကြပြီးဖြစ်သကဲ့သို့ ယခုကဲ့သို့ တရားမဝင်အတုအယောင်ရွေးကောက်ပွဲတခုကို သေနတ် ထောက်၊ ဓားမိုး၍ ဇွတ်အတင်းပြုလုပ်ရန်ကြိုးစားလာမှုကိုလည်း တတ်စွမ်းသည့်နည်းဖြင့် ဆန့်ကျင်တော်လှန် ကြဦးမည်ဟု အပြည့်အဝယုံကြည်ပါသည်။

၈။ နိုင်ငံတကာ အစိုးရများ၊ နိုင်ငံတကာ အဖွဲ့အစည်းများနှင့် ဒီမိုကရေစီ မဟာမိတ်များအနေဖြင့် အကြမ်းဖက်စစ်အုပ်စုက ဇွတ်အတင်းပြုလုပ်မည့် တရားမဝင် အတုအယောင်ရွေးကောက်ပွဲသည် မြန်မာနိုင်ငံ၏ လက်ရှိအခြေအနေများကို ပြေလည်စေမည့် အဖြေမဟုတ်ကြောင်းနှင့် ၎င်းလုပ်ရပ်ကို ထောက်ခံအားပေးခြင်းသည် မြန်မာပြည်သူလူထုအပေါ် စစ်အုပ်စုက ကျူးလွန်ခဲ့၊ ကျူးလွန်လျက်ရှိသော စစ်ရာဇဝတ်မှုများအား ထောက်ခံအားပေးခြင်း၊ အဆိုပါ ပြစ်မှုများအတွက် ပြစ်ဒဏ်ကင်းလွတ်ခွင့်ကို အထောက်အကူပြုခြင်းတို့နှင့် အလားသဏ္ဍာန်တူသည်ကို သတိချပ်ကြလျက် မြန်မာပြည်သူများနှင့်အတူ ခိုင်မြဲစွာ ရပ်တည်ပြီး စစ်အုပ်စု၏ အတုအယောင် ရွေးကောက်ပွဲကို ဆန့်ကျင်ငြင်းပယ်ရန်၊ ကျွန်ုပ်တို့နိုင်ငံတွင် ဒီမိုကရေစီ၊ လူ့အခွင့်အရေးနှင့် ရေရှည် တည်တံ့ခိုင်မြဲသော ငြိမ်းချမ်းရေး ပြန်လည်ရရှိရေး ကြိုးပမ်းမှုအတွက် ပံ့ပိုးမှုကို အားဖြည့်ပေးရန် အမျိုးသားညီညွတ်ရေးအစိုးရက အလေးအနက် တိုက်တွန်းလိုက်သည်။

အမျိုးသားညီညွတ်ရေးအစိုးရ

05/07/2025

မကွေးဒေသ အတွင်းတိုက်ပွဲသတင်းပူးတွဲထုတ်ပြန်ကြေညာခြင်း။

ရက်စွဲ-၅.၇.၂၀၂၅။

27/06/2025

12/06/2025

❝ ဒေါ်အောင်ဆန်းစုကြည်နဲ့တကွ တပြည်လုံး လွတ်မြောက်ရေးအတွက် ဆက်ရုန်းကြ ❞

═════════════

#ပန်းသပိတ်



အားလုံးသိကြပြီးဖြစ်တဲ့အတိုင်း လာမယ့် ဇွန် (၁၉) ရက်နေ့ဟာ လူထုခေါင်းဆောင် ဒေါ်အောင်ဆန်းစုကြည်ရဲ့ အသက် (၈၀) ပြည့် မွေးနေ့ရက်မြတ် ဖြစ်ပါတယ်။
အာဏာသိမ်း စစ်အုပ်စုရဲ့ အဓမ္မ ဖမ်းဆီးအကျဥ်းချခံထားရတဲ့ ဒေါ်အောင်ဆန်းစုကြည်ဟာ ကမ္ဘာ့အသက်အကြီးဆုံးသော နိုင်ငံရေးအကျဉ်းသားပဲ ဖြစ်ပါလိမ့်မယ်။

