𝚃𝚑𝚎 𝙿𝙳𝙵'𝚜 𝙳𝚒𝚊𝚛𝚢

30/05/2026

ခုများတော့ တိုင်ချင်ရင်တောင် အသက်အာမခံချက် အရင်ရှာနေရတယ် အမေ
အလုပ်လဲ မပြုတ်ကြတော့ ဘယ်သူ့မှလဲ မကြောက်ကြတော့ဘူးလေ
ပြည်သူဗဟိုပြုအုပ်ချုပ်ရေးယန္တရားကြီးက အခုလိုဖြစ်နေတာကို အမေမြင်ရင် ဘာများ ပြောလေဦးမလဲ

29/05/2026

ပြည်သူလူထုကိုသာ ရှေးရှူကြပါ ဒါပါပဲ

29/05/2026

ပျင်းလို့ ပွဲရှာလိုက်တာ ပျော်စရာကြီးဟေး

တခုတော့ သိအောင် ပြောပြချင်ပါတယ်
ကျွန်တော်က NUG မုန်းတီးရေးသမားလုံးဝမဟုတ်ပါဘူး
NUG နဲ့လဲအဆင်ပြေသော ဆက်ဆံရေးမှာ ရှိတဲ့ တပ်ကပါ
အစိုးရတရပ်အနေနဲ့လဲ ကျွန်တော့်သဘောထားအရ လက်ခံပါတယ်
ဒီလိုလက်ခံထားတဲ့အလျောက်လဲ တခုခုဆို လူထုပဲ့ပြင်မှုလိုအပ်တယ်လို့ ခံစားရလို့ ထောက်ပြဝေဖန်ပါတယ်

ကျွန်တော် မဖြစ်ချင်တာ တခုပဲ ရှိပါတယ်
တခုခုကို မျက်စိမှိတ်ယုံတဲ့ အစွန်းရောက် တော်လှန်ရေးသမားပါ
မကြိုက်ရင် မကြိုက်တာကို ရဲရဲကြီး ပြောရဲတဲ့ ဒီမိုကရေစီဘက်သားပဲ ဖြစ်ချင်ပါတယ်

မည်သူမဆို ကိုယ့်ဆန္ဒကို ပွင့်ပွင့်လင်းလင်းဆွေးနွေးနိုင်ပါတယ်
ဒါပါပဲ

28/05/2026

သူရဲကောင်းတွေဟာ အတောင်မကျိုးဘူး
အမြဲတမ်း ပျံသန်းနေမှာ

27/05/2026

ထိုင်နေလို့ မရဘူး
ငိုင်နေလို့ မရဘူး
မှိုင်နေလို့ မရဘူးကွ
ဒီတလရထဲမှာ ပြေးကြည့်မှ ငါတို့ပဲ ရှိတော့တာ
ငါတို့ကမှ အားအင်အပြည့်နဲ့ ဆက်မလုပ်ရင် ဘယ်မအေရိုးမှ အားသွန်ခွန်စိုက် ပါမလာတော့ဘူး
နေသာသလိုနေ မြေလမ်းသင့်မှ ခြေလှမ်းဝင့်ကြမယ့် သူတွေချည်းပဲ
မင်းတို့ ငါတို့ ခုနေခါ မကြိုးစားရင် တသက်လုံး မျှော်မှန်းသမျှ ရွှေပြည်တော် မျှော်တိုင်းဝေးပြီ
လက်ညိုးတွေလဲ အပြန်အလှန်ထိုးမနေကြနဲ့
ကိုယ်စွမ်းနိုင်သလောက်ထက် ပိုပြီး ကြိုးစား
ချကြ ကိုယ့်လူတို့
မင်းတို့လဲ ရုန်း ငါလဲရုန်းမယ်
ဒါမှ ရွေ့မှာ

25/05/2026

ဒါလဲ ငါ့တပ်ထဲက ရဲဘော်တွေပဲ
တခါတခါ အကြွေးဆို တခြားဟာက နည်းနည်း
အရက်၊ ဆေးလိပ်က များများရယ်

18/05/2026

ဘာတွေ ဆက်ဖြစ်ဦးမှာလဲ

မြို့ ၄ မြို့မှ TNLA ဆုတ်ခွာရန် စစ်တပ် ပြော

ဧရာဝတီ၊ မေ ၁၈၊ ၂၀၂၆

တရုတ်နိုင်ငံ ကူမင်းမြို့၌ မေလ ၁၂ ရက်နှင့် ၁၃ ရက်တို့တွင်ပြုလုပ်သော ဆွေးနွေးမှုအတွင်း ပလောင် (တအာင်း) အမျိုးသားလွတ်မြောက်ရေး တပ်မတော် (TNLA) ထိန်းချုပ်ထားသည့် မြို့ ၄ မြို့မှ တလအတွင်း ဆုတ် ခွာရန် စစ်တပ်က ပြောဆိုခဲ့ကြောင်း သတင်းရင်းမြစ်တဦးထံမှ သိရသည်။

တရုတ် ဦးဆောင်ကျင်းပသော ယခုတွေ့ဆုံမှုအတွင်း တရုတ်ကိုယ်စားလှယ်၊ TNLA ထိပ်ပိုင်းခေါင်းဆောင်တချို့နှင့် မကြာသေးမီက တပ်မတော် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ရာထူးတိုးပေးခံရသည့် ဒုဗိုလ်ချုပ်ကြီး ကိုကိုဦးတို့အဖွဲ့ တက်ရောက်ခဲ့ကာ ၁၁ ကြိမ်မြောက် ဆွေးနွေးပွဲ ဖြစ်သည်။