အာဏာသိမ်းဖက်ဆစ်တပ်ဟာ ယခုထိ ရရှိထားတဲ့ အချက်အလက်တွေအရ လူထုခေါင်းဆောင် ဒေါ်အောင်ဆန်းစုကြည်နဲ့ သမ္မတကြီးဦးဝင်းမြင့် အပါအဝင် နိုင်ငံရေးအကျဉ်းသား စုစုပေါင်း (၂၂၁၂၂) ဦးကို အဓမ္မ ချုပ်နှောင်ဖမ်းဆီး အကျဉ်းချထားတယ်လို့ သိရပါတယ်။
ဒီအရေအတွက်ကြောင့်ပဲ မြန်မာနိုင်ငံဟာ ကမ္ဘာပေါ်မှာ နိုင်ငံရေးအကျဉ်းသား အများဆုံးဖမ်းဆီးခံထားရတဲ့တိုင်းပြည်တခု ဖြစ်ပါလိမ့်မယ်။

အာဏာသိမ်းစစ်အုပ်စုဟာ ဒီနှစ်ကုန် ဒီဇင်ဘာလထဲမှာ “လုပ်ပွဲ” တခု ထပ်ဖန်တီးဖို့လည်း ရှိနေပါတယ်။
အဲ့ဒါကတော့ "အတုအယောင် ဟန်ပြ ရွေးကောက်ပွဲ" ဆိုတာပါပဲ။
ဒီ​ကနေ အာဏာသိမ်းစစ်တပ်မှသည် တရားဝင်ရွေးကောက်ခံအစိုးရ ဆိုတာကြီး ဖြစ်သွားလိမ့်မယ်ပေါ့.အတော်ရယ်ရတဲ့ သူတွေပါပဲ။
ဒါသည်ပင် လူထုကို အထင်သေးခြင်း၊ စော်ကားခြင်းသာ ဖြစ်ပါတယ်။

စစ်ကျွန်သက်ဆိုး ရှည်စေမယ့် ဒီလုပ်ပွဲကိုလည်း ပြည်သူလူထုတရပ်လုံးက ပြတ်ပြတ်သားသား ဆန့်ကျင် သပိတ်မှောက်ကြဖို့ သိပ်ကို အရေးကြီးပါတယ်။

အသက် (၈၀) ပြည့်သွားတဲ့ လူထုခေါင်းဆောင် ဒေါ်အောင်ဆန်းစုကြည်ဟာ သူ့ယုံကြည်ချက်အတွက်၊ စစ်အာဏာရှင်လက်က တိုင်းပြည်လွတ်မြောက်ရေးအတွက် ဒီအသက်အရွယ်ထိ ဆက်လက် ကြိုးပမ်းထမ်းရွက်နေဆဲပါ။

အကျဉ်းထောင်တွေထဲက ခေါင်းဆောင်တွေ၊ ရဲဘော်တွေကတောင် မဆုတ်မနစ်တိုက်ပွဲဝင်နေကြချိန်မှာအကျယ်ထောင်က ပြည်သူလူထုအနေနဲ့ကလည်းတော်လှန်ရေးမှတပါး အခြားမရှိပါဘူး။

တော်လှန်ရေးလို့ဆိုရာမှာလည်း လ-က်န-က်ကိုင်ပြီး တိုက်နိုင်မှ တော်လှန်ရေးလုပ်နိုင်တာ မဟုတ်ပါဘူး။ လ-က်န-က်ကိုင်တိုက်ပွဲအပြင် ပြည်သူလူထုအားလုံး ကိုယ်တိုင်ကိုယ်ကျ ပါဝင်ဆင်နွှဲနိုင်တဲ့ အခြားသော အာဏာရှင်စနစ် ဆန့်ကျင်ရေး လူထုလှုပ်ရှားမှု၊ လူထုတိုက်ပွဲနည်းနာအားလုံးကလည်း တော်လှန်ရေးလုပ်ငန်းစဥ်တွေပါပဲ။

ဒါ့ကြောင့် လူထုခေါင်းဆောင် ဒေါ်အောင်ဆန်းစုကြည်ရဲ့ အသက် (၈၀) ပြည့်မွေးနေ့ကို ဂုဏ်ပြုကြိုဆိုတဲ့အထိမ်းအမှတ်အဖြစ်
မွေးနေ့ရှင်နဲ့တကွ အဓမ္မဖမ်းဆီးခံထားရတဲ့ နိုင်ငံရေးအကျဉ်းသားများအားလုံး ခြွင်းချက်မရှိ အမြန်ဆုံး လွတ်မြောက်ရေး၊ စစ်အုပ်စု ဖန်တီးနေတဲ့ အတုအယောင် တရားမဝင်ရွေးကောက်ပွဲကို သပိတ်မှောက်တဲ့အနေနဲ့ လူထုလှုပ်ရှားမှုကြီး (၂) ခု ဆင်နွှဲကြဖို့ တိုက်တွန်းနှိုးဆော်လိုက်ပါရစေ။