TNLA ထိန်းချုပ်ထားသည့် နမ္မတူ၊ မိုင်းလုံ၊ မိုင်းငေါ့နှင့် တရုတ်- မြန်မာနယ်စပ် နမ့်ခမ်းမြို့တို့မှ ဆုတ်ခွာပေးရန်နှင့် အချိန် ၁ လသာပေးမည်ဟု စစ်တပ်ရာဇသံပေးထားကြောင်း ဧရာဝတီ သတင်းရင်းမြစ်တဦးက ပြောသည်။

၎င်းက "TNLA ခေါင်းဆောင်တွေဘက်က စစ်တပ်ရဲ့ တောင်းဆိုချက်ကို လက်မခံဘူးလို့ ထင်ပါတယ်။ စစ်ရေးအရ ပြင်ဆင်မှုတွေ ၂ ဖက်လုံး ရှိလာနိုင်တယ်" ဟု ပြောသည်။

တရုတ်နယ်စပ်ရှိ လက်နက်ကိုင်တပ်များနှင့် ဆွေးနွေးမှုများအတွင်း စစ်တပ်ဘက်က ၂၀၀၈ အခြေခံ ဥပဒေပါ ပေးထားချက်များအတိုင်း နယ်မြေကိစ္စရပ်များ အမြဲဆွေးနွေးစေခဲ့ပြီး TNLA ကိုလည်း ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်နှင့် မန်တုံမြို့တို့သာ ပေးအပ်ရန် သဘောတူကြောင်း သတင်းရင်းမြစ် နောက်တဦးက ဆိုသည်။

စစ်တပ်နှင့် ယခုတကြိမ်တွေ့ဆုံမှုအပေါ် TNLA ဘက်မှ သတင်းထုတ်ပြန်ခြင်း မရှိသေးသောကြောင့် ဧရာဝတီက အတည် မပြုနိုင်သေးပေ။

အထက်ပါ ဆွေးနွေးပွဲမတိုင်မီ ရက်ပိုင်းအတွင်း TNLA ဖမ်းဆီးထားသည့် စစ်သုံ့ပန်း ၁၀၀ ကျော်အား ကျောက်မဲမြို့သို့ ပြန်လွှတ်ပေးခဲ့ပြီး ထိုထဲတွင် နမ့်ဆန်မြို့သိမ်းတိုက်ပွဲမှ ဖမ်းဆီးမိသည့် အမှတ် (၁၀၁) ခြေမြန်တပ်မ ဌာနချုပ် တပ်မမှူး ဗိုလ်မှူးချုပ် မင်းမင်းထွန်းလည်း ပါဝင်ကြောင်း ဒေသတွင်းသတင်းများ၌ ဖော်ပြသည်။

ယခုနှစ် မတ်လက TNLA ထိန်းချုပ်ထားသည့် တရုတ်-မြန်မာ နယ်စပ်ကုန်သွယ်ရေးလမ်းကြောင်းပေါ်ရှိ ကွတ်ခိုင်မြို့နယ်နှင့် မူဆယ် ၁၀၅ မိုင်အား မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) တိုက်ခိုက်သိမ်းယူခဲ့ခြင်းကြောင့် TNLA သည် မြို့နယ် ၆ ခုသာ ထိန်းချုပ်ထားနိုင်ကာ စစ်တပ်က မြို့နယ် ၄ ခုမှ ထပ်မံ ဆုတ်ခွာခိုင်းနေခြင်းဖြစ်သည်။

စစ်တပ် ပြန်တောင်းယူနေသည့် နမ့်ခမ်းနှင့် နမ္မတူမြို့တို့နှင့် ထိစပ်နေသော နေရာအများစုတွင် MNDAA တပ်များ ဝင်ရောက် တပ်စွဲထားပြီး စစ်ရေးအရ TNLA အား ဖိအားပေးနေကြောင်း သိရသည်။

"၁၀၂၇ စစ်ဆင်ရေး" အတွင်း TNLA သိမ်းပိုက်ခဲ့သည့် နောင်ချို၊ ကျောက်မဲနှင့် သီပေါမြို့များကို စစ်တပ်ထံ စစ်ရေးအရ လက်လွှတ်ခဲ့ရပြီး ယမန်နှစ်က တရုတ်၏ ကြားဝင်မှုဖြင့် မိုးကုတ်နှင့် မိုးမိတ်မြို့တို့ကို စစ်တပ်ထံ ပြန်လွှဲပေးခဲ့ရသည်။

အာဏာသိမ်း စစ်တပ်က TNLA နှင့်တွေ့ဆုံပြီးနောက် ကူမင်းမြို့၌ MNDAA နှင့် ထပ်မံတွေ့ဆုံနေကြောင်းသိရပြီး လားရှိုးမြို့ ဆင်နှစ်ကောင် ဟိုတယ်တွင်လည်း ၁ လ နှစ်ကြိမ်ခန့် ပုံမှန် တွေ့ဆုံလျက်ရှိကြောင်း သိရသည်။

18/05/2026

ငါ၏ခေါင်းသည် သွေးခြင်းခြင်းနီမြန်းလင့်ကစား ငါကား ဦးမညွတ်

၁၈ မေလ ၂၀၂၆ ကျဆုံးရဲဘော်များအား အလေးနီပြုလျက်

17/05/2026

မိုက်တယ်ဟေ့ ကြိုက်တယ်ဟေ့