ပထမလှုပ်ရှားမှုကတော့ လူထုခေါင်းဆောင် ဒေါ်အောင်ဆန်းစုကြည်ရဲ့မွေးနေ့နဲ့ တွဲမြင်ပြီးသားဖြစ်တဲ့ “ပန်းသပိတ်” လှုပ်ရှားမှုပါ။
နှင်းဆီနီအပါအဝင် လက်လှမ်းမီရာပန်းတွေ
ကို ဘုရားပန်း တင်မယ်၊ ဆံကေသာမှာ အမြတ်တနိုး ပန်ဆင်ကြမယ်၊ အလှပန်းအိုး ထိုးမယ်၊ အပြန်အလှန် ပန်းလက်ဆောင် ပေးကြမယ်၊ အွန်လိုင်းပေါ် တင်ကြမယ်၊ မြေပြင်မှာလည်း ပန်းသပိတ် လူထုလှုပ်ရှားမှုတွေကို (လုံခြုံရေး အသိ၊ သတိ အပြည့်နဲ့) ဖော်ဆောင်သွားကြပါမယ်။

ဒုတိယလှုပ်ရှားမှုကတော့ လူထုနဲ့ ရင်းနှီးပြီးသား “အင်္ကျီပြာ” လှုပ်ရှားမှု (Blue Shirt Campaign) ပါ။
နိုင်ငံရေးအကျဉ်းသားများလွတ်မြောက်ရေးအတွက် ရည်ရွယ်တဲ့ အင်္ကျီအပြာ၊ ပုဆိုးအပြာ၊ ဘောင်းဘီအပြာ၊ ဦးထုတ်အပြာ အစရှိတဲ့ အပြာရောင် အဝတ်အစား အသုံးအဆောင်တွေကို ဝတ်ဆင် အသုံးပြုကြဖို့ပါ။

ဒီနှစ်ကတော့ လူထုခေါင်းဆောင်ရဲ့ အသက် (၈၀) ပြည့် နှစ်ဖြစ်တာနဲ့အညီ ဒီလှုပ်ရှားမှု (၂) ခုလုံးကို (၈) ရက်တာလှုပ်ရှားမှုအဖြစ် ဖော်ဆောင်သွားကြဖို့ ဖြစ်ပါတယ်။

အခုလာမယ့် ဇွန် (၁၄) ရက်နေ့ကနေ (၂၁) ရက်နေ့ထိ စုစုပေါင်း (၈) ရက်တာကာလအတွင်းမှာ #ပန်းသပိတ်နဲ့ အင်္ကျီပြာလှုပ်ရှားမှုတို့ကို မိမိတို့အဆင်ပြေရာရက် တရက်ရက်မှာဖြစ်စေ၊ နေ့စဉ်ပါဝင်နိုင်သူကလဲ နေ့စဥ် အဆင်ပြေသလို ဆင်နွှဲပါဝင်ကြဖို့ ဖြစ်ပါတယ်။

အဓမ္မ ဖမ်းဆီးခံထားရတဲ့ မွေးနေ့ရှင် လူထုခေါင်းဆောင် ဒေါ်အောင်ဆန်းစုကြည်နဲ့ တကွ နိုင်ငံရေး အကျဉ်းသားများအားလုံးရဲ့ လွတ်မြောက်ရေးမှသည် မြန်မာတပြည်လုံး အာဏာရှင်စနစ်ဆိုးအောက်ကနေ အမြန်ဆုံး လွတ်မြောက်ရေးအတွက် ပြင်းပြခိုင်မာတဲ့စိတ်ဓာတ်နဲ့ ညီညာစုရုံး အတူဆက်တိုက်ပွဲဝင်ကြပါစို့။

#ကြောက်ခေတ်ကို_မှောက်ပစ်





#တက်စုံဖွင့်ရွက်ကုန်လွှင့်

အရေးတော်ပုံ အောင်ရမည်။